Luke 3:9 - Bible Ni Thothup

⁹ Ya tow e kan fal’eg rogon ke par ni nge th’ab e gek’iy u lik’ngin; ni gubin kaen e gek’iy nder yib wom’ngin ni bfel’ e bay nth’ab nganin’ nga mit e nifiy.”

Luke 3:9 Referans Kwoze

Matthew 7:19

Re ke gek’iy ni dabi yib wom’ngin ni bfel’ e yira th’ab nga nin’ nga mit e nifiy.

John 15:6

En ni dabi par u fithik’ag e yira n’ag, nge mororoy ni bod ba pa’ngin e grape; papa’ngin e grape ni aram rogon e yira kunuy nga nin’ nga mit e nifiy nge yik’.

Luke 13:9

Ma fa’anra yib wom’ngin e binem e duw, ma aram e ke manigil; ma fa’anra danga’, me ere mog ngan th’ab.”

Luke 13:7

Ma aram me ga’ar ngak e cha’ nma maruwel u milay’ rok, Mu sap, nga dalip e duw ni yug gu be sul ngaray gu be changarnag wom’ngin e re ke gek’iy ney ma dawor gu pir’eg ta’reb riy. Ere mu th’ab! Ya susun e mangfan ni nge par ngi i fek yong’olen e but’?

Matthew 3:10

Ya tow e kan fal’eg rogon ke par ni nge th’ab e gek’iy u lik’ngin; gubin kaen e gek’iy nder yib wom’ngin ni bfel’ e yira th’ab nga but’ nga nin’ nga mit e nifiy.

Hebrews 12:29

ya Got rodad e riyul’ nib nifiy nma urfiy ban’en.

Daniel 4:23

Pilung, nap’an ni ga be changar me yib ba engel u tharmiy nga but’ nge yib i ga’ar, ‘Ngan th’ab e re ke gek’iy nir ngan li’, machane nga ni pag muchun’ u fithik’ e but’ nge par. Ngan longobiy bangi wasey nga kenggin nni ngongliy ko yug wasey nge wasey ni bronze, min pag u rom u lan e flang u fithik’ e pan. Nga ni pag e wa’angachal ngi i aw ngak, min pag ngi i par u rom u fithik’ e pi gamanman ni medlip e duw.’

Daniel 4:14

Me non ni ba ga’ lungun ni ga’ar, ‘Ngan th’ab e re ke gek’iy nir min fabguy papa’ngin; min gunugunuy yuwan min wereg wom’ngin; ngan tuluf e pi gamanman ni bay u tanggin, nge pi arche’ ni bay u fithik’ i papa’ngin.

Ezekiel 31:18

Fare ke gek’iy e aram fare pilung nu Egypt nge urngin e girdi’ rok. Dariy baken e gek’iy u Eden ni aram fani n’uw ni bfel’ ya’an. Ma chiney e ke bod ya’an e gek’iy nu Eden, bayi yan nga’ar ko fare fayleng ko yam’ nge cheag ko pi’in tadenen nge pi’in li’rad ko mael. I Gag e gu be non i Gag SOMOL ni Th’abi Tolang.”

Hebrews 10:28

En nder ma fol ko Motochiyel rok Moses e yima li’ ngem’, ndanir ma runguy ko ngiyal’ nike m’ug nib kireb e rok ko mich nike dag l’agruw e girdi’ ara dalip.

Luke 13:6

Me ere yog Jesus ngorad e re fanathin ni ba’aray ni ga’ar, “Be’ nib mo’on e immoy ba ke gek’iy ni fig nike tugul u milay’ rok ni milay’ ko grape. Me yan ngi i changarnag wom’ngin u l’ugun ma de pir’eg ta’reb.