Mark 4:19 - Bible Ni Thothup

¹⁹ machane bochan e pin’en nma magafan’ e girdi’ ngay ko biney e tamilang, nge chogowen e fel’ rogon, nge urngin mit ban’en ni yad be chogownag ni nge yag ngorad e sugnag lanin’rad nge thang fapi thin rok Got u lanin’rad, ma aram ma dar k’ufgad.

Mark 4:19 Referans Kwoze

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

Filippi 4:6

Ma dariy ban’en ni nge magafan’med ngay, machane fa’an gimed ra meybil ngak Got mi gimed ning ngak e tin nge yag ngomed, ma gubin ngiyal’ ni ngu’um ninged ngak ni gimed be pining e magaer ngak u lanin’med.

Matthew 19:23

Ma aram me ga’ar Jesus ngak pi gachalpen, “Nggog ngomed, nrib mo’maw’ rok be’ ni pire’ ban’en rok ni nge un ko gagiyeg nu tharmiy.

John 15:2

Urngin i pa’ngig nder k’uf e ma th’ab, mma tamilangnag owchen urngin i pa’ngig ni be yib wom’ngin, ni fan e nge tamilang owchen nge yib wom’ngin ni pire’.

Luke 21:34

“Mu ayuwgad, ma dab mpaged gimed ngu’um pired ni ba ga’ ni mur nike pag rogon nge mu’un rrum e gimed be muruwliy, nge pin’en nma magafan’uy ngay ko biney e tamilang, ya richey mi gimed da’da’ ko re Rran nem nike taw ngomed.

Luke 10:41

Me fulweg Somol ngak ni ga’ar, “Martha, Martha! Bo’or bogi ban’en ni be magafan’um ngay,

Isaiah 5:4

Gur kabay ban’en ni gu pag nda gu rin’ ngay? Ere mangfan nike yib wom’ngin nib mugnin, ma gathi tin ni bfel’ e wom’ngin ni bod ni ug leamnag?

Isaiah 5:2

I gi’ e but’ riy nge chuweg e malang u fithik’; me yung e tin th’abi fel’ e woldug ni grape ngay. Me toy ba tafen e damit riy ni fan e ngu’un matanagiy, me ker ba low ni aram tagil’ wom’ngin e grape rok ni ngu’un udiy riy. I sonnag wom’ngin e grape ni nge lol, machane gubin fapi grape ma ba mugnin.

2 Peter 1:8

Ireray e pin’en ni nge yag ngomed, ya rayag ngomed ni pire’ ma gimed ra pasig me yib fan murung’agen e Somol rodad i Jesus Kristus ni kam nanged.

2 Timothy 4:10

Ya Demas e ke t’uf rok e ngongol nu roy u fayleng, ma ke pageg ke yan nga Thessalonika. Mi Krescens e ke yan nga Galatia, mi Titus e ke yan nga Dalmatia.

Eklesiastes 4:8

Ba’aray be’ nma par rok ni go’ ir. Dariy fak ni pumo’on, fa walagen ni pumo’on, ma maruwel ni gubin ngiyal’, ma der gaman u lanyan’ ko fel’ rogon ni bay rok. Fan ngak mini’ e tinef e maruwel ni aram feni almarin me pag ni da ki un ko felfelan’? Ku ara’ reb nib m’ayfan — ma ba gafgow e par riy.

Jude 1:12

Yad bod yu yang i alit u fithik’med ko ngiyal’ ni kam ted bochi abich riy ni yad be abich ma yad be garbod ma yad be nonnon ni gathi yad be leamnag laniyan’ be’ ma darir tamra’gad ko ngongol ni yad be rin’; ma kemus ni go’ yad e yad be leam niged yad. Yad bod e manileng ni be fek e nifeng i yan ma der pi’ e n’uw. Ma yad bod e gek’iy nder yib wom’ngin ni mus ko ngiyal’ nma yib e galowog riy, ni gek’iy ni kan pug lik’ngin ngalang ke l’ud.

Matthew 3:10

Ya tow e kan fal’eg rogon ke par ni nge th’ab e gek’iy u lik’ngin; gubin kaen e gek’iy nder yib wom’ngin ni bfel’ e yira th’ab nga but’ nga nin’ nga mit e nifiy.

Proverbs 23:5

Ya salpiy rom e rayag ni nge mul u pa’am u lan ba talab, ni gowa yib pon nge changeg nge yan ni bod ba arche’ ni manuw.

Proverbs 23:4

Ngam gonop nge dabi aw parowom i muruwliy ni nge yo’or e salpiy rom.

Matthew 13:22

Ma awoch ni wear nga fithik’ e pan ni bay rachangalen e be yip’ fan e pi’in nrung’aged e thin rok Got, ma bochan e magafan’ rorad ko re par rodad ney u fayleng nge chogowen e fel’ rogon e yib i thang u wun’rad fare thin rok Got nnog ngorad, ma dakur k’ufgad.

Mark 4:18

Ma boch e girdi’ e yad bod e awoch nni wereg nga fithik’ e pan ni bay rachangalen. Ireray e picha’ nrung’aged e thin rok Got,

Roma 12:2

Dab mu folgad ko ngongol ni yibe rin’ u roy u fayleng, machane mpi’ed gimed ngak Got nge piliyegmed, ni aram e kari piliyeg lanin’med ni polo’. Ma aram e rayag ni ngam nanged e tin nib m’agan’ Got ngay — ni tin ni bfel’, ni bfel’ u wan’ Got ma rib yal’uw.

Efesus 2:2

Re ngiyal’ i n’em e um marod u kanawo’en e kireb nu fayleng; um folgad rok e en ni ir e pilung rok e pi kan nu lanelang, ni fare kan ni ir e chiney e be gagiyegnag e pi’in ndarir folgad rok Got.

Efesus 6:12

Ya gadad e gathi gadad be cham ngak e girdi’, ya gadad be cham ngak gelngin e kan nib kireb, ni pi kan ni yad e yad be gagiyeg, nge gelngin e kan u lanelang ko ngiyal’ney nib talumor.