Mark 14:44 - Bible Ni Thothup

⁴⁴ Ma aram e ke pi’ e en ni yagnag Jesus e pow ngak fa pi’in kar uned ngak ni ga’ar ngorad, “Re mo’on ni gu ra faray owchen e aram e cha’ ni gimed be finey. Mi gimed kol ngam feked.”

Mark 14:44 Referans Kwoze

Proverbs 27:6

Ra puwan’ e fager rom ngom ma bfel’, mra palyag e to’ogor rom ngom ma ngam kol ayuw.

Exodus 12:13

Rracha’ ko pi mab e bayi mang pow ko pi naun ni gimed be par riy. Nap’an ni gu ra guy e racha’, mu gu luk’afmed ni dab gu bucheg ban’en romed, u nap’an ni gu be gechignag yu Egypt.

2 Thessalonika 3:17

“I gag Paul.” Ireray rogon ni gu ma sayinnag urngin yang e babyor; ma ireray rogon ni gu ma yol.

Filippi 1:28

Ri dab mu rusgad ngak e pi to’ogor romed; ma nge athamgil lanin’med ni gubin ngiyal’, ireray e ren’en nra micheg ngorad ni bay ra waergad, ma gimed e bay mu gelgad, ya Got e ir e bayi ayuwegmed ngam gelgad!

Joshua 2:12

Ere mmichegew ngog u daken fithingan SOMOL ni gimew ra ayuweg girdi’en e tabnaw rog, ni bod ni ku gu ayuwegmew, mi gimew pi’ ba pow ngog nrayag ni nge pagan’ug ngomew.

Acts 16:23

Ma nap’an nra mu’gad i toyrow nib el merin mi nin’row nga kalbus, minog ngak e en ni pilungen e kalbus ni nge loknag e mab ngorow ni bfel’ rogon.

Matthew 26:46

Mu sak’iygad ngdarod. Mu sapgad, ba’aray fa’anem ni ir e nge yag nigeg!”

Mark 14:43

Ka be welthin, me taw Judas, ni ir reb fare ragag nge l’agruw i gachalpen, nike cheag ba ulung i girdi’ ngak ni kar feked e saydon nge gul, nike l’oegrad e pi tolang ko prist nge pi tamchib ko Motochiyel, nge pi’in pi’ilal.

Mark 14:45

Ma nap’an ni yigi taw Judas me yan ngak Jesus me ga’ar, “Tamchib!” Me faray Judas owchen.