Mark 3:24 - Bible Ni Thothup

²⁴ Fa’anra ruw raba’nag reb e nam ir ngar chamgow ngorow, ma bmuduwgil ni nge kireb fare nam.

Mark 3:24 Referans Kwoze

Zekariah 11:14

Ma aram mug t’ar fa ler ni l’agruw e lek’ ni “Dachug,” fithingan ni aram e dachug rok yu Judah ngu Israel nike wagey.

Ezekiel 37:22

Bay gu ulunguyrad ngar manged girdi’en ta’ab nam u daken e pi burey nu Israel. Bay ra pired ni ta’reb e pilung e be gagiyeg nagrad, ma gathi bay kur pired ni yad girdi’en ruw i nam ara rki’gad ngar l’agruw ulunggad u tan pa’ l’agruw i pilung.

2 Samuel 20:6

Ma aram me ga’ar fare pilung ngak Abishai, “I Sheba e ra pi’ boch e magawon ngodad nib gel boch ko tin nike pi’ Absalom. Mu fek e salthaw rog ngam leked i yan, ya fa’anra danga’ mra yan i par ngalan boch e binaw ni kan yororiy nib tolang ni fan ko mael me thay u pa’dad.”

2 Samuel 20:1

Ma yigi buch ni immoy be’ u Gilgal nde fel’ ngonglen ni Sheba fithingan ni be’ nib pumo’on ni fak Bikri, ni yib ko fare ganong rok Benjamin. Me thoy Sheba e yabul me tolul ni ga’ar, “Ngan dariyfannag David! Dab da leked! Pi pumo’on nu Israel, mmarod ngad sulod nga tafedad!”

John 17:21

Chitamag! Gu be wenignag ngom ni ngam ayuwegrad ngar pired ni yad gubin ni kar ta’rebgad. Mu ayuwegrad ngar pired u fithik’dow ni bod rogon ni ga bay u fithik’ag ma gu bay u fithik’am. Mu ayuwegrad ngar ta’rebgad, nge yag ni mich u wan’ e girdi’ nu fayleng ni gur e kam l’oegeg ku gub.

Matthew 12:25

Me nang Jesus e n’en ni yad be leamnag me ga’ar ngorad, “Re nam nra ruw raba’nag ir ngar chamgow ngorow e dabi par nib n’uw nap’an. Ma re binaw fa re tabinaw nra ruw raba’ ngar chamgow ngorow e ra wear.

Mark 3:23

Ma aram me pining Jesus fapi girdi’ ngarbad ngak, me non ngorad u fithik’ e fanathin ni ga’ar, “Uw rogon ni nge tuluf Satan Satan?

Mark 3:25

Ma fa’anra ruw raba’ ta’ab tabinaw ngar chamgow ngorow, ma bmuduwgil ni nge wear fare tabinaw.