Malaki 3:16 - Bible Ni Thothup

¹⁶ Ma girdi’ ni bay madgun SOMOL u wun’rad e ur welthingad ngorad, ma be motoyil SOMOL ngorad me rung’ag e thin ni yad be yog. Bay ba ke babyor rok ni kan yoloy ngay murung’agen e pi’ini bay madgun SOMOL u wun’rad ma yad be tayfan.

Malaki 3:16 Referans Kwoze

Revelation 20:12

Ma aram mu gguy e pi’in ni karm’ad, ni pi’in nib tolang nge pi’in nib sobut’ ni kar sak’iygad u m’on u tagil’ Got. Min pithig e babyor, mu kun pithig ba kaen, ni fare ke babyor ni babyoren e pi’in ni kar fosgad. Ma pi’in ni karm’ad e ni pufthinnagrad ni be yan u rogon e n’en ni ur ngongliyed, ni bod rogon ni kan yoloy ngalan fa yu ke babyor.

Psalms 56:8

Gamnang feni gel e gafgow ni gu be tay; ka mu yoloy gubin gaf i lu’ag nike map’. Dariy u babyor rom ni ka mu yoloy?

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

Revelation 15:4

Somol, i mini’ e dabi yib madgum ngak? Mini’ e en nra siyeg ni nge dabi weliy murung’agem nib sorom? Ya kemus ni go’ gur e gab thothup. Ya urngin e nam ni bay rabad ngar ted fam miyad siro’ ngom u p’eowchem, ya ngongol rom nib mat’aw e urngin e girdi’ ni kar guyed.”

Hebrews 10:24

Ere nge bagadad ma ngi i leamnag bagadad, ma nge bagadad ma ngi i ayuweg bagadad ma be dag ngak nib t’uf rok ma be rin’ e tin ni bfel’ ngak.

1 Thessalonika 5:11

Ireray fan ni nge bigimed mi i pi’ e athamgil nga laniyan’ bigimed, me bigimed mi i ayuweg bigimed, ni bod rogon ni gimed be rin’ e chiney.

Malaki 3:5

Be ga’ar SOMOL ni Gubin ma Rayag Rok, “Bay gub gu m’ug u fithik’med ni nggu pufthin, ma bay gu welthin nib togopluw ngak e pi’in yad ma pig, nge pi’in yad ma par e girdi’ ni gathi mabgol rorad, nge pi’in yad ma lifith l’ugunrad u tafen e puf oloboch, nge pi’in yad ma ban nag e pi’in yad be maruwel rorad ngu’ur pi’ed puluwrad ni buch’uw, nge pi’in yad ma gafgownag e pi’in ke yim’ figirngirad, nge pi’in kanim’ rorad, nge girdi’ nu bang, nge gubin e pi’in ndarir ted fag.”

Acts 9:31

Ma aram mfini pir’eg girdi’en e galesiya e gapas u lan yu Judea ni ga’ngin ngu Galile ngu Samaria. Me ayuweg fare Kan Nthothup girdi’en fare galesiya nge yib gelngirad ma yad be yo’or i yan, nu ur pired ni yad be rin’ e tin nib m’agan’ Somol ngay ma yad be tayfan.

Isaiah 26:3

I gur, SOMOL, e ngam pi’ e gapas nib manigil ngak e pi’in nib muduwgil lanin’rad ma gur e ma lagan’rad ngom.

Acts 10:2

Ir be’ nma liyor ngak Got u wan’; me ir nge urngin e girdi’ nu tabinaw rok e yad ma meybil ngak Got. Ma ayuweg piyu Israel ni pi’in gafgow, ma yugu ma meybil ngak Got.

Ezekiel 9:4

“Mman u ga’ngin yang fare binaw nu Jerusalem ngam tay e pow nga peri’ gubin e girdi’ nike kireban’rad ma ke gafgow lanin’rad ni bochan e pin’en nib sunsonogor ni kan rin’ u lan fare binaw.”

Psalms 34:15

I SOMOL e ma yaliy e pi’in yad bmat’aw, mma rung’ag e meyor rorad;

Efesus 5:19

Ra bigimed ma ngi i welthin ngak bigimed u fithik’ e tang ni thin rok Got ni bay ko Psalm, nge tang ni machib, nge tang ni murung’agen Got; um tang niged Somol ni gimed be yin’ e tang ni machib, nge tang ni thin rok Got ni bay ko Psalm, ni gimed be pining e sorok ngak u fithik’ i lanin’med.

Acts 1:13

Miyad yan ngalan yu Jerusalem mranod ngalang ko fare senggil ni yad be par riy, ni aram Peter, nge John, nge James nge Andrew, nge Filip nge Thomas, nge Bartholomew nge Matthew, nge James ni Alfeus e chitamngin, nge Simon nma tiyan’ ko nam rok, nge Judas ni James e chitamngin.

Daniel 7:10

ni be yib ba yil’ i daramram riy. Ma pire’ ni pire’ e biyu’ e girdi’ ni yad bay u rom ni ngar pigpiggad ngak, ma ra’ay e million e karbad ra sak’iygad nga p’eowchen. Me tabab fare puf oloboch min pithig yu ke babyor.

Luke 2:38

Ka re ngiyal’ i n’em me taw e re pin ney me pining e magaer ngak Got, me weliy murung’agen fare tin ngak urngin e girdi’ ni yad be sonnag Got ni nge chuweg yu Jerusalem u pa’ e to’ogor rok.

Ester 6:1

Re nep’ nem e deyag ni mol e en ni pilung, me yog ni ngan fek babyoren e re nam nem ngan be’eg ngak.

Acts 2:1

Ma fa’ani taw ko chirofen ni Pentekost, me mu’ulung urngin e pi’in nib mich Jesus u wun’rad nga ta’bang.

Isaiah 65:6

“Kug mu’ i turguy e gechig rorad, ma kan yoloy nga but’ e gechig rorad. Dab gu fek owcheg ko n’en ni kar ngongliyed, machane bay gu fulweg taban ngorad ni

Isaiah 50:10

Gimed gubin e pi’in gimed ma liyor ngak SOMOL ma gimed ma fol ko pi tapigpig rok, e kanawo’ ni gimed ma yan riy e gomange ba lumor, machane SOMOL e nge pagan’med ngak, mi gimed toer ko Got romed.

Isaiah 26:8

Gamad be falwok u lanin’um ma gur e lagan’ romad; i gur e gubin tabon lanin’mad.

Proverbs 13:20

Mu pachegem ngak e pi’in yad ba gonop me yag e gonop ngom. Fa’an ga ra m’agem ngak e girdi’ ni pinat, ma gur e ga ra gafgow.

Psalms 147:11

ya ma felan’ ngak e pi’in yad ma liyor ngak, ni pi’in nib pagan’rad ko t’ufeg rok ni dabimus.

Psalms 139:4

Ni mus nra dawor gog ban’en ma ga manang e tin bay gog.

Psalms 119:63

I gag e fager rok urngin e pi’in yad ma pigpig ngom, ni gubin e pi’in yad ma fol ko pi motochiyel rom.

Psalms 111:10

Dogwen SOMOL e ireram tabolngin e gonop; gubin e pi’in ma folwok rok e ra pi’ e tamilangan’ ngorad. Ir e ngan pining e sorok ngak ni dariy n’umngin nap’an.

Psalms 94:19

Yu ngiyal’ ni der paslagan’ug ma ke magafan’ug, ma ga fal’eg lanin’ug nggu felan’.

Psalms 66:16

Mired ngam motoyilgad, gimed urngin e pi’in gimed ma liyor ngak Got, ma bay gog ngomed e tin ke rin’ ni fan ngog.

Psalms 33:18

I SOMOL e ma yaliy e pi’in bay madgun u wun’rad, ni pi’in ke pagan’rad ko t’ufeg rok ni dabimus.

Psalms 20:7

Boch e girdi’ e be pagan’rad ko pi chariot ko mael ni bay rorad, ma boch e be pagan’rad ko os rorad, machane gadad e be pagan’dad nga gelngin SOMOL ni Got rodad.

Psalms 16:3

Rib fel’ pi girdi’en SOMOL ni yad ba yul’yul’! Kargum’ ni bochan ni nggu un ngorad.

Psalms 10:4

Pi’in kireb e dariy fan SOMOL u wan’rad; mu fithik’ e tolngan’ rorad e yad ma leamnag ni dariy rogon Got.

BABYOR NI JOB 28:28

Ga’ar Got ngodad e girdi’, “Ga ra gonop, ma aram e ke yib dugwen SOMOL u wan’um. Ra ngam llowan’ ma ngam pithigem ko kireb.”

Ester 2:23

Aram min gay marung’agen fare makath mi ni pir’eg nib riyul’, ma aram min uchuliy fa galicha’ ngar m’ow. Me yog fare pilung ni ngan yoloy e pin’ey ni buch ngalan babyoren e pi tayugang’ u tan gil’ilungun.

2 Kronicles 6:7

Miki ul ul Solomon ngay, “Chitamag i David e tafinaynag ni nge toy ba tempel ni ngu’un liyor ngak SOMOL ni Got nu Israel riy,

1 Kings 18:12

Fa’anra gu wan me yib SOMOL nge fekem ngabang ndariy be’ ni manang, me di’in? Fa gu wan gog ngak Ahab ni ga bay u roy me yib ma de piri’egem, ma nge thang e pogofan rog. Dab mpag talin ni ug par ni bay madgun SOMOL u wun’ug ma gub yul’yul’ ngak ni ka nap’an ni gub bitir ke mada’ ko chiney.

2 Samuel 7:1

Re ngiyal’ i n’ey e ke par David ni Pilung ni ir e be gagiyegnag girdi’en e nam rok, me par SOMOL nike yororiy David rok urngin e pi to’ogor rok.

Hebrews 12:15

Mu ayuwgad nge dabi pi’ bigimed keru’ ko runguy rok Got ngodad. Mu ayuwgad nge dabi bod bigimed ba ke pan nib mo’oy ni ilal nge gafgownag bo’or e girdi’ ko yub rok.

Hebrews 3:13

Machane rogon ni ngam pired ndariy bigimed ni ngeb e denen i bannag nge gelan’ e thingari bigimed me ayuweg bigimed ni gubin e rran, ni n’umngin nap’an ni fare rran ni “Daba’ ” ni be yog e babyor nib thothup murung’agen e be yip’ fadad.

1 Thessalonika 5:14

Gamad be wenig ngomed, pi walagmad ni girdi’en Kristus, ni ngam nonod ngak e pi’in yad bmalmal ndarir ngongliyed ban’en ngar paged e binem e pa’, mi gimed pi’ e athamgil ngak e pi’in yad be rus, mi gimed ayuweg e pi’in yad mme’waer, mu um pired nib gum’an’med rok urngin e girdi’.

Psalms 104:33

Bay ug tangnag SOMOL u n’umngin nap’an e yafos rog; n’umngin e yafos rog ni bay u gu tangnag e sorok ngak e Got rog.

1 Kings 18:3

me pi’ Ahab e thin nge yan ngak Obadiah nge yib, ya ir e be ayuweg urngin ban’en u tafen Ahab ni Pilung. Obadiah e be’ ni bay madgun SOMOL u wan’ ma ba yul’yul’ ngak,

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

Exodus 32:32

Wenig ngom, mu runguyrad ngam n’agfan u wun’um e denen rorad. Ma ra danga’, me ere gu be wenig ngom ni ngam thang fithingag u lan fare babyor ni kam yoloy fithingan e girdi’ rom ngay.”

Isaiah 4:3

Gubin e pi’in nra magachgad u Jerusalem, ni duwgiliy Got ni dab ra m’ad, e yira yog ni yad ba thothup.

Jeremiah 8:6

Ku ug fal’eg e motoyil, machane damur yoged e tin riyul’. Ma dariy bigmed nike kalngan’ ko kireb rok; ma dariy bigmed nike ga’ar, ‘Mang e ku gu rin’ nib kireb?’ Yug ra bugmed ma ke pi’ nga daken be rin’ e n’en ba’adag, ni bod ba os nike tay marin i yan nga fithik’ e mael.

Jeremiah 31:18

“Ku gu rung’ag laman e girdi’ nu Israel ni be lungurad u fithik’ e kireban’, ‘SOMOL, ug moyed ni gamad bod ba gamanman ni dawor i mangmor, machane ka mu fil rogon ngomad ni nggu folgad. Mu fulwegmad; ku gu fal’egged rogomad ni nggu sulod ngom, I gur SOMOL, ni gur e Got romad.

Daniel 12:1

Me ga’ar fare engel ni bay ba mad nib wech u daken, “Re ngiyal’ i n’em e Maikal, ni pilungen e pi engel, ni ir e ma matanagiy e girdi’ rom e bay yibi m’ug. Ma aram e bayi taw nga bangiyal’ ni nge gafgow e girdi’, ni aram e bin th’abi ga’ e gafgow ni ka nap’an ni sum e pi nam. Nap’an nra taw e ngiyal’nem, ma urngin e girdi’ ko nam rom ni ka ni yoloy fithingrad ngalan e babyor rok Got e bay ni chuwegrad u fithik’ e gafgow.

Nehemiah 1:11

Mu telim ko meybil rog nge meybil rok urngin e tin ni kabay e tapigpig rom ni yad ba’adag ni ngu’ur ted fam. Mu man’og nigeg e daba’, ma ga gagiyegnag e en ni pilung nge runguyeg.” Ngiyal’nem e gag e ba milfan e wayin ko en pilung ngog.

Psalms 56:9

Rofen ni gu ra piningem, e ra cheal e pi to’ogor rog ngar sulod. Ya gu manang ni arrogon: Got e bay u ba’rog

Psalms 115:13

Bayi fal’eg wa’athan urngin e pi’in bay madgun u wun’rad, ni ta’reb rogon e pi’in tolang nge pi’in sobut’.