Mark 2:27 - Bible Ni Thothup

²⁷ Me ga’ar Jesus ngak fapi Farise, “Sunumiy Got e Sabbath ni nge yib fan ko girdi’; ma gathi sunumiy Got e girdi’ ni girdi’ e nge yib fan ko Sabbath.

Mark 2:27 Referans Kwoze

Kolose 2:16

Ere dariy be’ ni nge ngongliy e motochiyel u murung’agen e n’en ni ngam ked ara n’en ni ngam garbodgad ngay ara pi rran nib thothup, ara madnom ni yima tay ko m’ug e pul ara Sabbath.

Luke 6:9

Me ga’ar Jesus ngorad, “Nggu fithmed: Mang e ma pagdad e Motochiyel rodad ngad rin’ed ko chirofen ni Sabbath? Ngan ayuweg e girdi’ fa ngan gafgow nagrad? Ngan ayuweg e pogofan ku be’ fa ngan thang?”

Deuteronomy 5:14

ma bin medlip e rran e yaran e toffan ni kam ogniged ngog. Rofen nem e dariy be’ ni nge maruwel — ni gimed, pifakmed, sib romed, gamanman romed, nge ku girdi’ nu bang nma par u lan e nam romed. Pi sib romed e thingar ra toffan gad ni bod gimed.

Ezekiel 20:12

Mu gog ngorad ni ngar ayuweged e Sabbath nib pow ko m’ag u thilmad, ni nge puguran ngorad ni Gag SOMOL e gu thothup nagrad.

Isaiah 58:13

Be ga’ar SOMOL, “Fa’anra um ayuwegned fare rran ni Sabbath ngu’um ted nib thothup, me siy um leam niged e win ni nge yib ngomed e rofen nem; me yib fan u wun’med e birog e rran nib thothup mi gimed tay fan nge siy um milekaggad e rofen nem, mi gimed pag e maruwel, me siy ku mu weliyed e thin nib m’ay fan,

Ezekiel 20:20

Mu ted e Sabbath ni reb e rran nib thothup, ya nge mang ba pow ko m’ag u thildad, me puguran ngomed ni Gag SOMOL ni Got romed.

Exodus 23:12

“Nel’ e rran ni ngam muruliyed e maruwel romed, machane rofen ni medlip ngay e ngam toffangad, ya nge yag ni toffan e pi sib, nge pi milekag ni yad be maruwel romed, nge pi gamanman romed.

John 7:23

Fa’an yira maad’ad ngak bochi tir nib pagel ko chirofen ni Sabbath ni bochan e nge dab nth’ab e Motochiyel rok Moses, me ere mang ni kam damumuwgad ngog ni bochan e kug chuweg e liliy rok be’ nib mo’on ko chirofen ni Sabbath?

2 Korinth 4:15

Urngin e pin’ey ma gimed e fan ngomed; ma bay i yo’or e girdi’ i yan ni be taw e ayuw rok Got ngorad ni bochan e be runguyrad, ma bo’or e meybil ni bay ra pi’ed ni yad be pining e magaer ngak Got, ni aram e yad be tayfan.

Deuteronomy 5:12

“‘Mu ayuweged e rran ni Sabbath ngam ted nib thothup, ni bod ni Gag SOMOL ni Got romed e kug taychilen ngomed.

Mark 2:28

Aram fan ni en ni Fak e Girdi’ e ku ir e Somol ko Sabbath.”