Mark 6:5 - Bible Ni Thothup

⁵ Ma aram e dakiyag ni nge ngongliy e maang’ang u rom, ma kemus ni in e girdi’ e tay pa’ nga dakenrad nge gol nagrad.

Mark 6:5 Referans Kwoze

Matthew 13:58

Ma de ngongliy e maang’ang ni pire’ u rom, ni bochan e de michan’rad ngak.

Mark 9:23

Me ga’ar Jesus ngak, “Ke lungum, fa’an rayag rom! Urngin ban’en mrayag rok be’ ni fa’an ra bay e michan’ rok.”

Mark 5:23

me wenig i wenig ngak Jesus ni be ga’ar, “Bay bochi pin ni fakag, ni kari ubchiya’. Wenig ngom, moy ngam tay pa’am nga daken nge gol, me siy ki yim’!”

Hebrews 4:2

Ya kad rung’aged fare Thin Ni Bfel’ ni yib rok Got, ni bod rogon ni rung’ag fapi cha’nem. Rrung’aged e thin rok Got ma de fel’ rogorad ko re thin nem, ya fa’an rrung’aged ma da i michan’rad ngay.

Genesis 19:22

Mu gur nigem! Mmil! Dariy ban’en nrayag ni gu rin’ nge mada’ ko ngiyal’ ni kam tawgad ngaram.” Bochan e yog Lot ni ba’achig, ma aram min tunguy fithingan e re binaw nem ni Zoar.

Genesis 32:25

Ma fa’ani nang fare mo’on nder gel, me gad pa’ nga chagiyen Jakob, nge thil e yil riy, ni ka yow be fathael.

Acts 28:8

Ma bay e chitamngin Publius u bet nib m’ar, nib gel e gowel u daken ma ba thum’iyal. Me yan Paul ngak nga senggil, me meybil me tay pa’ nga daken nge golnag.