Matthew 1:20 - Bible Ni Thothup

²⁰ Ma nap’an ni ka be leamnag ni aram rogon, me mol me m’ug ba engel rok Somol ngak u malik’ay me ga’ar ngak, “Josef, ni gur owchen e ganong rok David, dab mu tamdag ni ngam fek Maria nge mang le’engim. Ya gelngin fare Kan Nthothup e ke yib ngak Maria ke diyen.

Matthew 1:20 Referans Kwoze

Luke 1:19

Me fulweg fare engel ngak ni ga’ar, “I gag Gabriel, gu ma par u p’eowchen Got, ni ir e ke l’oegeg ni nggu non ngom ni nggu weliy e re bugithin ni bfel’ ney ngom.

Matthew 1:18

Ba’aray rogon nni gargeleg Jesus Kristus. I Maria ni chitiningin Jesus e nduwgiliy ni ngi i par ma yow ra mabgol Josef ba ngiyal’, machane dawor ra mabgolgow me pir’eg Maria rok nike diyen u gelngin fare Kan Nthothup.

Matthew 2:19

Fa’ani yim’ Herod, me m’ug ba engel rok Somol ngak Josef u malik’ay u Egypt,

Joel 2:28

’Ma tomur riy e bay gu pu’og e Kan Nthothup rog nga daken urngin e girdi’, ma pi’in pagel romed nge pi’in rugod romed e bay ra weliyed e thin rog ngak e girdi’; ma pi pumo’on ni kar pilibthirgad e bay i yib e lik’ay ngorad, ma pi’in pagel romed e bay ni piliyeg e changar rorad ngu’ur guyed bogi ban’en.

Luke 2:4

Me chuw Josef ko binaw nu Nazareth ni bay u lan yu Galile nge yan nga Judea nga bbinaw ni bay riy ni yu Bethlehem fithingan, ni ir e ni gargeleg David ni pilung riy. Ere sul Josef ngaram ni bochan e ir reb i owchen David.

Matthew 28:5

Me ga’ar fare engel ngak fa gali ppin, “Dab mu tamdaggow, gu manang ni kam bow ni ngam guyew Jesus, ni fa’anem nrichibiy ko kuruth.

Isaiah 26:3

I gur, SOMOL, e ngam pi’ e gapas nib manigil ngak e pi’in nib muduwgil lanin’rad ma gur e ma lagan’rad ngom.

Judges 13:3

Me yib i m’ug e engel rok SOMOL ngak e re pin nem me ga’ar ngak, “Ka aram n’umngin nap’an i yib ke mada’ ko chiney ma dawori yag ni mu diyen, machane chiney e bay mu diyen ngam gargeleg bochi pagel.

Genesis 31:11

Ma aram me non ba engel rok Got ngog u malk’ay ni ga’ar, ‘Jakob!’ mug fulweg, ‘Gu ba’aray.’

Matthew 2:22

Ma nap’an ni rung’ag nike yan Arkelaus ko liw rok Herod ni chitamngin ni ir e kemang pilung nu Judea, me tamdag Josef ni nge par u rom. Minog ngak u malik’ay e tin nge rin’, ma aram me yan ko nug nu Galile,

Psalms 143:8

Mu tay ngan’ug ni gubin e kakadbul e t’ufeg rom ni dabimus, ya kug tay e pagan’ rog ngom. Meybil rog e be yib ngom ngalang; mu dag ngog e kanawo’ ni nggu wan riy.

Psalms 119:125

I gag e tapigpig rom; mu pi’ ngog e tamilangan’, ya nge yag ni gu nang e machib rom.

Psalms 94:19

Yu ngiyal’ ni der paslagan’ug ma ke magafan’ug, ma ga fal’eg lanin’ug nggu felan’.

Matthew 2:13

Nap’an ni kar chuwgad me m’ug ba engel rok Somol ngak Josef u malik’ay ni be ga’ar ngak, “Mu od, mfek fare tir nge chitiningin ngam milnagrow nga Egypt, ma ga par u rom nge mada’ ko ngiyal’ ni bay gog ngom ni ngam chuw u rom. Ya bayi gay Herod e re tir nir ni nge li’ ngem’.”

Jeremiah 33:26

Ni aray feni muduwgil ni kug rin’ e ran’ey, aram e bay kug ul’ul ko fare m’ag u thilmow e pi’in owchen Jakob nge tapigpig rog i David. Bay gu mel’eg reb i owchen David ni nge gagiyeg nga daken e pi’in owchen Abraham, Isaak, nge owchen Jakob. Bay gu par ni gu be runguy e girdi’ rog ma bay gu fal’eg rograd bayay.”

Isaiah 30:21

Fa’an gimed rayan nga wuru’ e wo’ ko ba’ ni mat’aw ara ba’ ni gilay’, ma gimed ra rung’ag lungun nga fiti keru’med ni be ga’ar, “Ba’aray e wo’. Mu leked.”

Proverbs 12:5

Girdi’ ni yul’yul’ e gimew ra puruy’ ni bfel’; ma be’ nib kireb e kemus ni ba’adag ni ngi i ban nigem.

1 Kings 17:13

Me ga’ar Elijah ngak, “Dab mu rus, mman ngam ngongliy e ggan romew, machane som’on e ngam fek e chu’uw i flowa ni bay rom ngam ngongliy ba flowa riy nib achig ma ga fek i yib ngog, ma tin ke magey riy e ngam ngongliy rogon ngam kew fakam.

Jeremiah 40:9

Me ga’ar Gedaliah ngorad, “Nggu micheg ngomed ni dab mu rus gad ni ngam pired nga tan pa’ yu Babylon. Mi gimed par u lan e re nam ney ngu’um pigpig gad rok fare pilung nu Babylon, bay mu pired ni gubin ban’en ni bfel’ u puluwomed.

Jeremiah 31:22

Uw n’umngin nap’an ni ngam pired ni gimed be toruruw, gimed e pi girdi’ nir ndariy e michean’ romed? I Gag SOMOL e ku gu ngongliy ban’en nib be’ech mab thil nga daken e fayleng: bod feni thil be’ ni bpin ni be yoror rok be’ nib pumo’on ni nge dabi buch ban’en rok.”

Isaiah 51:7

“Mmotoyil ngog, ni gur e en gamnang e n’en nib mat’aw, nike rich e machib rog nga fithik’ i lanin’um. Dab murus ko ngiyal’ ni be kak’aringem e girdi’ ma yad be yog e thin nib kireb ngom;

Numbers 12:6

Me ga’ar SOMOL, “Mu telmew ko tin ni nggog! Ra bay e profet u fithik’med ma gu ma piliyeg e changar rorad ngar nanged gag, fa gu non ngorad u malik’ay.

Genesis 46:3

Me ga’ar, “I gag Got, ni Got rok e chitamam. Dab mu tamdag ni ngam man nga Egypt; ya pi’in owchem e bay gu gagiyeg nagrad u rom ngar manged girdi’en reb e nam ni ba ga’.

Isaiah 7:2

Me taw e thin ngak fare pilung nu Judah ni salthaw nu Syria e ka ra mufgad ngalan yu Israel, me yib e marus ngak nge gubin e girdi’ rok ngu’ur t’on gad ni bod e gek’iy ni mithmitheg e nifeng.

Isaiah 7:13

Me fulweg Isaiah ni ga’ar, “Pi owchen David ni Pilung, mu telmed. Ka mu gafgow niged e gumaen’ ko girdi’, ere ngkum gafgow niged e gumaen’ rok Got?

1 Kings 3:5

U rom u Gibeon e yib i m’ug SOMOL ngak Solomon u malik’ay nnep’; me ga’ar ngak, “Mang e ga ba’adag ni nggu pi’ ngom?”

Matthew 2:12

Me yog Got ngorad u malik’ay ndab kur sulod ngak Herod; ma aram miyad sul nga taferad u yugub pa’ e kanawo’.

Matthew 27:19

Ma nap’an nike par Pilate nga tagil’ u lan fare senggil ni tafen e pufthin, me pi’ e bpin rok e thin nge yib ngak ni ga’ar, “Mpag e re mo’on nir ndawori bucheg ban’en, ndariy ban’en ni ngam rin’ ngak, ya fowngan e ri gu gafgow u malik’ay ni bochan.”

Acts 5:19

Machane re neap’ i n’em e yib ba engel rok Somol i bing e pi garog ko kalbus, me pow’iy fapi apostel nga wuru’ e kalbus, me ga’ar ngorad,

Revelation 19:7

Ere nge felan’dad ngar da felfelan’gad; ngad pininged e sorok ngak nga feni sorok! Ya ke taw ko fare ngiyal’ i n’em ni nge mabgol fare Fak e Saf, ma fare pin ni ir e nge mang leengin e ke fal’eg rogon ni ngar mabgolgow.