Mark 2:17 - Bible Ni Thothup

¹⁷ Me rung’ag Jesus e n’en ni yad be yog me fulweg ngorad ni ga’ar, “Pi’in yad ba gol e dariyfan e togta ngorad, ya kemus ni pi’in yad bm’ar e bay fan e togta ngorad. Gathi ku gub ni nggu pining e pi’in yad ba yal’uw, ya ku gub ni nggu pining e pi’in ndabun e girdi’ nu lan binaw dakenrad.”

Mark 2:17 Referans Kwoze

Luke 15:7

Ere nggog ngomed ni ku ireray rogon ni ba ga’ e felfelan’ ni yira tay u tharmiy ni bochan ta’reb e tadenen nike pi’ keru’ ko kireb ni be ngongliy, ko felfelan’ ni yira tay ni bochan mereb i ragag nge mereb e girdi’ ni yad ba yal’uw ni dariy rogon ni ngar pi’ed keru’rad ko denen.”

Luke 19:10

Ya en ni Fak e Girdi’ e ke yib ni nge gay ma nge thapeg ngak Got e pi’in kar maloggad.”

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

John 9:40

Ma boch e Farise ni bay rok u rom e rrung’aged e re bugithin ney nike yog, miyad fith ni lungurad, “Mog ga be finey ni kimus ngomad ma gamad bmalmit fa?”

Luke 15:10

Ere nggog ngomed ni ku ireray rogon e pi engel rok Got ni yad ra felfelan’, ni bochan ta’reb e tadenen ni pi’ keru’ ko kireb ni be ngongliy.”

Luke 15:29

Me fulweg ngak e chitamngin ni ga’ar, ‘A mu guy, ka aram urngin e duw ke mada’ ko chiney ni gu maruwel rom ni gowa gub sib, ma dariy ta’ab yay ni kug pag lungum. Ma mang e kam pi’ ngog? I mus nga ba kaming ma dawor mpi’ ngog ni nggu murniged e pi tafager rog!

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Isaiah 1:18

Be ga’ar SOMOL, “Mired ngad puruy’gad. Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis. Yug aram rogon ni kam alitgad nrib row ra’en, ma bay mu wechwechgad ni bod bunu’en e saf.

Acts 20:21

Ma ri ta’reb rogon piyu Israel nge pi’in gathi yad piyu Israel nri gu ta’chiylen ngorad ni ngar pi’ed keru’rad ko denen ni yad be ngongliy ngar sapgad ngak Got, me mich e Somol rodad ni Jesus u wun’rad.

Luke 16:15

Me ga’ar Jesus ngorad, “Gimed e pi’in gimed be dake moding niged gimed u p’eowchen e girdi’, machane Got e manang lanin’med. Ya n’en nma tafinaynag e girdi’ ni ir e th’abi ga’ fan e ban’en ndariyfan u p’eowchen Got.

Matthew 18:10

“Mu guyed rogon nge dab mu darifan niged u wun’med bagayad e pi bitir ney. Ya nggog ngomed ni pi engel rorad nu tharmiy e gubin ngiyal’ ni yad bay rok e Chitamag nu tharmiy.

Acts 26:20

Som’on e lan yu Damaskus ngu lan yu Jerusalem, ngu lan e nug nu Judea ni polo’ ngu fithik’ e pi’in gathi yad piyu Israel, e gu machibnag riy nthingar ra kalgad ngan’rad ngar pi’ed keru’rad ko denen ni yad be rin’ ngar pigichealgad ngak Got, ngar ngongliyed e pin’en ni ir e ra m’ug riy ni kar pi’ed keru’rad ko denen ni yad be rin’.

John 9:34

Miyad fulweg ngak ni lungurad, “I gur e ni gargel nigem ngan chuguluyem u fithik’ e denen ma ga be guy rogon ni ngam machib ngomed?” Ma aram miyad chuweg u lan tafen e mu’ulung.

Jeremiah 17:9

“Mini’ e rayag ni nge nangfan lanyan’ e girdi’? Dakriy yug reb e ban’en ni aram feni sasaliyab; ke pag rogon feni m’ar ni dabki gol.