Mark 7:34 - Bible Ni Thothup

³⁴ Me sap Jesus nga lanelang, me pag e pogofan rok, me ga’ar ngak fare mo’on, “Ephphatha,” ni fan e re bugithin ney e, “Mmab!”

Mark 7:34 Referans Kwoze

John 11:41

Miyad chuweg fare gaf i malang u langan fare yiy. Me sap Jesus ngalang me ga’ar, “Chitamag, kari mmagaer, ni ga be rung’ag lungug.

Mark 6:41

Me fek Jesus fa lal yal’ i flowa nge fa gali nig, me sap ngalang, me pining e magaer riy ngak Got. Mi i t’et’ar fa yu yal’ i flowa ngi i pi’ ngak pi gachalpen ngar f’othed ko girdi’. Ma ku errogon fa gali nig ni ki t’et’ar nge pi’ ngorad ngar f’othed ko girdi’ ni urngin.

Mark 5:41

Me kol pa’ fachi pin me ga’ar ngak, “Talitha koum,” ni fan e re bugithin ney e, “Fachi pin! Be lungug ngom, mu suwon!”

Acts 9:34

Me ga’ar Peter ngak, “Eneas, ke gol nigem Jesus Kristus. Mu suwon ngam ngongliy rogon e bet rom.” Ka chingiyal’ nem me suwon Eneas.

John 11:33

I guy Jesus Maria ni be yor, nge fapi cha’ nu Israel ni yad be lek ni ku yad be yor; me ri taganan’.

Mark 15:34

Ma nap’an ni dalip e kolok me non Jesus nri ba ga’ laman ni be ga’ar, “Eloi, Eloi, lema sabachthani?” ni fan e pi thin ney e be ga’ar, “Got rog, Got rog, mangfan ni kam n’igeg?”

Mark 8:12

Me ri ga’ar Jesus, “Ah”, nike kireban’, me ga’ar, “Mangfan e girdi’ ko bin daba’ e rran ni yad be mogow maang’ang? Dab ndag ngak e pi girdi’ ney e re pow ni be’er ni gimed be ning!”

Acts 9:40

Me yog Peter ngorad ni ngranod nga waen ni yad gubin, me ragbug nga but’ nge meybil; me cheal nge sap ko fare yam’ me ga’ar, “Tabitha, mu suwon!” Me pithig owchen, ma fa’ani guy Tabitha Peter me suwon.

John 11:43

Ma nap’an ni mu’ i yog rok e re bugithin ney me pong ni ba ga’ gaman ni ga’ar, “Lazarus, moy nga waen!”

Hebrews 4:15

Re prist rodad nem ni fare Prist ni Th’abi Ga’ e gathi reb e prist ni dabi kireban’ ngodad nga fadad me’waer. Ya re prist rodad nem ni fare Prist ni Th’abi Ga’ e yib ngak urngin kanawo’en e pin’en nma waliy e girdi’ nge denen ni bod gadad, machane de denen.

John 17:1

Fa’ani mu’ i yog e re bugithin ney rok Jesus, me sap ngalang me ga’ar, “Chitamag, ke taw ko fare awa. Mu gilnag buguwan Fakam, me gilnag Fakam buguwam.

John 11:38

Me yib e kireban’ nib gel ngak Jesus bayay, me yan ko fa gin ni kan chibgiliy fa’anem riy, nib yiy ni kan ning nga ba gaf i malang.

John 11:35

Me yor Jesus.

Luke 19:41

Me chuchugur i yib ko fare binaw, ma fa’ani guy me yornag,

Luke 18:42

Me ga’ar Jesus ngak, “Ere mu guy ban’en! Ya michan’ rom ngak Got e ke gol nigem.”

Luke 7:14

Me yan ngorad nge yan i math ko kahol rok fare yam’, me tal fapi pumo’on ni yad be fek fare yam’. Me ga’ar Jesus, “Fachi cha’! Be lungug ngom, mu suwon!”

Mark 1:41

Me taganan’ Jesus ngak, me k’iyag pa’ nge math ngak me ga’ar, “Bm’agan’ug ngay, aram e ngam be’ech!”

Isaiah 53:3

Kad darifan niged, ma kad dabuyed; i athamgil u fithik’ e gafgow nge amith. Ma dariy be’ ni adag ni nge changar ngak, da feked yathin ni gowa be’ nib m’ay fan.

Exodus 2:23

Me munmun me yim’ e pilung nu Egypt. Machane piyu Israel e kuyad be gowol ko gafgow ni yibe tay ngorad ko sib niyad be tay rok piyu Egypt, miyad yornag e ayuw ngalang. Me yan lamrad ngalang ngak Got,

Mark 7:35

Ka chingiyal’ nem me mab tel fa’anem nl’agruw raba’, me fel’ rogon bolowthen, ma aram me non nike fel’ e thin u l’ugun.