Malaki 3:10 - Bible Ni Thothup

¹⁰ Mu feked i yib nga Tempel, ni urngin u gubin, ragag e pasent ko tin ba’ romed, ya nge yib e ggan nga naun rog. Mu sikeng niged gag, mi gimed guy ni bay gu bing mban e tharmiy mu gu pu’og nga dakenmed e pin’en ni bfel’ nge pag e fol riy.

Malaki 3:10 Referans Kwoze

Matthew 6:33

Ere ngam m’oneged u wun’med e gagiyeg rok Got nge tin nib m’agan’ ngay ni ngam rin’ed, ma arame urngin e pin’ey nra pi’ ngomed.

Psalms 37:3

Um par ni SOMOL e ke pagan’um ngak ma ga rin’ e tin ni bfel’; mu’um par u daken e nam rom u fithik’ e gapas.

Deuteronomy 28:12

Ma ra bing SOMOL ngomed tafen e chibgil rok ni bfel’ u tharmiy, nge pi’ e n’uw ngomed u ngal’an e n’uw me fal’eg wa’athan urngin e maruwel romed, ya ngu’um pi’ed bogi ban’en ngak bo’or e nam, ma dab ku mu fulweged rorad.

Levitikus 27:30

Ragag e pasent ko urngin e tin lemmun e but’, ni demturug ko grain ara wom’ngin e gek’iy, ma SOMOL e ba milfan ngak.

Nehemiah 12:44

Ngiyal’ nem e nni tay boch e pumo’on ni nge milfan e pi senggil ni tafen e cha’ar ngorad ni aram e gin ni yima cha’riy e pi f’oth nu Tempel riy, nib mu’un e ragag e pasent ni yima pi’ nge tin ni nga’on e grain nge wom’ngin e gek’iy nike lol u reb duw. Pi pumo’on ney e maruwel rorad ni ngar kunuyed ko milay’ i yan nib chugur ko fapi binaw e pi f’oth ni fan ngak e prist nge pi Levite ni bod ni bay ko Motochiyel. Urngin e girdi’ nu Judah mab m’aguwan’rad e maruwel rok e prist nge Levite,

Numbers 18:21

I ga’ar SOMOL, “Kug pi’ ngak e Levi urngin e ragag e pasent nike pi’ e girdi’ nu Israel ngog. Irara’ pulworad ko pigpig ni yad be ayweg fare Tent u p’eowcheg.

Levitikus 26:10

Ra gimed be kay wom’ngin e woldug romed ni tin som’on ni ka mu cha’ariyed, ma ngam chuweged riy ya ngeb luwan e tin be’ech.

2 Kings 7:2

Ma fare salthaw nib tolang ni un ngak fare pilung e ga’ar ngak Elisa, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

2 Kings 7:19

me ga’ar fare salthaw nma un ngak e pilung, “Ri dabiyag ni nge ydor, mus ni nge pi’ SOMOL e n’uw e chiney ma dabiyag!” Me ga’ar Elisa, “Bay mu guy ni bod ni kugog, machane dab mu koy boch e pi ggan nem.”

Haggai 2:19

Yug aram rogon ni dakriy e grain ni magach, nge yuke grape, nge gek’iy ni fig, nge gek’iy ni pomegranate, nge gek’iy ni olive nike yib wom’ngin, ma chiney i yan ngaram e bay gu fal’eg wa’athmed.”

Nehemiah 13:5

Me pag Tobiah ni nge par nga reb e senggil nib ga’ ni aram e gin ni un chariy e maligach ni grain riy nge incense, nge talin e maruwel ni yima maruwel ngay u Tempel, nge maligach ni fan ko prist, nge ragag e pasent ko grain, wayin, nge gapgep ko olive ni kan pi’ ko Levite, nge girdi’en e musik u Tempel nge pi matnag.

Nehemiah 12:47

Nap’an Zerubbabel nga ku nap’an i Nehemiah, e gubin e girdi’ nu Israel nma pi’ e tow’ath ni yu rran ni ayuw ngak girdi’en e musik u Tempel nge pi’in yad ma matnag u Tempel. Girdi’ e ma pi’ e maligach nib tabgul ngak e pi Levite, me mang e pi Levite e pi’ e girok fapi prist e f’oth.

Genesis 7:11

Nap’an ni gaman 600 e duw yangren Noah, ko chirofen ni ragag nge medlip fen e pul ko bin l’agruw e pul, ma urngin e alublub ni yib ko ran nu tanebut’ u fithik’ e fayleng e mab nib tomgin, me aw e n’uw ni ba ga’,

Eklesiastes 11:3

Ra sug e manileng ko ran, me aw nn’uw. Gin nra thig ba ke gek’iy ngay e aram e gin ni bay i par riy.

1 Kronicles 26:20

Ma boch i yad fapi Levi e ba milfan e machaf u Tempel ngorad nge pi senggil ni yima cha’riy e pi tow’ath ni kan ognag ngak Got riy.

Levitikus 26:3

“Fa’anra um pired nrogon ko motochiyel rog mi gimed tay u gil’ e tin kugog,

Deuteronomy 12:6

U rom e ngam pi’ed e pi gamanman ni maligach riy ni ngan urfiy nge yugu boch e maligach, nge ragag e pasent ko pin’en nike yag ngomed, nge pin’en ni ngam pi’ed ngak SOMOL, nge pin’en ni kam micheged ni ngam pi’ed ngak, nge pin’en ni kam turguyed u wun’med ni ngam pi’ed ngak, nge tin som’on i fak e pi garbaw nge pi saf romed.

Deuteronomy 14:22

“Mu faeled nga bang ragag e pasent ko urngin i wom’ngin e woldug u milay’ romed u reb e duw.

Deuteronomy 14:29

Pi ggan ney e fan ngak e pi Levite, ya dariy e binaw ntaferad, ma ku fan ngak e milekag, nge bitir ni kanim’ rorad, nge pi’in ke yim’ figirngirad ni yad ma par u lan e binaw romed. Pi cha’ney e ngarbad ra feked oren e tin bt’uf rorad. Mu rin’ed ni aray rogon mra fal’eg SOMOL ni Got romed wa’athmed u gubin ban’en ni gimed be rin’.

Psalms 78:23

Ma aram me non ngalan e lang nge yog ko pi mab riy ni nge mab;

Ezekiel 34:26

“Bay gu tow’ath nagrad mu gu tayrad ngu’ur pired ni kar liyeged fare burey rog nib thothup. Nu rom e bay gu tow’ath nagrad riy ko n’uw u nap’an nike t’uf rorad.

Ezekiel 44:30

Fapi prist e yad e nge yag ngorad e bin thabi fel’ u wom’ngin gubin e woldug ni tin som’on nge gubin e tin ni kan pi’ ngog. Gubin ngiyal’ nra lith be’ e flowa, ma bin som’on e lof e ngan pi’ ko prist ni bod ba maligach, ma fal’eg wa’ath rog e bay i gif u daken e pi tabnaw rorad.

Hosea 2:21

Ra yan i taw ko ngiyal’nem ma bay ug fulweg taban e meybil rok yu Israel ni girdi’ rog. Bay gu l’oeg e n’uw nge aw nga daken e but’ me k’uf e woldug ni grain, nge grape nge olive.

Joel 2:19

Me fulweg ngorad ni ga’ar, ’Chiney e aram e nggu pi’ ngomed e grain nge wayin nge gapgep ni olive, ngam chum’er gad riy. Ma yugu boch e nam e gathi bay kur fananikayed gimed.

Joel 2:24

Yungi n’en ni yima gunugunuy e grain riy e bayi sug ko grain; ma pi low u charen e gin yima udiy e wayin nge olive riy e bayi sug nge m’ap nga but’ ko wayin nge gapgep ni olive.

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”