Mark 12:13 - Bible Ni Thothup

¹³ Mi nol’oeg boch e pi Farise nge boch e girdi’ ko ba’ rok Herod e girdi’ ngak Jesus ni ngar fithed bo’or ban’en ngak, miyad guy rogon ngar ninged e kanawo’ ngak ko thin.

Mark 12:13 Referans Kwoze

Luke 11:54

ni yad be guy rogon ni nge aw ko wup rorad ni ngar koled u murung’agen ban’en ni nge yog nde puluw.

Mark 3:6

Ma aram me chuw fapi Farise u lan tafen e mu’ulung mranod ni ka chingiyal’ nem ngar mu’ulunggad boch e girdi’ ko ba’ rok Herod e girdi’; miyad puruy’nag e n’en nra rin’ me yib tapgin ni ngar li’ed Jesus ngem’.

Mark 8:15

Me tay Jesus chiylen ngorad ni ga’ar, “Mu ayuweged gimed rok e is ko pi Farise nge is rok Herod.”

Matthew 16:6

Me ga’ar Jesus ngorad, “Mu ayuweged gimed ko is ko pi Farise nge pi Sadduse.”

Jeremiah 18:18

Ma aram me ga’ar e girdi’, “Marod ngad rin’ed ban’en ngak Jeremiah! Ya gubin ngiyal’ ni bay e pi prist ni yad ra fonow niged gadad, nge girdi’ nib gonop ni yad ra pow’iydad, nge pi profet ni yad ra weliy e thin rok Got ngodad. Ngad olobochgad ngak ma dab ku da motoyilgad ko tin be yog.”

Isaiah 29:21

Ra thang Got e pi’in yad ma gathibthibnag boch e girdi’, nge pi’in ma taleg e gechig ni dabi aw ko pi’in kireb, nge pi’in yad ma lufith l’ugunrad ni nge m’ing e thin nga daken e pi’in bfel’ e rok.

Psalms 140:5

Girdi’ nib tolangan’rad e kar fal’aged ba tafich ni fan ngog; kar ted e wup rorad, ma to’oben e wo’ kar ted e pi tafich ngay ni ngar koledgag.

Psalms 38:12

Pi’in yad ba’adag ni ngar thanged e fan rog e yad be tay e wup ni nggu aw ngay, ma pi’in yad ba’adag ni ngar maad’adgad ngog e yad be yog ni ngar gafgow nigedgag; darir talgad ko makath nib togopluw ngog.

Mark 12:14

Marbad ngak me lungurad, “Tamchib, gamad manang ni gur reb e girdi’ nib riyul’ e tin ni ga ma yog nge tin ni ga ma rin’, ya der magafan’um ko pin’en ni be finey e girdi’ ngom, ya ta’reb rogon e girdi’ ni gubin u wun’um, ma ga be fil ngak e girdi’ e tin nib riyul’ ni murung’agen e tin nib m’agan’ Got ngay ni ir e nge rin’ e girdi’. Ere mog ngomad, gur ba togopluw ko Motochiyel rodad ni ngan pi’ e tax ni yibe pi’ ngak e Emperor nu Roma? Ere ngad pi’ed e tax fa danga’?”