Mark 14:55 - Bible Ni Thothup

⁵⁵ Ma aram me gay e pi tolang ko prist nge urngin e girdi’ u lan fare ulung e mich rorad ni nge togopluw ngak Jesus, ni bochan e nge yag nli’ ngem’, machane de yag nra pir’eged.

Mark 14:55 Referans Kwoze

Matthew 5:22

Machane gu be yog ngomed e chiney, ni en nra damumuw ngak be’ ni walagen e yira fek i yan nga p’eowchen e en nma puf oloboch; ma en nra ga’ar ngak walagen, ‘Gur e dariy ban’en ni gab fel’ ngay!’ e yira fek ngalan e sobol ko mu’ulung; ma en nra ga’ar ngak walagen, ‘Dariy fam i gur e re balyang nir!’ e rayag ni nge yan nga fithik’ e nifiy ni dabi math bi’id.

Daniel 6:4

Ma fa galicha’ ni yow ma guy e maruwel ko fapi tafanow nge pi governor ra guyed rogon ni ngar pir’eged ban’en ni thibngin Daniel u rogon ni be tay murung’agen ga’ngin e gin ma gagiyegnag fare pilung. Machane dar pir’eged thibngin ara ban’en nike kirebnag, ya ma par Daniel nib yul’yul’ ma der ngongliy ban’en nib oloboch ara ba kireb.

Psalms 35:11

Be welthin e girdi’ ni kireb nib togopluw ngog, ma pi kireb ni yad be yog ni kug rin’ e dagnang murung’agen.

Psalms 27:12

Dab mu n’igeg nga pa’ e to’ogor rog; ni yad be togopluw ngog ko thin ni yad be t’ar nga dakenag ma yad be yog ni ngar rin’ed ban’en ngog.

1 Kings 21:13

Fa gal girdi’ nrib kireb e rognew u rom u fithik’ e girdi’ nike yog Naboth e thin nib kireb ngak Got nge en ni pilung, ma aram min fek Naboth nga wuru’ e binaw nga ni malangnag nge yim’.

1 Kings 21:10

Mi gimed fek l’agruw e girdi’ nrib kireb nga rognew u p’eowchen nike yog e thin nib kireb ngak Got nge en ni pilung. Mi gimed fek nga wuru’ e binaw ngam malang niged nge yim’.”

Mark 14:56

Ya bo’or e girdi’ ni yad e ngar micheged Jesus nra t’ared e thin nga daken Jesus, machane de ta’reb rogon e thin nrogned.

John 18:19

Me fith fare Prist ni Th’abi Ga’ Jesus u murung’agen pi gachalpen nge murung’agen e machib ni be tay.

John 18:21

Ere mang ni ga be fitheg? Mu fith e girdi’ ni ur rung’aged e thin ni ug weliy. Mu fithrad ko n’en ni kug weliy ngorad — ya yad manang e n’en ni u gog.”