Malaki 2:15 - Bible Ni Thothup

¹⁵ Gathi Got e taymew ni kam ta’ab dowefgow ma ta’reb lanin’mew? Mangfan ni yodrom nag? Bochan e ngam diyen niged e bitir, ni bitir nriyul’ ni girdi’ rok Got. Ere mu ted u gil’ e n’en nim micheged ngak pi le’engimed ni dabi thil.

Malaki 2:15 Referans Kwoze

Malaki 2:14

Ma gimed be fith ko mangfan ni dakir fel e maligach romed. Bochan e manang ni kam th’ebed e michmich ni mu ted ngak pi le’engimed ni mu mabgol gad ni ki gimed bpagel. I ir chagilem, ma ka mu th’ab e n’en nim micheg ngak, ni yug aram rogon nim micheg u p’eowchen Got ni ga ra yul’yul’ ngak.

2 Korinth 6:18

Ma bay gu mang chitamangimed, ma bay mmanged pifakag ni pumo’on nge ppin. Ara’ rogon e thin ni yog Somol ni Gubin ma Rayag Rok.

1 Korinth 7:14

Ya fare mo’on nde mich Kristus u wan’ ni figirngin fare pin e ke yib rogorow Got ni bochan e kar ta’ab girdi’gow leengin, ma be’ ni bpin nde mich Kristus u wan’ ni leengin be’ nib mo’on nike mich Kristus u wan’ e ke yib rogorow Got ni bochan e kar ta’ab girdi’gow fare mo’on ni figirngin ni ir reb i girdi’en Kristus. Ya fa’anra dabi aray rogon, mra par fakrow ni bod pifak e pi’in ndar nanged Got; machane rogorad ni yad be par e chiney e bay rogorad Got.

Genesis 1:27

Ara’ rogon ni sunumeg Got e girdi’; girdi’ e ni ngongliy ni bod ya’an Got. I sunumeg be’ nib mo’on nge be’ ni bpin,

Titus 1:6

en ni ir reb e pi’ilal ko galesiya e dabisiy ni be’ nib yal’uw; ma dabisiy ni ri ta’reb e bpin rok, ma pifak e dabisiy nib mich Kristus u wun’rad ma de kireb thirad ko yanyan ni yad be tay ara reb e darir folgad.

Hosea 1:10

Piyu Israel e bay ra yo’orgad ngar boded e yan’ u maday, ndabiyag i the’eg ara ni foleg. Chiney e be ga’ar Got ngorad, “Gathi gimed girdi’eg,” machane bayib reb e rran ni bayi ga’ar ngorad, “Gimed pifak fare Got ni be par nib fos!”

BABYOR NI JOB 27:3

n’umngin nap’an ni be pi’ Got e pogofan rog,

Efesus 6:4

Gallibthir, dab um puwan’gad ngak pifakmed nge pag rogon ngam k’aringed e damumuw ngorad. Machane ngam chuguluyed yad mi gimed llowan’ nagrad nrogon, mi gimed fonow nagrad nrogon girdi’en Kristus.

Matthew 15:19

Ya laniyan’ be’ e ma yib e leam nib kireb riy ni ir e ma pingeg fa’anem nge li’ be’ ngem’, fa ra pirew be’ ni gathi mabgol rok, ma be rin’ yugu boch ban’en ni aram e ngongol ko darngal; me moro’ro’ u fithik’ e yargel, me lifith l’ugun, me t’ar e thin nga daken e girdi’.

Jeremiah 2:21

Gu yungem ni bod rogon ba ke grape nib mal’eag, ni yib ko bin th’abi fel’ e awoch. Machane a mu sap ko n’en ni ka mu rin’. Gur e kambod ba kenggin ba ke grapes nike wod ni dabki fel’.

Proverbs 7:25

Dab mpaged be’ ni bpin ni aram rogon nge ban nagmed nge l’agan’med ngak; dab mmarod ni gimed be lol’oeg e mit nem e bpin.

Proverbs 6:25

Dabi unan’um ko pidorang rorad; dab mmul ni bochan e dawol u owcharad ngom.

Deuteronomy 7:4

ya yad ra pingeg pifakmed nge dab ku ra folgad rok SOMOL miyad tay fan yugu boch e kan, ma aram e ra damumuw SOMOL ngomed nge thang owchemed nib machreg.

Genesis 6:2

Me guy boch e pi chon e tharmiy e pi ppin nem ni yad ba pidorang, ma aram miyad fek e pi’ arorad ni yad ba’adag.

1 Korinth 7:2

Machane bochan e bo’or e girdi’ ni be ngongliy e ngongol ko darngal, ma aram e gubin e pumo’on nra be’ ma nge par ni bay leengin, ma gubin e ppin nra be’ ma nge par ni bay figirngin.

Acts 3:25

Tin ke yog Got u l’ugun e pi profet rok e fan ngomed, ma gimed bmu’un ngalan fare m’ag ni ngongliy Got ngak e pi chitamangimed, ni bod rogon ni yog ngak Abraham ni ga’ar, ‘U daken e pi’in bay rabad ni owchem e bay gu fal’eg wa’athan urngin e girdi’ nu fayleng riy.’

John 20:22

I yog e re bugithin ney me pag athon l’ugun nga dakenrad me ga’ar, “Nge yib fare Kan Nthothup ngomed.

Eklesiastes 12:7

Dowef rodad e bayi sul ko but’, ma lanin’dad ni Got e pi’ ngodad e bayi sul ngak.

Proverbs 4:23

Mmokol ayuw u rogon ni ga be leam; ya lanin’um e be duwgiliy rogon e yofos rom.

Nehemiah 13:24

Nap’an baley u pifakrad e yad ma thin nu Ashdod ara yug boch e thin ma dar nanged rogon ni ngaroged e biromad e thin.

Ezra 9:4

Gu par u rom ni gu be yor nge taw nga nap’an ni ngan pi’ e maligach ko blayal’, me tabab e girdi’ ko mu’ulung ni kar liyeged gag — gubin e pi’in ni kar rusgad ni bochan e n’en ke yog fare Got nu Israel ni murung’agen e denen ko pi’in kar sulod ko gin ur kalbusgad riy.

Genesis 27:46

Me ga’ar Rebekah ngak Isak, “Ke ngochngochan’ug ma ke chalbag ko fapi ppin rok Esau ni bogi ppin u boch e nam. Fa’an ku ra le’engiy Jakob reb e bpin ni girdi’en e re nam ney ni kanog e Hittite ngorad, ma kabfel’ ni ngum’.”

Genesis 24:44

Ma fa’anra m’ag u wan’ miki yog ni nge pi’ boche ran i unum e kamel rog, ma aram e ke yan i aw ni ir e cha’ ni kam turguy ni nge le’ay fare pagel ni fak e masta rog.’

Genesis 2:7

Ma aram me fek SOMOL ni Got boch e but’ nge ngongliy be’ ni pumo’on riy; me pag athon l’ugun nma pi’ e yafos ngalan p’ethungun, me fos fare pumo’on.

Exodus 20:14

“Dab mu pirew be’ ni gathi mabgol rom.

Levitikus 20:10

Fa’anra par be’ nib mo’on nge be’ ni bpin ni le’engin be’ nu Israel, ma yow l’agruw ni yira thang e fan rorow.

Ruth 4:12

Mang yigi ngongliy e pi bitir ni bayi pi’ SOMOL ngom rok e re pin ney ni kab rugod e naun rom ni bod e naun rok Perez, nib mo’on ni fak Judah nge Tamar.”

1 Samuel 2:20

Ma aram me yibilay Eli Elkanah nge le’engin me ga’ar ngak Elkanah, “Mang e yigi pi’ SOMOL boch e bitir ngom ni re pin ney e nge diyen nagrad ngranod nga luwan e bin ni kam pi’ew ngak.” Me mu’ ma aram miyow sul nga tabnaw.

Proverbs 2:17

cha’nem e de yul’yul’ ko pumo’on rok ma ke pag talin e tin ni ognag nib thothup.