Malaki 3:15 - Bible Ni Thothup

¹⁵ Ya gadad be guy ni pi’in yad ba tolngan’ e yad ba felfelan’. Ma pi’in yad be ngongliy e kireb e gathi kemus ni be yo’or ban’en rorad, machane ku yad be sikengnag e gumaen’ rok Got ko kireb ni yad be ngongliy ma der buch ban’en rorad.’”

Malaki 3:15 Referans Kwoze

Malaki 4:1

I SOMOL ni Gubin ma Rayag Rok e be ga’ar, “Nap’an ni bayi taw ko fare rran ma bayi mo’oruf e pi’in tolngan’ nge girdi’ ni kireb e leam rorad ni bod e pan nike mlik’. Rofen nem e yad ra mo’oruf ni dariy bochyang rorad nra magay.

Malaki 2:17

Ke aw parwon SOMOL ko thin romed. Machane be lungumed, “Ni uw rogon ni kug aw niged parwon?” Ya gimed be ga’ar, “I SOMOL ni Gubin ma Rayag Rok e be leamnag ni urngin e girdi’ ni be ngongliy e kireb e bfel’; ya ba’adagrad.” Ara gimed be fith ni be lungumed, “Bu uw fare Got ni yima leamnag nma rin’ e tin nib mat’aw?”

1 Peter 5:5

Ma ku er rogomed e pi’in pagel nthingar mu folgad rok e pi’in pumo’on ni pi’ilal. Ma gimed gubin nthingar mon’ed madan e sobut’ laniyan’ nge bigimed me pigpig ngak bigimed; ya babyor nib thothup e be ga’ar, “I Got e ma togopluw ngak e pi’in nib tolangan’rad, mma ayuweg e pi’in nib sobut’an’rad.”

Hebrews 3:9

I yog Got ni ga’ar, Ireram e gin’en ni sikengnag pi chitamangimed e gumaen’ rog nge fenag k’adan’ riy, ni yugu aram rogon ni nga aningeg i ragag e duw ni kar guyed e tin kug rin’.

Acts 12:21

Me taw nga reb e rran ni kan turguy me yin’ Herod madan e pilung nga daken nge yan i par nga but’ u tagil’ me welthin ngak e girdi’.

Acts 5:9

Me ga’ar Peter ngak, “Mangfan ni mdugliyew figirngim ni ngam sikeng nigew fare Kan Nthothup rok Somol? Fapi pumo’on ni kar k’eyged figirngim e kar tawgad nga langan e mab e chiney, ma ku bay ra feked gur nga waen!”

Daniel 6:16

Me pi’ fare pilung e thin ni nga ni fek Daniel nganin’ ngalan fare low ni tafen e layon. Me ga’ar ngak Daniel, “Fare Got rom ni ir e ri ga be pigpig ngak u fithik’ e yul’yul’, e ir e nge ayuwegnem.”

Daniel 4:37

“I gag Nebukadnezzar e chiney e gu be pining e sorok ngak e en ni Pilung nu Tharmiy, ma gu be tay fan, ma gu be yog ni ir e ba gilbuguwan. Urngin ban’en nma rin’ e bmat’aw. Gubin ngiyal’ nib yal’uw e ngongol rok, mrayag rok ni nge sobut’nag e en nma ngongol u fithik’ e tolngan’ nge ufanthin.”

Daniel 4:30

me ga’ar, “Kari gilbuguwan yu Babylon! I gag e gu muruwliy ni nge par ni ir e ba ga’ u fithik’ e pi binaw rog ni ngi i dag gelngin nge rogon e gagiyeg ni gu be tay, nge feni sorog nge fanag pilung.”

Jeremiah 7:10

Gimed be rin’ e tin dabug, nge mu’ mi gimed yib mu sak’iy gad nga p’eowcheg u lan, e Tempel rog, nge lungumed, ‘Dabki buch ban’en rodad! Kad thapgad!’

Proverbs 12:12

Kemus nn’en ni ba’adag e girdi’ ni kireb e ngu’ur gayed e tin kireb ni ngar rin’ed, ma pi’in nib mat’aw e yad be par ni yad bmudugil u but’.

Psalms 106:14

Ra uyngol gad u lan e ted ni desert miyad sikengnag Got;

Psalms 95:9

U rom e ra sikeng niged e gumaen’ rog riy nge fanag k’adan’, ni yugu aram rogon ni kar guyed e tin gu rin’ ni fan ngorad.

Psalms 78:56

Machane kur pired ni yad be togopluw ngak Got ni Gubin ma Rayag Rok ma yad be sikengnag. Tin ni i yog e darir folgad riy,

Psalms 78:41

Ur sikeng niged Got u bayay nge bayay, ngu’ur amith niged lanyan’ fare Got nib Thothup rok yu Israel.

Psalms 78:18

Nri lanin’rad ni ngar sikeng niged Got ko ggan ni yad ba’adag ni yad be ning.

Psalms 73:12

Irera’ rogon e pi’in yad ba kireb! Pire’ ban’en rorad ma gubin ngiyal’ ni be mun daken!

Psalms 49:18

Mus ni fa’anra be par be’ nike nemowan’ ngak ko biney e tamilang, ma yibe pining e sorok ngak ni bochan e mon’og ni be tay,

Psalms 10:3

Pi’in kireb e yad ba uf ko pi ar ar rorad ni kireb; pi’in chogow e yad ma yog e thin ni kireb ngak SOMOL miyad pi’ keru’rad ngak.

BABYOR NI JOB 22:23

Errogon, thingar mu sul ngak Got u fithik’ e sobut’an, ma ga taleg gubin e kireb ni yibe rin’ u lan e naun rom.

BABYOR NI JOB 21:30

Rofen nra damumuw Got ni nge gechig, e pi’in kireb e yad e gubin ngiyal’ ni yima digeyrad.

BABYOR NI JOB 12:6

Pi’in ma moro’ro’ u fithik’ e yargal nge pi’in dar nanged Got e yad be par u fithik’ e gapas, ni yug aram rogon ni gelingrad e kemang got rorad.

Ester 5:10

Machane me guman’nag ir nge yan nga tafen. Ma aram me pining e pi fager rok nga tabnaw rok me yog ngak i Zeresh ni le’engin nge un ngorad ko mu’ulung.

1 Korinth 10:9

Ere thingar dab da sikeng niged rogon e k’adan’ rok Somol ni bod rogon e n’en ni rin’ boch i yad — me li’rad e porchoyog ngarm’ad.

Psalms 58:2

Dangay! Ya kemus n’en nib kireb nrayag ni ngam rin’ed e gimed be leamnag, ma gimed be k’ar oloboch u lane nam.

Psalms 141:4

Mu talegneg ni dab kug adag ni nggu rin’ e kireb ara nggu’un ko pi’in kireb e leam rorad ko ngongol rorad ni kireb. Mang e yigi dab gu un nga ban’en ko modnam rorad.

Eklesiastes 8:14

Machane go’ dariyfan e tiney. Mu changar ko tin e yi be rin’ u fayleng: Yungiyal’ ma pi’in nib mat’aw e be aw e gechig rok e pi’in kireb ngorad, ma pi’in kireb e yad ma fek e tow’ath rok e pi’in nib mat’aw. Gu be ga’ar ba m’ayfan.

Isaiah 2:22

Dab mu tay e pagan’ rom nga daken e girdi’ nra yim’. Mang e yad bfel’ ngay?

BABYOR NI JOB 1:22

Yug aram rogon e tin yib ngak, machane de denen Job, ya de yin’ e kireb riy nga daken Got.

Psalms 73:3

ni bochan e awan’ug ngak e pi’in yad ba tolngan’ nap’an ni gguy ni pi’in kireb e bo’or ban’en rorad.