Malaki 3:17 - Bible Ni Thothup

¹⁷ Be ga’ar SOMOL ni Gubin ma Rayag Rok, “Bay ra manged e tirog e girdi’ ko chirofen ni bay gu maruwel, ma bay ra pired ni kari mil suwrad ngog. Bay gu runguyrad ni bod e gal labthir ni yow ma runguy pifakrow ni yad be pigpig ngorow.

Malaki 3:17 Referans Kwoze

Exodus 19:5

Fa’an gimed ra fol rog ngam ayuweged fare m’ag rog, ma gimed ra par ni kam manged girdi’ rog. Fayleng ni polo’ e bmilfan ngog, machane bay mpired ni gimed e girdi’ ni kug mel’egmed ni ngam manged girdi’eg,

Deuteronomy 7:6

Ngam rin’ed ni era’ rogon ya gimed girdi’en SOMOL ni ir e Got romed. Ke mel’egmed u fithik’ girdi’en urngin e pi nam nu fayleng ni ngam manged girdi’en.

2 Korinth 6:18

Ma bay gu mang chitamangimed, ma bay mmanged pifakag ni pumo’on nge ppin. Ara’ rogon e thin ni yog Somol ni Gubin ma Rayag Rok.

1 Peter 2:9

Machane gimed girdi’en fare nam nike mel’egmed Got, ni gimed e pi prist rok e en ni Pilung, ma gimed fare nam ni gimed ba thothup, ni gimed girdi’en Got, ni mel’egmed Got ni ngam wereged murung’agen e n’en nrib fel’ nike ngongliy Got, ni ir e piningmed u fithik’ e lumor ngambad nga fithik’ e tamilang rok nrib fel’.

Roma 8:32

Mus ngak Fak me pi’ ni fan ngodad ni gadad gubin nde yag ni nge tel! Ke pi’ Fak ngodad — ere gathi ku ra pi’ urngin ban’en ngodad ndariy puluwon?

Malaki 1:6

I SOMOL ni Gubin ma Rayag Rok e be ga’ar ngak e pi prist, “Pi’in bitir e yad ma liyor ko gal labthir rorad, nge pi tapigpig e yad ma liyor ko pi masta rorad. I gag e chitamangimed, ere mangfan ni damur liyorgad ngog? Dubmed gag, ma ke chiney ma gimed be fith ngog ni gimed be ga’ar, ‘Uw rogon ni dubmad gur?’

Jeremiah 31:33

Ra taw ko ngiyal’nem, ma ba’aray e bin be’ech e m’ag ni bay gu ngongliy u thilmad e girdi’ nu Israel: bay gu tay e motochiyel rog nga lanin’rad mu gu yoloy ngalan ngorongorrad. Bay gu mang Got rorad, ma bay ra manged girdi’ rog.

Psalms 135:4

Ir e ke mel’eg Jakob ni nge milfan ngak, nge girdi’ nu Israel.

Deuteronomy 14:2

Ya ba milfamed ngak SOMOL ni Got romed; ke mel’egmed u fithik’ gubin e girdi’ nu fayleng ni ngam manged girdi’ rok.

1 Korinth 6:20

ke chuw’iymed nib tolang puluwmed ni pi’. Ere mu ted fan Got nga dowmed.

Matthew 25:34

Ma aram e bayi ga’ar fare pilung ngak e girdi’ ni yad bay u ba’ ni mat’aw rok, ‘Gimed e pi’in ke fal’eg e Chitamag wa’athmed: mired! Mired ngan pi’ e gin nsuwon Got ngomed, ni kan ngongliy rogon kan tay ni fan ngomed ni ka nap’an e ngiyal’ nsunumiy e fayleng riy.

Ezekiel 16:8

“Ma nap’an ni gub gu wan bayay u to’obem, mug guy nike taw nga nap’an ni ngam adag be’. Mug upunguy dowam ni bay u tamilang ko thal ni wuru’ e mad rog mug micheg ngom ni nggu t’ufegnem. Magdow m’ag e mabgol rodow, ni aram e nge milfam ngog.” Irera’ e n’en ni be yog SOMOL ni Th’abi Tolang.

Jeremiah 31:20

“Israel, i gur fakag nri gab t’uf rog, nri gur e th’abi t’uf rog. Gubin ngiyal’ ni gu ra yog fithingam mu gu leam nigem nri gab t’uf rog. Lanin’ug e be un ngom; ri bay gu runguyem.

Nehemiah 13:22

Mu gog ngak e pi Levite ni ngar be’ech nigedyad mranod ra matnagiyed fapi garog ngar guyed ngi i par e Sabbath nib thothup. A Got ku dab mupag talin e biney ni kug rin’ mag teg ndabi buch ban’en rog ni bochan e t’ufeg rom nrib ga’.

Zefaniah 2:2

u m’on ni nge thoyem e nifeng ngam changeg ni bod e chabung ni un ko nifeng, u m’on ni nge yib e damumuw rok SOMOL ni be yikyik nga dakenam, ngu m’on ko fare rran ni nge dag gelngin e damumuw rok.

Titus 2:14

I ir e pi’ ir ni bochdad ni fan e nge leagdad u fithik’ urngin e kireb me ngongliydad ngad manged ba ulung i girdi’ ni kad machalboggad nib mil fadad ngak me pasigan’dad ni ngad rin’ed e tin ni bfel’.

Galatia 5:24

Ma pi’in kar manged girdi’en Kristus Jesus e kar li’ed e tin nib kireb ni be ar’arnag lanin’rad nike un ngay urngin e tin nib kireb ni yima yim’ ni bochan.

1 Korinth 15:23

nib yaram nike tay Got: ni Kristus e som’on ni ngan faseg ko yam’; me migid e pi’in girdi’en Kristus ko ngiyal’ ni bayi sul Kristus riy.

John 17:24

“Chitamag! Kam pi’rad ngog, ma gub adag ni ngar pired rog ko gin ni gu bay riy, nge yag nra guyed e fla’ab rog, ni fare fla’ab ni mpi’ ngog; ya dawor ni sunumeg e fayleng, ma gu be par ni gub t’uf rom.

Zekariah 13:9

Bay gu sikengnag e tin kar mageygad, ma bay gu be’ech nagrad ni bod e silber ni yima be’ech nag ko nifiy. Bay gu sikeng nagrad ni bod ni yima sikengnag e gol. Ma aram e bay ra meybilgad ngog, mug fulweg taban e meybil rorad. Bay gog ngorad ni yad pi girdi’eg, ma bay roged ni Gag e Got rorad.”

Tang Ko Pitang 2:16

Adag rog e ba milfan ngog, ma bmilfag ngak. Ma durwi’iy e gamanman rok u fithik’ e floras ni giyab,

Exodus 32:32

Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Isaiah 4:2

Bay bangiyal’ ni bayi taw ngay mra tugulnag SOMOL gubin e woldug nge gek’iy u daken e but’ nge dammal me fel’ ya’an. Gubin e girdi’ nu Israel nra magachgad ni yad bfos e yad ra felfelan’ miyad uf nga yong’olen e but’.

Isaiah 43:1

Israel, i SOMOL ni ir e sunumiyem e be ga’ar, “Dab mu rus, ya bay gu yoror rom. Kug pining fithingam, ya mmil suwom ngog.

Isaiah 43:21

Yad fapi girdi’ ni gu sunumiyrad ni ngar pired ni girdi’ rog, ma bay ur tanggad ni yad be pining e sorok ngog!”

Malaki 4:3

Bay mu gelgad ngak e pi’in nib kireb, ma bay ra boded e fiyath u tan e rifrif u aymed ko rofen ni ba’aram ni bay gu maruwel.

Psalms 115:13

Bayi fal’eg wa’athan urngin e pi’in bay madgun u wun’rad, ni ta’reb rogon e pi’in tolang nge pi’in sobut’.