Mark 13:4 - Bible Ni Thothup

⁴ “Mog ngomad ko wu’in e ra yodor, ma ga yog ngomad ko mang e ra yib i m’ug ni pow riy ni aram e ke taw nga nap’an urngin e pi n’ir ni nge yib i m’ug.”

Mark 13:4 Referans Kwoze

Matthew 24:3

Ma nap’an ni par Jesus nga but’ u daken e burey nu Olive, me yib pi gachalpen ngak ni go’ yad, miyad fith ngak ni lungurad, “Mog ngomad ko wu’in e ra yib urngin fa pin’en ni kamog, nge n’en nra yib ni nge dag nike taw ko ngiyal’ ni bay mub riy nge ngiyal’ ni tomuren e fayleng.”

Luke 21:7

Miyad fith ngak ni lungurad, “Tamchib, wu’in e ra yodor? Ma mang e ra yib i m’ug ni pow riy nike taw nga nap’an ni nge m’ug?”

Daniel 12:8

Gu rung’ag e tin keyog, machane da gu nang fan. Mu gu fith ni lungug, “Siro’, uw rogon ni bayi mus gubin ban’en?”

Daniel 12:6

Bagayow e ga’ar ngak fare mo’on nike yin’ e mad nib wech nib sak’iy nib kan boch nga p’ebugul e lul’, “Uw n’umngin nap’an me yan i mus e pin’ey ni yibe ngat ngay?”

Mark 13:3

Ma nap’an nib par Jesus nga but’ u daken e burey nu Olive ni be changar ko fare Tempel me fith Peter, nge James, nge John, nge Andrew ngak ni go’ yad ni lungurad ngak,

Mark 13:5

Ma aram me ga’ar Jesus ngorad, “Mu ayuwgad, ma dab mu paged be’ nge ban nagmed.