Malaki 1:13 - Bible Ni Thothup

¹³ Ke lungumed, ‘Ke chalabdad ko pin’ey ni urngin!’ Ma gimed be tartareg lechngen p’ethungmed ngog. Gimed ra maligach ngog me pi’ bigimed ba gamanman ngog ni iring, ara reb nib marwoth ara bm’ar. Gimed be finey nra fel’ u wun’ug e pin’nir?

Malaki 1:13 Referans Kwoze

Mikah 6:3

Be ga’ar SOMOL, “Gimed e girdi’ rog, ba mang e kug rin’ ngomed? Urrogon ni kug tomal nagmed? Mu fulweged lungug.

Matthew 6:16

“Ma fa’anra mpired ni kam paged e abich, ma dab mu kireb niged owchemed ni bod nma rin’ e pi’in yad ma madag girdi’ ni yad ma yan ni kar owchen i biliggad ni bochan e ngari nang urngin e girdi’ ni kar paged e abich. Dab mpaged talin, ni aram e kem’ay i pi’ puluwon ngorad ni polo’.

Matthew 6:5

“Ma fa’an gimed ra meybil, ma dab mu boded e pi’in yad ma madag girdi’, ni yad ba’adag ni ngar sak’iygad ngar meybilgad u lan e pi tafen e mu’ulung nge yungi n’en ni madardar ko kanawo’ ni bochan e nge gubin e girdi’ me guyrad. Dab mpaged talin, ni aram e kem’ay i pi’ puluwon ngorad ni polo’!

Malaki 2:13

Ku ba’aray reb e ban’en ni gimed be rin’. Kam lumach niged e altar rok SOMOL ko lu’ ni gimed be yor ma gimed be dololoy’, ya dakir fek e pi maligach ni gimed be fek i yib ngak.

Amos 8:5

Ma gimed be ga’ar u wun’med, “Manga yigi papey nge m’ay e pi rran nib thothup ney nge yag nda pi’ed e grain rodad ni chuway’. Mingiyal’ e ra mus e Sabbath nge yag nda tababgad bayay ko market? Ma gadad pi’ nchuway’ nib tolang puluwon, ma gadad maruwel ko thabthabel ni kan dalibnag ngu’ud sasalapgad ko pi’in nge chuway’.

Ezekiel 44:31

Prist e thangri dabi kay bmit e arche’ ara ba gamanman ni yim’ fa ba gamanman ni li’ reb e gamanman.”

Ezekiel 4:14

Machane mug ga’ar, “ SOMOL ni Th’abi Tolang, danga’! Dariy bangiyal’ ni kug alit nigeg. Ka nap’an e kugub bitir i yib ma dariy bangiyal’ ni kug way e ufin u ba gamanman ni yim’ ni bod rogon e gamanman nma yim’ fa li reb e gamanman ni malboch. Ma ku dawor gu way ba ggan nib alit.”

Isaiah 57:6

Gimed be fek e malang nib sapachpach downgin u lan e yochpa’ i lul’ ngu’um ted fan ni aram e pi got romed. Ma gimed ma pu’og e wayin mi gimed be pi e grain ni maligach romed ngorad. Gimed be leamnag ma bm’ag u wun’ug urngin e pinn’ir?

Isaiah 1:12

Mini’ e keyog ngomed ni ngam feked urngin e pin’ey i yib ngog ko ngiyal’ ni gimed be yib nga p’eowcheg? Mini’ e keyog ngomed ni ngu’um mot’ed lan e Tempel rog?

1 Samuel 2:29

Ere mangfan ni gimed be chogownag e pi maligach nge pin’en ni yibe pi’ ngog ni gag e gog ni nga ni pi’? Eli, mangfan ni kam m’oneg fa gal pumo’on ni fakam rog kam pagrow kar sugsuggow ko yu ngin nth’abi fel’ ko pi maligach ni be pi’ e girdi’ rog ngog?

Deuteronomy 15:21

Machane fa’anra bay ban’en nib buch ko fapi gamanman, ni fa’anra ba yaf ara ba ma’ew, ara bbuch ban’en rok, ma ri dab mu pi’ed ni maligach ngak SOMOL ni Got romed.

Levitikus 22:8

Dabi kay e ufin u ba gamanman ni yigi yim’ rok ara ke li’ e gamanman ni malboch; ya ra ta’ay facha’. I Gag SOMOL.

Levitikus 6:4

Fa’anra denen be’ nike bucheg reb e pin’ey, ma dabisiy ni nge fulweg e n’en nike fek ni gathi fen. Ma rofen nni pir’eg nib bbuch e rok ma thangri fulweg labgen ni gubin ngak e en ni fen, miki puthuy rliw’ e pasent ngay.

2 Samuel 24:24

Machane me fulweg fare pilung, ni ga’ar, “Dangay, gu ra pi’ puluwon ngom. Dab gu pi’ ngak SOMOL ni Got rog e pi maligach ndariy puluwon ni gu pi’.” Me chuw’iy David fa gin yima n’ag keru’ e grain riy nge garbaw nga wugem yang i silber.

Isaiah 61:8

Be ga’ar SOMOL, “Mat’aw e gu ba’adag ma gu ba fananikay e gafgow nge kireb ni yima tay ngak e girdi’. Ri bay gu pi’ e tow’ath ko tirog e girdi’, mu gu ngongliy ba m’ag u thilmad ndabi m’ay.

Hosea 13:9

“Gimed e girdi’ nu Israel, bay gu thirifmed u but’! Ma aram e mini’ e rayag rok ni nge ayuwegmed?

Malaki 1:10

I SOMOL ni Gubin ma Rayag Rok e be ga’ar, “Gu be athapeg ni mang e ning bigmed mban e Tempel, ya nge dab kumu k’oreged e nifiy nib mm’ay fan u daken e altar rog. Ya kam kirebgad u wun’ug; dabi fel’ u wun’ug e pi maligach ni gimed be fek i yib ngog.

Malaki 2:12

Manga yigi chuweg SOMOL u fithik’ e girdi’ rok nu Israel e en ni be rin’ e pin’ey, ma dabki pagrad ngar’uned ko maligach nma pi e re nam nem ngak SOMOL ni Gubin ma Rayag Rok.