Mark 16:19 - Bible Ni Thothup

¹⁹ Ma aram e fa’ani mu’ Somol Jesus ko numon ngak pi gachalpen min fek ngalang nga tharmiy, nge yan i par nga but’ nga ba’ ni mat’aw rok Got.

Mark 16:19 Referans Kwoze

1 Peter 3:22

ni ir e ke yan nga tharmiy ke yan i par nga ba’ ni mat’aw rok Got, ni ir e be gagiyegnag urngin e engel nge pi’in yad bay u tharmiy ni yad be tay murung’agen ban’en nge pi’in yad be yog e thin.

Hebrews 1:3

Ir e be galgal ram’en Got rok nrib galgal; i ir e ri ta’reb rogorow Got, me ir e be dunubiy e gin’en ni bay urngin ban’en u lanelang riy nib mu’un e fayleng ngay, ni be dunubiy ko thin rok nib gel gelngin. Tomuren nike be’echnag e girdi’ ko denen rorad me yan i par nga but’ u tharmiy u ba’ ni mat’aw rok Got, ni ir e Th’abi Tolang.

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

Roma 8:34

Gur rayag rok be’ ni nge turguy e gechig rorad? Kristus Jesus e gathi kemus ni yim’ ni fan ngodad, ya ku ni faseg ko yam’ ke yan i par nga ba’ ni mat’aw rok Got. Be wenig nagdad ngak Got!

Psalms 110:1

I Somol e ga’ar ngak e somol rog, “Mu par aray nga ba’ ni mat’aw rog nge yan i mada’ ko ngiyal’ ni bay gu tay e pi to’ogor rom nga tan e rifrif u em.”

Acts 2:33

Kan faseg ke yan i par nga ba’ ni mat’aw rok Got ma ke pi’ Got fare Kan Nthothup ngak, ni bod rogon ni yog e Chitamngin; ma n’en ni gimed be guy e chiney ma gimed be rung’ag e tow’ath rok nike pu’og nga dakenmad.

Hebrews 8:1

N’en ni gadad be weliy murung’agen e ba’aray: bay fare Prist ni Th’abi Ga’ rodad nike par nga but’ u ba’ ni mat’aw u tagil’ Got ni Pilung ni Th’abi Tolang u tharmiy.

Kolose 3:1

Kan unegmed ngak Kristus kan fasegmed ko yam’. Ere mu suguyed lanin’med ko pin’en ni bay u tharmiy, ko gin nike par Kristus riy nga tagil’ u ba’ ni mat’aw rok Got.

John 20:17

Me ga’ar Jesus ngak, “Dab mmath ngog, ya dawor gu sul ngak e Chitamag nga tharmiy Machane mman ngak fapi cha’ ni walageg ngamog ngorad ni bay gu sul nga tharmiy ngak fa’anem ni ir e Chitamag me ir e Chitamangimed, ni ir e Got rog me ir e Got romed.”

Hebrews 6:20

I Jesus e ke yan ngalan e re senggil nem nike m’on rodad, me ir e owchedad ngaram. Ke mang Prist ni Th’abi Ga’ ndariy n’umngin nap’an, ni bod rogon Melkizedek.

1 Timothy 3:16

Rib muduwgil ni yira ngat ko n’en nib riyul’ ni ir e ke michan’dad ngay: I yib i m’ug nike bod ya’an e girdi’, ma Kan Nthothup e dag nib mat’aw, ma pi engel e ra guyed. Ma kan machibnag murung’agen ko pi nam i yan, me michan’ e girdi’ nu fayleng ngak, min fek nga tharmiy.

John 6:62

Ra di’in an’med ni fa’an gimed ra guy e en ni Fak e Girdi’ nike sul ngalang ko gin ni immoy riy?

Luke 9:51

Ma nap’an ni be chugur ko re ngiyal’ i n’en ni ba’aram ni ngan fek Jesus riy nga tharmiy, me turguy u wan’ ni nge yan nga Jerusalem, ma aram me yan.

Hebrews 9:24

Ya Kristus e gathi yan ngalan e Gin nib Thothup ni girdi’ e ngongliy, ni ya’an e bin ba’aram ni ir e ba riyul’. I ir e yan ngalan e tharmiy, ni ireram e gin ke yan ngay nike yan nga p’eowchen Got ni fan ngodad.

Hebrews 7:26

Ere Jesus e ir fare Prist ni Th’abi Ga’ ni ir e rayag ni nge ayuwegdad u urngin ban’en! Ya ir e ba thothup; ni dariy thibngin ma dariy e denen rok; ke fal Got ngabang ni gathi ir reb e pi tadenen ma ke tay ni ir e th’abi tolang u tharmiy.

Hebrews 4:14

Ere ngad chichiiyed pa’dad ko michan’ rodad ni ir e gadad be weliy murung’agen. Ya bay e prist rodad ni fare Prist ni Th’abi Ga’ nike yan ngak Got — ni ir Jesus, ni Fak Got.

Acts 3:21

Thangri par u lan e tharmiy nge yan i mada’ ko ngiyal’ ni nge thiliyeg Got urngin ban’en riy nge be’echnag, ni bod rogon nike weliy Got kakrom u l’ugun e pi profet rok nib thothup.

John 21:22

Me fulweg Jesus ngak ni ga’ar, “Fa’anra gub adag ni nge par nib fos nge yan i mada’ ko ngiyal’ ni bay gub riy, ma ngam kuni’eg? Um lekeg!”

John 21:15

Nap’an ni kar mu’gad ko abich, me ga’ar Jesus ngak Simon Peter, “Simon, ni fak John gur, kab gel fenag t’uf rom ngarogon ni gub t’uf rok e pi cha’ney?” Me fulweg ni ga’ar, “Er rogon, Somol, ga manang ni gab t’uf rog.” Me ga’ar Jesus ngak, “Mu gafaliy e tin ni kab bitir e saf rog.”

John 17:13

Ere chiney e bay gub ngom, ma kugog e pi thin ney u roy u fayleng ni fan e nge yag e felfelan’ rog ngorad nge yan i mus ngarogon.

John 16:28

Ku gub rok e en ni Chitamangiy ngaray nga fayleng; me ere chiney e bay gu chuw u roy u fayleng nggu sul ngak e en ni Chitamangiy.”

John 13:1

Chirofen ney e eram e rofen ni bay ngam’on ko madnom ni Paluk’af. Ma manang Jesus nike taw nga nap’an ni nge chuw ko re fayleng ney nge yan ngak e en ni Chitamangiy. Gubin ngiyal’ ni yugu ma par nib t’uf rok e pi’in yad e tirok’ e girdi’ u fayleng, ma yigi i par ni yad ba t’uf rok nge yan i mada’ ko tomur.

Mark 16:20

Ma aram me yan fa pi’in gachalpen Jesus ngar machibgad u gubin yang, me un Somol ngorad ko maruwel, nike pi’ gelngirad yad be ngongliy e maang’ang, ni aram e mich riy nike pi’ ni thin rok ni yad be machibnag e ba riyul’.] [ (9) Me yan fapi ppin ngak Peter nge pi tafager rok ngar weliyed ngorad. (10) Ma tomren e biney, e maruwel Jesus ngak pi gachalpen ngar wereged e thin rok Got nib thothup ma dabim’ay bi’id, nra wereged u lan e ngek nge mada’ ngalan e ngal, ni fare thin ni murung’agen e n’en nra rin’ min thap ko yafos ndariy n’umngin nap’an.]

Luke 22:69

Machane chiney i yan ngaram e en ni Fak e Girdi’ e bayi par nga ba’ ni mat’aw rok Got ni Gubin ma Rayag Rok.”