Luke 8:54 - Bible Ni Thothup

⁵⁴ Me kol Jesus pa’ me ga’ar ngak, “Fachi pin, mu suwon!”

Luke 8:54 Referans Kwoze

Jeremiah 31:32

Dabi bod fare m’ag ni gu ngongliy u thilmad pi chitamangirad ko fa ngiyal’nem ni gu kol pa’rad nggu fekrad nga wuru’ yu Egypt. Ni yug aram rogon ni bod ni gag figirngirad, ma dar ted fare m’ag u gil’.

Acts 9:40

Me yog Peter ngorad ni ngranod nga waen ni yad gubin, me ragbug nga but’ nge meybil; me cheal nge sap ko fare yam’ me ga’ar, “Tabitha, mu suwon!” Me pithig owchen, ma fa’ani guy Tabitha Peter me suwon.

John 11:43

Ma nap’an ni mu’ i yog rok e re bugithin ney me pong ni ba ga’ gaman ni ga’ar, “Lazarus, moy nga waen!”

John 5:21

Ya en ni Chitamangiy e ma faseg e yam’, ere ku errogon e en ni Fak nma pi’ e yafos ngak e pi’in ba’adag ni nge pi’ e yafos ngorad.

Luke 8:51

Ma fa’ani taw Jesus ko fare naun ma de pag yugu be’ nge un ngak ngalan fare naun ya kemus ni Peter, nge John, nge James nge chitamngin nge chitiningin fachi pin e pagrad ngar uned ngak.

Mark 9:27

Machane me kol Jesus pa’ fachi pagel nge sak’iynag, me sak’iy.

Mark 8:23

Me kol pa’ fare malmit i yan nga wuru’ fare binaw, me thuwag e nguboch ngalan mit me tay pa’ nruw raba’ nga daken me fith ni ga’ar, “Kam guy ban’en fa?”

Mark 1:31

Me yan Jesus ngak, me kol pa’ me suwonnag ngalang. Me chuw e gowel u daken, ma aram me tabab fare pin i ayuwegrad ko tin nge yag ngorad.

Matthew 9:25

Ma yugu nap’an nnog ngak fapi girdi’ ngranod nga wean, me yan Jesus ngalan e senggil rok fachi pin me kol pa’, me suwon.

Roma 4:17

Ni bod rogon ni be yog e babyor nib thothup ni be ga’ar, “Kug ngongliyem kam mang chitamngin bo’or e nem.” Ere pi thin ney nike yog Got e bfel’ u p’eowchen Got, ni ir e re Got nib mich u wan’ Abraham — ni ir fare Got nma faseg e yam’ mra non me sum e tin nda immoy ban’en.

Luke 8:53

Ma yad gubin nra moninggad ngak, ya yad manang nike aw e fan rok.

Luke 8:55

Me sul e pogofan rok ngak me suwon ngalang ni ka chingiyal’ nem; me yog Jesus ngorad ni ngar pi’ed ban’en ngak nge kay.