Mark 5:17 - Bible Ni Thothup

¹⁷ Ma aram miyad wenig ngak Jesus ni nge chuw ko nug rorad.

Mark 5:17 Referans Kwoze

Matthew 8:34

Ma aram e gubin e girdi’ ko re binaw nem nranod nga wuru’ e binaw ni ngar mada’gad Jesus; ma fa’anra guyed miyad wenig ngak ni nge chuw ko nug rorad.

Mark 1:24

“I gur Jesus nu Nazareth, mang e ngam rin’ ngomad? Kamub ngaray ni ngam thang owchemad? Gu manang ko gur mini’ — i gur e mol’og rok Got ni gab thothup!”

Acts 16:39

Ma aram marbad ra weniggad ngorow; miyad fekrow nga wuru’ e kalbus miyad wenig ngorow ni ngranow ngar chuwgow u lan e re binaw nem.

Luke 8:37

Ma urngin fapi girdi’ ko gi nug nem nra mu’ulunggad ngar weniggad ngak Jesus ni nge yan nge chuw u rom, ya yad gubin nike yib e tamdag ngorad nib gel. Ma aram me af Jesus ngalan fare bowoch nge yan.

Luke 5:8

Ma fa’ani guy Peter e pi nig nem ni aram urngin, me ragbug nga but’ u p’eowchen Jesus me ga’ar, “Somol, mman ngam chuw rog, ya gag be’ ni gub tadenen!”

Mark 5:7

me tolul ni ba ga’ laman ni be ga’ar, “Jesus, ni Fak Got ni Th’abi Tolang! Mang e ga be finey ni ngam rin’ ngog? Gu be wenig ngom u mit Got ndab mu gechig nigeg!”

Genesis 26:16

Me ga’ar Abimelek ngak Isak, “Muchuw ko nam romad. Ya ke gal gelngim ngomad.”

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

Deuteronomy 5:25

Ere mang ni thingar darod u thathren e riya’ bayay? Re nifiy nem nib gel e ra thangdad. Rib muduwgil ni gadad ra yim’ ni fa’anra ngkud rung’aged laman SOMOL ni Got rodad bayay.