Luke 7:47 - Bible Ni Thothup

⁴⁷ Ere nggog ngom ni gelngin nri gub t’uf rok nike dag e ir e ke micheg ni denen rok nib pire’ e ke m’ayfan. Machane cha’ ni bochu’uw e denen rok ni ke m’ayfan, e ri bochu’uw e t’ufeg ni be dag.”

Luke 7:47 Referans Kwoze

1 John 4:19

Ba t’uf Got rodad nge girdi’ ni bochan e Got e som’on ni at’ufegdad.

1 John 3:18

Pifakag! Rogon nib t’uf Got nge girdi’ rodad e dabi par ni kemus ni thin nge welthin; ya thingari yan i aw ni bin riyul’ rogon nib t’uf Got nge girdi’ rodad nma m’ug ko ngongol.

Isaiah 1:18

Be ga’ar SOMOL, “Mired ngad puruy’gad. Kam alitgad ko denen nib row ram’en, machane bay gu maluk nagmed ngam be’echgad ni bod feni be’ech e ayis. Yug aram rogon ni kam alitgad nrib row ra’en, ma bay mu wechwechgad ni bod bunu’en e saf.

Galatia 5:6

Ya fa’anra kad ta’ab girdi’gad Kristus Jesus, ma dariyfan ko kan maad’adnagdad fa dawor; n’en ni ir e ba ga’ fan e michan’ rodad ngak Kristus ni be maruwel u fithik’ e t’ufeg.

Roma 5:20

Motochiyel e ni pi’ ni fan e nge yib i m’ug gelngin e kireb ni yibe ngongliy i yan; machane fa’ani yo’or e denen, miki yo’or e runguy rok Got.

Efesus 6:24

I Got e ngi i ayuweg urngin e pi’in nib t’uf rorad e Somol rodad i Jesus Kristus, ma rogon nib t’uf rorad e nge dabi math bi’id.

Isaiah 55:7

Pi’in kireb e ngongol rorad e ngar paged, miyad thiliyeg rogon e leam ni yad be tay. Miyad sul ngak SOMOL, ni Got rodad; ya ri ma runguy e girdi’, ma ba gur ni ma n’ag fan ban’en u wan’.

1 John 5:3

Ya ba’aray fan ni nge t’uf Got rodad: fan e ngad folgad ko tin keyog ni ngad rin’ed. Ma tin keyog ni ngad rin’ed e gathi rib mo’maw’,

1 Timothy 1:14

Ma Somol rodad e tow’ath nigeg ko ayuw ni pi’ ngog nge pag rogon me pi’ ngog fare mich nge t’ufeg ni fadad ko ta’ab girdi’ ni gadad ma tay Kristus.

Filippi 1:9

Ere ba’aray e meybil rog ngak Got ni fan ngomed: gu be yibil ngak Got ni ngi i gel feni t’uf Got nge girdi’ romed i yan, mi gimed nang e bin riyul’ i fan e thin rok Got nge yag ni ngam nanged e tin nib mat’aw ko tin nde mat’aw,

Acts 5:31

Mi Got e ke tolangnag ke tay nga ba’ ni mat’aw rok ni ir e nge yog e thin me ir e ngi i thapeg e girdi’ ngak Got, ma nge pi’ e tayim ngak e girdi’ nu Israel nu lan e re tayim nem e ngar pi’ed keru’rad ko kireb ni yad be rin’ me n’ag Got fan e denen rorad.

1 John 1:7

Machane fa’anra ud pired u fithik’ e tamilang — ni bod ir ni bay u fithik’ e tamilang — ma aram e kad ta’ab girdi’gad nike ta’reban’dad, ma racha’en Jesus ni Fak e ir e be be’ech nagdad u urngin e denen rodad.

Luke 7:39

Ma fare Farise ni ir e pining Jesus nge yib, e fa’ani guy e ren’em, me ga’ar u wan’, “Fa’anra riyul’ nre mo’on ney e ba profet, ma kenang ko mini’ e re pin ney ni be math ngak, ma kenang e re mit i ngongol nib kireb nma ngongliy!”

Matthew 10:37

“En ni kab t’uf rok e chitamangin ara chitiningin ngog e dariy rogon ni nge mang be’ rog; en ni kab t’uf rok fak ni pumo’on ara fak ni bpin ngog e dariy rogon ni nge mang be’ rog.

2 Korinth 5:14

Gelngin fanmad t’uf rok Kristus e ir e be gagiyeg nagmad, ya kug nanged ni ta’reb e girdi’ e yim’ ni fan ngak urngin e girdi’, ni fan e ren’em e urngin e girdi’ ma kar uned ngak ko yam’.

Mikah 7:19

Bay mu runguymad bayay. Ma bay mot’mot’ nga but’ e pi denen romad, ma ga pi’ nge yan nga t’ay e rigur!

Ezekiel 16:63

Mu gu n’ag fan u wun’ug e kireb ni kam rin’, machane bay i yib ngan’um nge gelnag e tamra’ rom ni mus nga langam ma dakiyag nim pithig.” I SOMOL ni Th’abi Tolang e keyog e pi thin ney.

Luke 7:46

Da mpi’ e gapgep ni nggu tay nga lolugeg, machane ir e ke liyef e rifrif u eg ko florida.

Luke 7:48

Me ere ga’ar Jesus ngak fare pin, “Ke m’ayfan e denen rom.”