Luke 7:22 - Bible Ni Thothup

²² Me fulweg ngak fa gali cha’ ni l’oegrow John ngar bow ni ga’ar, “Mu sulow nga mognew ngak John e tin kam guyew nge tin kam rung’agew ni nge lungumew: pi’in malmit e kar guyed ban’en, ma pi’in mugutgut e kar uned ko yan, ma pi’in kar gafgowgad ko m’ar ni daraw e kan be’ech nagrad, ma pi’in biling e ke yag ni ngar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ko pi’in gafgow.

Luke 7:22 Referans Kwoze

Luke 4:18

“Fare Kan ni Thothup rok Somol e ke yib nga dakenag. Ke gapgep nigeg ni nggu machibnag e Thin Ni Bfel’ ngak e pi’in gafgow, ke l’oegeg ni nggog ngak e pi’in kan kolrad kan tayrad ni bay ni pagrad, mu gog ngak e pi’in malmit ni bay ra guyed ban’en, ma nggu chuweg ko gafgow e pi’in yibe gafgow nagrad,

James 2:5

Pi walageg ni girdi’en Kristus, mu telmed ngog! I Got e ke mel’eg e girdi’ ni gafgow u roy u fayleng ni ngari gel e michan’ rorad ngak Got ngu’ur pired nib pagan’rad ngak me yag ngorad e gin nsuwon Got ni yog nra pi’ ngak e pi’in nib t’uf Got rorad.

Matthew 21:14

Me yib e pi’in yad bmalmit nge pi’in yad bmarwoth ngak ngalan e Tempel me gol nagrad.

Acts 26:18

Me gur e ngam pithig owcherad ngam pingegrad ngar pi’ed keru’rad ko lumor miyad sap ko tamilang, ma ga pingegrad ngar pi’ed keru’rad nga gelngin Satan miyad pigicheal ngak Got, yu daken e michan’ rorad ngog e bayi n’ag Got fan e denen rorad riy me yag ngorad tagil’rad u fithik’ e pi’in ke mel’egrad Got ni ngar manged girdi’en.’

Luke 7:21

Ka re ngiyal’ i n’em me golnag Jesus bo’or e girdi’ ko m’ar nge liliy, me tuluf e mo’onyan’ rok bo’or i yad ngar golgad, ma bo’or e girdi’ nib malmit ni chuweg e malmit rorad.

Zefaniah 3:12

Bay gu tay e pi’in nib sobut’an nge pi’in gafgow u rom, ni bay urbad ngog ni nggu aywegrad.

Jeremiah 31:8

Bay gu fekrad u lel’och ngaray, mu gu kunuyrad u tungun e fayleng i yib. Pi’in malmit nge pi’in mugutgut e bay ra uned ngorad ngarbad, nge ppin diyen nge tin ke chugur ni ngar gargel gad. Bay ra sulod ni kar manged ba nam ni ba ga’.

Isaiah 43:8

Be ga’ar Got, “Mpininged e girdi’ rog nga tafen e puf oloboch. Bay lan owcherad, machane yad ba ma’ew; bay telrad, machane yad bbaling!

Isaiah 42:16

“Girdi’ rog ni yad ba ma’ew e bay gu pow’iyrad u daken yu pa’ i kanawo’ ndawor ra milekaggad riy. Lumor ni yad be par u fithik’ e bay gu pingeg nge ngal’ ni tamilang, ma yungi n’en nib mododongol ni bay nga m’on rorad e bay gu pacheag. Pin’ey e gu micheg, ni ri gu ra rin’.

Psalms 146:8

mma bing owchen e pi’in ma’ew ngar guyed ban’en. Ma sak’iynag e pi’in kar dol’gad; ba t’uf rok e girdi’ ni yad ba mat’aw.

BABYOR NI JOB 29:15

Gu ma mang owchen e malmit, nge rifrifen ay e mugutgut.

Acts 8:7

Pi kan nib kireb ni kar yinggad ngak bo’or e girdi’ e ra tolulgad ngar chuwgad u fithik’ fa pi’inem; ma bo’or e girdi’ ni dariy gelngin yu yang u dowrad nge pi’in nib mugutgut ni ki gol nagrad.

John 1:46

Me fith Nathanael ni ga’ar, “Rayag ni nge yib ban’en ni bfel’ u Nazareth?” Me fulweg Filip ngak ni ga’ar, “Mu un ngog ngam guy.”

Matthew 11:5

pi’in malmit e keyag ni ngar guyed ban’en, ma pi’in mugutgut e ke yag ni ngar uned ko yan, ma pi’in ndaraw e ka ra be’echgad, ma pi’in baling e kar rung’aged ban’en, ma pi’in karm’ad e kan fasegrad, ma fare Thin Ni Bfel’ e yibe machibnag ngak e pi’in gafgow.

Luke 7:23

Rib felan’ e en ndagur maruwar u wan’!”