Luke 5:20 - Bible Ni Thothup

²⁰ Ma fa’ani guy Jesus gelngin e pagan’ rorad ngak me ga’ar ngak fare mo’on, “Fager rog, ke m’ayfan e denen rom.”

Luke 5:20 Referans Kwoze

Acts 14:9

Me motoyil ko thin ni be weliy Paul. Me guy Paul nike mich Jesus u wan’ nrayag ni ngan golnag ko m’ar rok, ma aram me changar Paul ngak

Matthew 9:2

Me fek boch e girdi’ be’ nike mugutgut i yib ngak, ni kan moleg nga daken e wormel. Me guy Jesus gelngin e michan’ rorad ngak Got, me ga’ar ngak fa’anem nib mugutgut, “Fakag, mpagan’um! Ke m’ayfan e denen rom.”

Luke 7:48

Me ere ga’ar Jesus ngak fare pin, “Ke m’ayfan e denen rom.”

Kolose 3:13

Nge bigimed mi i ayuweg bigimed ko me’waer rok u fithik’ e runguy, mu um n’iged fan u wun’med e n’en ni manga ke kirebnag bigimed u laniyan’ bigimed ko re ngiyal’ i n’en ni bay ban’en nike dabuy bigimed nike rin’ bigimed ngak. Thingar um n’iged fan u wun’med e n’en nike rin’ bigimed ngak bigimed ni bod rogon nike n’ag Somol fan u wan’ e tin ni kam rin’ed nib togopluw ngak.

John 2:25

Ma dariyfan ni nge weliy be’ murung’agen e girdi’ ngak Jesus, ya ri manang Jesus e n’en ni be leamnag e girdi’.

Mark 2:5

Me guy Jesus gelngin e pagan’ rorad ngak, me ga’ar ngak fare mugutgut, “Fakag, ke m’ayfan e denen rom.”

James 2:18

Machane bayi ga’ar be’, “I gur e bmich Got u wun’um me gag e gu be rin’ e ngongol riy.” Machane fulweg rog ngom e, “Mu dag ngog rogon nrayog ni nge mich Got u wun’um nde cheag e ngongol rom ngay, mu gu dag ngom e michan’ rog ngak Got ko ngongol rog.”

2 Korinth 2:10

Fa’an gimed ra n’ag fan u wun’med e n’en ke rin’ be’, ma ku er rogog ni ku gu n’ag fan u wun’ug. Ya fa’anra kug n’ag fan u wun’ug ban’en nib kireb, ma kug rin’ u p’eowchen Kristus ni bochmed,

Isaiah 38:17

Buchbuchan’ rog e bayi pilyeg nge ngal’ ni gapas. Gur e ka mu ayweg e pogofan rog u fithik’ gubin e riya’; kamn’ag machan gubin e denen rog u wun’um.

Acts 11:23

Fa’ani taw me guy rogon nike ayuweg Got fapi girdi’, me felan’ me tay ir ngorad ni yad gubin ni ngu’ur pired ni yad ba yul’yul’ ma yad bmuduwgil ngak Somol u polo’ i lanin’rad.

John 5:14

Ma fa’ani ta’aboch me pir’eg Jesus fare mo’on u lan e Tempel me ga’ar ngak, “Mu sap, chiney e kam gol ko liliy rom. Mpag e denen ni ga be rin’, ya ri yib ban’en ngom ni kab gel e gafgow riy.”

Genesis 22:12

Me ga’ar fare engel, “Dab mu maad’ad ngak e chi pagel nir ara mrin’ ban’en ngak. Kug nang e chiney nib magan’um ngay ni ngam fol rok Got, ya fakam ni kari maagirag rom e da mu tel rok.”

Matthew 9:5

Gur mmom ni nge lunguy, ‘Ke m’ayfan e denen rom,’ fa nge lunguy, ‘Mu sak’iy ngam man’?