Luke 8:44 - Bible Ni Thothup

⁴⁴ Me yib u fithik’ e girdi’ u keru’ Jesus me yib i math nga taban e mad rok u but’, me tal racha’en ni ka chingiyal’ nem.

Luke 8:44 Referans Kwoze

Deuteronomy 22:12

“Mup’ed e pi matharthar nga daken fa aningeg i tabthung ko fare mad ni ngam chuw ngay.

Acts 19:12

ni mus ko hangkach nge yungi mad ni yima m’ag nga daken e mad ni fan ko maruwel nike maruwel Paul ngay nni fek i yan ngak e pi’in nib m’ar, me chuw e liliy rorad, ma ku errogon e mo’onyan’ nike ying ngorad nra chuwgad rorad.

Malaki 4:2

Machane gimed e pi’in gimed be fol rog e rayib gelngig nma ayuwegey nga dakenmed ni bod ram’en e yal’, me gol nagmed. Ra puf mat’awmed ma gimed ra felfelan’ ni bod rogon pifak e garbaw nni bing e chum rorad ngranod nga wuru’.

John 5:13

Machane fare mo’on ni kan chuweg e liliy rok ke gol e de nang ko mini’ fa’anem nike golnag, ya ke chuw Jesus ke yan, ya pire’ e girdi’ ni bay ko gin’em.

Luke 13:13

Me tay pa’ nga daken fare pin ma ka chingiyal’ nem me k’iyag ir ngalang me yog e sorok ngak Got.

Luke 7:38

me yib i sak’iy u keru’ Jesus u to’oben e rifrif u ay, ngi i yor nge munurnag e rifrif u ay Jesus ko lu’ rok. Me faley nga piyan lolugen, me mu’ me faray e rifrif u ay me pu’og fare florida nga daken rifrifen ay Jesus.

Mark 6:56

Ma gubin yang ni i yan Jesus ngay, ni lan e pi binaw ni ba’achig, nge pi binaw ni ba ga’, nge yungi n’en ni kan par riy yibe woldug e i gochowriy e girdi’ e liliy rorad riy nga lukngun e binaw, miyad wenig ngak Jesus ni nge pag e pi’in yad mm’ar nga yugu ra mathgad nga taban e thal ni wuru’ e mad rok u but’; ma urngin e pi’in nra mathgad ngay e yigo’o ra golgad.

Matthew 20:34

Me kireban’ Jesus ngorow me math nga owcherow; ma ka chingiyal’ nem me yag ni ngar guyew ban’en, miyow un ngak.

Matthew 8:3

Me k’iyag Jesus pa’ nge math ngak. Me fulweg ni ga’ar, “Bm’agan’ug ngay, aram e ngam be’ech!” Kachingiyal’ nem me chuw e daraw rok.

Exodus 15:26

Me ga’ar, “Fa’an ri gimed ra fol ko thin rog, I gag SOMOL ni Got romed, mi gimed rin’ e tin nib m’agan’ug ngay ni aram e tin nib mat’aw, mi gimed tiyan’med ko tin kugog ni ngam rin’ed, mi gimed tay nga tagil’ urngin e tin kugog ni ngam folgad riy, ma dab gu gechig nagmed nga reb fapi liliy ni gu pag nga daken piyu Egypt. I Gag fare SOMOL, ni gag e ggol nagmed.”

Acts 5:15

Bochan e pin’en ni i ngongliy e pi apostel ma aram min gachowriy e pi’in nib m’ar ngalan e yu pa’ i kanawo’ ngan tayrad nga daken e bet nge chob ni fan e nge yan Peter u rom ma gomanga n’en mi yigi aw fon ngak boch i yad.

Matthew 9:20

Me yib be’ ni bpin u keru’ Jesus meb i math nga taban e mad rok u but’, re pin nem e nga ragag nge l’agruw e duw ni be par nib m’ar nib molul.

Luke 8:43

Ma bay be’ ni bpin u rom nib gel e gafgow ni be tay, ya nga ragag nge l’agruw e duw nib m’ar nib molul; ke pi’ urngin e salpiy rok ngak e pi togta, ma dariy bagayad ni keyag rok ni nge golnag.

Luke 8:45

Me fith Jesus ni ga’ar, “Mini’ e ke math ngog?” Ma urngin e girdi’ nra be’ me ga’ar e gathi ir; me ga’ar Peter, “Masta, pi girdi’ ney ni aray urngin e kar suggad u to’obem ni yad be apinpin ngom.”