Luke 4:34 - Bible Ni Thothup

³⁴ “Mang e ngam rin’ ngomad, i gur Jesus nu Nazareth? Ka mub ngaray ni ngam thang owchemad? Gu manang ko gur mini’: i gur e mol’og rok Got ni gab thothup!”

Luke 4:34 Referans Kwoze

James 2:19

Mog, mmich u wun’um nri ta’reb e Got ni bay? Bfel’! Ku errogon e pi mo’onyan’ nib mich u wun’rad — ma yad ma da’da’ ko marus.

Mark 1:24

“I gur Jesus nu Nazareth, mang e ngam rin’ ngomad? Kamub ngaray ni ngam thang owchemad? Gu manang ko gur mini’ — i gur e mol’og rok Got ni gab thothup!”

Matthew 8:29

Ka chingiyal’ nem miyow tolul ni be lungurow, “Fak Got, mang e kam finey ni ngam rin’ ngomow? Ka mub ni ngam gechig nagmow u m’on ko ngiyal’ ni bay ni gechig nagmow riy?”

Acts 3:14

I ir e be’ nib thothup ma bfel’, machane mogned ndabumed, mi gimed wenig ngak Pilate ni nge yan nga lanin’med nge pag be’ nike thang e pogofan.

Revelation 3:7

“Mu yol ngak fare engel ko galesiya nu Filadelfia ni nge lungum: “Ireray e thin nike pi’ fa’anem ni ir e ba thothup ma ba yul’yul’, ni ir e bay fare kiy rok David u pa’, ni ir e ra bing ma dariy be’ nrayag ni nge ning, ni ir e ra ning ma dariy be’ nrayag ni nge bing.

Luke 4:41

Ma ku errogon e mo’onyan’ nra chuwgad u fithik’ bo’or e girdi’, ni ra tolulgad miyad chuw u fithik’rad ni be lungurad, “I gur fa’anem ni Fak Got gur!” Me yog Jesus ngorad ni ngar th’abed gulungrad, ma daki pagrad ni ngar nonod, ya yad manang ni ir fare Messiah.

Luke 1:35

Me fulweg fare engel ngak ni ga’ar, “Fare Kan Nthothup e bayyib ngom, me yib i par gelngin Got ngom. Ireray fan nre tir nem nib thothup e bay ni pining ni Fak Got.

Revelation 20:2

Me kol fare dragon, ni ir fare porchoyog nike kakrom, ni aram fare Mo’onyan’, ara Satan, me m’ag nge tay ni aram rogon nib biyu’ e duw.

1 John 3:8

Ma en nra i denen i yan e ke par nike mil suwon ngak fare mo’onyan’, ya fare mo’onyan’ e ke denen ko tabolngin. Ireray fan ni yib i m’ug Fak Got, ni bochan e nge kirebnag e maruwel rok e re mo’onyan’ nem.

Hebrews 2:14

Pi girdi’ nem ni be yog e bitir ngorad e yad e girdi’ nni ngongliyrad ni ufin nge racha’, me yib Jesus i ngal’ nib girdi’ nge bod yad, me yag rarogorad ngak nrarogon e girdi’. I rin’ ni aram rogon ni fan e yam’ ni nge tay e nge kirebnag gelngin e mo’onyan’; ya mo’onyan’ e bay e yam’ u pa’,

Acts 16:39

Ma aram marbad ra weniggad ngorow; miyad fekrow nga wuru’ e kalbus miyad wenig ngorow ni ngranow ngar chuwgow u lan e re binaw nem.

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Acts 2:27

ya dabiyag ni ngam nigeg nggu par u tafen e yam’; ya dabiyag ni ga ra pag e tapigpig rom nib yul’yul’ nge mel.

Luke 8:37

Ma urngin fapi girdi’ ko gi nug nem nra mu’ulunggad ngar weniggad ngak Jesus ni nge yan nge chuw u rom, ya yad gubin nike yib e tamdag ngorad nib gel. Ma aram me af Jesus ngalan fare bowoch nge yan.

Luke 8:28

Ma fa’ani guy fare mo’on Jesus me tolul ni ba ga’ laman, me paraw nga but’ u p’eowchen Jesus me non ni ba ga’ laman ni ga’ar, “Jesus, ni Fak Got ni Th’abi Tolang! Mang e ga be finey ni ngam rin’ ngog? Wenig ngom, dab mu gechig nigeg!”

Mark 5:7

me tolul ni ba ga’ laman ni be ga’ar, “Jesus, ni Fak Got ni Th’abi Tolang! Mang e ga be finey ni ngam rin’ ngog? Gu be wenig ngom u mit Got ndab mu gechig nigeg!”

Mark 1:34

Pire’ e girdi’ nib m’ar ni bo’or mit e liliy ni bay rorad ni gol nagrad Jesus, ma bpire’ e mo’onyan’ ni tuluf ngar chuwgad rok e pi’in ke ying e mo’onyan’ ngorad. Ma de pag Jesus fapi mo’onyan’ ni ngrogned ban’en, ya yad manang ko ir mini’.

Daniel 9:24

“Medlip yay e medlip i ragag e duw n’umngin nap’an nike duwgiliy Got ni nge taw ngay me tal e girdi’ ko nam rom nge girdi’ ko fare binaw rom nib thothup ndab kur rin’ed e kireb ma dab kur ngongliyed e denen. Me n’ag Got fan e denen me pi’ e tin nib yal’uw ni bayi par ni dariy n’umngin nap’an, ya tin mu guy ko fa ngiyal’ nni piliyeg e changar rom nge fare yi’iy e nge yib i m’ug nib riyul’ min pi’ fare Tempel nib thothup nga pa’ SOMOL.

Psalms 16:10

ya ga be yororiyeg u gelingin e yam’, gu ma pigpig ngom u fithik’ e yul’yul’, ma dab mu pageg nggu waen ko fayleng ko yam’.

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

1 Kings 17:18

Me ga’ar ngak Elijah, “Gur e girdi’ rok Got, mang ni kam rin’ e biney e pa’ ngog? Mog, mub ngaray ni ngam puguran e denen rog ngak Got ya nge yim’ fakag?”

Luke 4:33

Ma bay be’ nib mo’on u rom u lan tafen e mu’ulung nike ying ba mo’onyan’ ngak, me tolul ni be ga’ar,