Malaki 3:11 - Bible Ni Thothup

¹¹ Ma aram e dab kug pag e pi chachangag nge longuy e woldug romed, me par yungi milay’ romed ni grape nike sug ko grape.

Malaki 3:11 Referans Kwoze

Deuteronomy 11:14

Ma fa’an gimed ra rin’, mra pi’ e n’uw nga daken e but’ romed ko ngiyal’ ni ba t’uf, u nap’an e autumn nge spring, ni bochan e nge yib wom’ngin e woldug ni grain, nge wayin, nge gapgep ni olive ni fan ngomed,

Joel 2:22

Pi gamanman, dab kum rusgad. Ya binaw nma tugul e pan riy e ke galunglung, ma gek’iy e ke k’uf; ke yo’or wom’ngin e fig nge grape.

Zekariah 8:12

Bay ra yunged e woldug rorad u fithik’ e gapas. Yuke grape rorad e bay yib wom’ngin, me tugul e woldug u but’, ma bayi yo’or yang e n’uw ni ngi i aw. Gubin e pi tow’ath ney e bay gu pi’ ngak girdi’en fare nam rog nra magachgad ni yad bfos.

Joel 2:20

Bay gu chuweg romed e pi asmen’ing ni karbad ngomed u lel’och, ma bay gu tuluf boch i yad nga daken e yungi ted nder tugul ban’en riy. Tin ni bay nga m’on e bay ntulufrad ngalan fa gi day ni Dead Sea fithingan, ma tin ni bay nga tomur e bay ntulufrad ngalan fa gi day ni Mediterranean fithingan. Bay ra mel gad. Bay gu thang owcharad ni bochan urngin e tin kar rin’ed ngomed.

Joel 1:4

Asmen’ing ni pire’ ni pire’ e yib ko woldug ni nge longuy, nra chuw boch me yib boch i longuy e tin ke magey.

Haggai 2:17

Gu pi’ e nifeng ni gel nge ayis ni nge kirebnag e tin gimed be guy rogon ni nge tugul. Machane ku dam pi’ed keru’med ko kireb romed.

Amos 4:9

“Gu l’oeg ba nifeng nib gawel nge mlik nag e woldug romed. Me longuy e pi asmen’ing e yungi woldug romed nge yungi milay’ ko grape, nge yungi gek’iy ni fig nge olive ni fi’imed. Machane ku dam sulod ngog.

Habakkuk 3:17

Yugra yan i par ndariy wom’ngin e gek’iy ni fig, ma dariy wom’ngin e grape; Yugra de k’uf e gek’iy ni olive, ma de k’uf e grain; mus nra yim’ urngin e saf, ma yugra par tafen e garbaw ndakuriy e garbaw riy;

Joel 1:12

Fa yu ke grape nge gek’iy ni fig e ke l’ud, ma gubin e gek’iy nma k’uf e ke mororoy ke yim’. Ke chuw e felfelan’ ko girdi’.

Jeremiah 8:13

“Gu ba’adag ni nggu kunuy e girdi’ rog, ni bod ba girdi’en e woldug nma kunuy wom’ngin e woldug; machane yad bod kenggin e grape ndariy e wom’ngin, fa gek’iy ni fig ndariy wom’ngin; ni mus nga yuwan ma ke mororay. Ere bay gu pag e girdi’ u bang ngar gagiyeg naged fare binaw.”

Joel 1:7

Kar kireb niged e yu ke grape rodad ma kar longuyed e yu ke gek’iy rodad ni fig. Kar fathiyed keru’ ni gubin, ke par papa’ngin nike wech.

Hosea 2:21

Ra yan i taw ko ngiyal’nem ma bay ug fulweg taban e meybil rok yu Israel ni girdi’ rog. Bay gu l’oeg e n’uw nge aw nga daken e but’ me k’uf e woldug ni grain, nge grape nge olive.

Joel 2:25

Bay gu fulweg ngomed e n’en ke mul u pa’med u lan fapi duw ni longuy baran’ i asmen’ing e woldug romed. I gag e gu pi’ e pi asmen’ing nem ni bod baraba’ i salthaw nge yib i togopluw ngomed.

Haggai 1:11

Kug pag e yal’ nib gel kem’ay e ran u daken e but’ ngu daken e ted, nge yung i flang ko grain, nge yung i woldug ko grape, nge milay’ ko olive, nge gubin mit e woldug nma tugul u but’, ma ku er rogon e gamanman nge girdi’, nge gubin ban’en ni gimed be guy rogon ni ngam yunged.”