Luke 3:1 - Bible Ni Thothup

¹ Re ngiyal’ i n’em e ke yan i gaman ragag nge lal e duw ni par Tiberius ni ir e emperor; ma Pontius Pilate e am u Judea, mi Herod e pilung nu Galile, ma walagen i Filip e ir e pilung nu Iturea ngu Trakonitis; mi Lysanias e pilung u Abilene,

Luke 3:1 Referans Kwoze

Luke 2:1

Re ngiyal’ i n’em e wereg Augustus ni Emperor ni ga’ nu Roma e thin ni nge urngin e girdi’ ni bay u tan pa’ e ngar ted fithingrad nga babyor ni fan e ngan nang urngin e girdi’ rok.

Matthew 27:2

Miyad yin’ e chen ngak miyad fek ngar pi’ed ngak Pilate, ni ir e am.

Acts 26:30

Ma fare pilung, nge fare am, nge Bernice, nge urngin e girdi’ e ra sak’iygad,

Acts 24:27

Ma nap’an ni chuw l’agruw e duw, me yib Porkius Festus nga luwan Felix nge mang governor. Ma ba’adag Felix ni nge adag piyu Israel daken, ma aram me tay Paul ngi i par u kalbus.

Acts 23:26

“Pi’ Klaudius Lysias ni nge yan ngak Felix ni Governor.

Acts 4:27

Ya riyul’ ni Herod nge Pontius Pilate e rabow nga ta’bang u lan e re binaw ney ngar puruy’gad e pi’in Gathi yad piyu Israel nge girdi’ nu Israel nib togopluw ngak Jesus, ni ir fare tapigpig rom nib thothup, ni ir fa’anem ni mu tay ni Messiah.

Luke 23:24

Ma aram me turguy Pilate e n’en ni ngan rin’ ngak Jesus ni bod rogon ni be tolulnag fapi girdi’ ni aram urngin.

Luke 9:7

Mi Herod, ni ir e pilung nu Galile e rung’ag murung’agen urngin e pin’en ni be rin’ Jesus; me ri balyangan’ u murung’agen ni bochan e be ga’ar boch e girdi’, “I John ni i tawfe e ke fos ko yam’!”

Luke 3:19

Machane me welthin John nib togopluw ngak Herod ni am ni bochan e ke le’ay Herodias, ni immoy ni leengin be’ nib mo’on ni walagen, ma bo’or boch ban’en nib kireb nike ngongliy.

Mark 6:17

Herod e ir e yog ni ngan kol John ngan m’ag nga nin’ nga kalbus. I rin’ Herod ni aram rogon ni bochan Herodias nike leengiy, ni leengin walagen ni pumo’on, ni aram Filip.

Matthew 14:3

I Herod e yog ni ngan kol John ngan m’ag nga nin’ nga kalbus. I rin’ ni aram rogon ni bochan Herodias ni i leengiy Filip ni walagen.

Matthew 14:1

Ireram e ngiyal’ ni rung’ag Herod ni pilung nu Galile murung’agen Jesus.

Genesis 49:10

Fare sog ko pilung e dabi chuw rok Judah, ma ku dabi chuw fa lay i ren ni fen e gagiyeg u thilin e rifrif u ay; nge mada’ ko ngiyal’ ni bay yib e en ir e fen, ma bay i fol e girdi’ rok.

Matthew 14:6

Fa’ani taw ko chirofen nni gargeleg Herod riy me churu’ bochi pin ni fak Herodias u p’eowchen e girdi’ ni kar mu’ulunggad. Me felfelan’ Herod ngak,

Matthew 22:17

Ere mog ngomad e n’en ni ga be finey ko re bugithin ni ba’aray. Gur ba togopluw ko Motochiyel rodad ni ngan pi’ e tax ni yibe pi’ ngak e Emperor nu Roma fa danga’?”

Mark 6:21

Me yan i fel’ rogon Herodias ba ngiyal’ ko chirofen ni ngan madnomnag e ngiyal’ nni gargeleg Herod riy, me ngongliy Herod ba madnom nge pining e pi tolang ko am ngay, nge pi tolang ko salthaw, nge ku boch e girdi’ ni yad ba ga’ ko nug nu Galile.

Luke 13:31

Ka re ngiyal’ i n’em me yib boch e Farise ngak Jesus me lungurad ngak, “Thingar mu chuw u roy ngam man ngabang, ya ke finey Herod ni nge thang e pogofan rom.”