Mark 6:28 - Bible Ni Thothup

²⁸ me fek fare llug i yib nike tay nga lan e plet nge pi’ ngak fachi pin, me pi’ fachi pin ngak e chitiningin.

Mark 6:28 Referans Kwoze

Matthew 14:8

Me yog e chitiningin ngak e n’en ni ba’adag ni nge yog, me wenig fachi pin ngak Herod ni ga’ar, “Mpi’ lolugen John nma tawfe ngog u roy ni kan tay ngalan e plet!”

Mark 6:27

Ma ka chingiyal’ nem me l’oeg fare pilung reb e salthaw u fithik’ e salthaw ni yad ma matanagiy ni nge yan i fek lolugen John i yib ngak. Me ere yan i th’ab k’angan u kalbus;

Mark 6:29

Ma nap’an ni rung’ag pi gachalpen John murung’agen e n’en ni kan rin’ ngak John, ma aram miyad yib ngar feked downgin ngranod ra chibgiliyed ko gin ni yima chibgiliy e yam’ riy.

2 Samuel 4:7

Nap’an nra thapgow nga lane naun, mranow ngalan e singgil rok Ishbosheth, ko gin bay riy ni karimol aran, mar li’ew nge yim’. Ma aram mar th’abew lolugen ngar fekew, mranow e re nep nem ngar thumurgow u Jordan Valley.

2 Kings 10:8

Ma nap’an nnog ngak Jehu ni kani fek i yib fapi llug ni lolugen e pi’in owchen Ahab, me yog ni ngan tay ni l’agruw ulung u langan e garog ko fare binaw min digey u rom nge yani kadbul u reb e rran.