Malaki 1:7 - Bible Ni Thothup

⁷ Ba’aray rogon, bochan e gimed be maligachnag e ggan nde fel’ u daken e altar rog. Ma aram e gimed be fith ni be lungmed, ‘Uw rogon ni dagur ted fam?’ Bay gog ngomed ni be m’ug e fananikan romed ko altar rog.

Malaki 1:7 Referans Kwoze

Malaki 1:12

Machane gimed e dakumur liyorgad ngog, ya ka mogned ndariy fan e altar rog, ma kigmed be pi’ e tin ndubmed e ggan u daken.

1 Korinth 10:21

Dabiyag ni ngam unumed ban’en ko kap rok Somol mikigimed unum ban’en ko kap rok e pi mo’onyan’; dabiyag ni ngam abichgad u tebel rok Somol mikigimed abich u tebel rok e pi mo’onyan’.

Malaki 1:8

Ngiyal’ ni gimed ra fek i yib ba gamanman nib malmit ara ba m’ar ara ba mugutgut ni ngam maligach niged ngog, ere gimed be leamnag ni dariy ban’en nib kireb riy? Ere mpi’ed ba gamanman ni aram rogon ngak governor ngam guyed! Gur ra felfelan’ ngomed me gol ngomed?”

Ezekiel 41:22

ba altar ni ren. Ni lal e fit tolngin ma aningeg e fit radan. Duga’ ko pi tabthung riy, pi ta’ riy, nge gubin raba’ riy e go’ ni ngongliy ko ren. Me ga’ar fare mo’on ngog, “Irera’ e re tabel ni be par u p’eowchen SOMOL.”

Deuteronomy 15:21

Machane fa’anra bay ban’en nib buch ko fapi gamanman, ni fa’anra ba yaf ara ba ma’ew, ara bbuch ban’en rok, ma ri dab mu pi’ed ni maligach ngak SOMOL ni Got romed.

Levitikus 21:6

Thingari par nib tabgul ma thangri dabi m’anag fan fithingag. Ma pi’ e maligach ni ggan ngog, e re thangri par nib tabgul.

Levitikus 2:11

Dariy e grain ni ngan pi’ ngak SOMOL ni ngan ngongliy ko is; ma thingar dab mu fanayed e is ara honey nga ggan ni ngan ognag ngak SOMOL.

Levitikus 3:11

Ma fare prist ni be pigpig e ngiyal’nem e nge urfiy e yungi n’ey ni gubin u daken fare altar ni ba ggan ni maligach ngak SOMOL.

Levitikus 21:8

Girdi’ e thingar ted fare prist nib tabgul, ni bochane ma pi’ e maligach ni ggan ngog. I gag SOMOL; I Gag e gu ba thothup ma gu ma thothupnag e girdi’ rog.

Ezekiel 44:16

Kemus ni go’ yad e yad ra yib nga langgin e Tempel rog, ngar pigpiggad u altar rog, miyad tay murung’agen e liyor u Tempel.

Malaki 1:13

Ke lungumed, ‘Ke chalabdad ko pin’ey ni urngin!’ Ma gimed be tartareg lechngen p’ethungmed ngog. Gimed ra maligach ngog me pi’ bigimed ba gamanman ngog ni iring, ara reb nib marwoth ara bm’ar. Gimed be finey nra fel’ u wun’ug e pin’nir?