Luke 21:37 - Bible Ni Thothup

³⁷ I par Jesus ko pi rran nem ni be machib u lan e Tempel, ma bayi aw e lumor me yan nga wuru’ e binaw nge yan i par nga daken e burey nu Olive.

Luke 21:37 Referans Kwoze

Luke 22:39

Me sak’iy Jesus nge yan ko burey nu Olive ni kmarin’; me un pi gachalpen ngak ngranod.

Mark 11:19

Ma fa’ani neap’ me chuw Jesus nge pi gachalpen u lan fare binaw.

Matthew 26:55

Me non Jesus ngak fare ulung i girdi’ ni ga’ar ngorad, “Mang ni kambad ni kam feked e saydon nge gul ni ngam koled gag ni gowa gag be’ ni kug th’ab e motochiyel? Gubin e rran ni ug par u Tempel nga but’ ngu’ug machib, ma da mkoled gag.

Matthew 21:17

Me pagrad Jesus nge yan nga wuru’ fare binaw me yan nga Bethany, ni aram e gin ni par riy nneap’.

Matthew 21:1

Ma nap’an nra chugurgad nga Jerusalem, marbad nga Bethfage, ni bay ko burey nu Olive. Me l’oeg Jesus l’agruw i gachalpen ngar m’onow

Acts 1:12

Ma aram me chuw fapi apostel ko burey nu Olive ngar sulod nga Jerusalem, ni gonap’an e baley e mayel u lan binaw nga orel.

John 12:1

Nel’ e rran ni kabay ngam’on ko madnom ni Paluk’af me yan Jesus nga Bethany ko fare binaw nma par Lazarus riy, ni ir fare mo’on ni yim’ me faseg Jesus ko yam’.

Luke 19:37

Ma fa’ani chuchugur nga Jerusalem, ko fa gin’en ni yan e kanawo’ riy ko burey nu Olive nga pe’ning, ma fapi girdi’ ni pire’ ni pire’ ni pi gachalpen e ra tababgad i pining e magaer ngak Got, ma yad be yog e sorok ngak ni ba ga’ lungurad ni bochan urngin fapi maang’ang ni kar guyed ni be lungurad,

Mark 11:12

Me reb e rran riy ni yad be sul u Bethany ma ke yib e bilig ngak Jesus.

Matthew 26:30

Miyad yin’ ba tang ni yad be pining e sorok ngak Got riy nge mu’ miyad yan ko burey nu Olive.

Zekariah 14:4

Rofen nem e ra sak’iy nga daken fare Burey ni Olive, ni bay ko ngek u Jerusalem. Ma aram e fare Burey ni Olive e bayi sey ko ngek i yan ko ngal nge ruw raba’, me aw ba loway nib ga’ u thilin. Barba’ fare burey e ra kan, ko lel’och, ma barba’ riy e ra kan ko yimuch.

Mark 14:49

Ke yo’or e rran ni ug moy romed u lan e Tempel ni ug machib, ma da mu koled gag. Machane thangri yib i m’ug nib riyul’ e tin nike yog e babyor nib thothup.”

Luke 19:29

Ma fa’ani chugur nga Bethfage nge nga Bethany ko burey nu Olive, me l’oeg l’agruw i gachalpen ngar m’onow

Luke 19:47

Ma aram mi i machib Jesus u lan e Tempel ni gubin e rran. Ma pi tolang ko prist, nge pi tamchib ko Motochiyel, nge pi’in yad ma yog e thin e ra fineyed ni ngar li’ed Jesus ngem’,

John 18:2

Mi Judas, ni ir e yagnag Jesus, e manang e gin’em, ya ke yo’or yay ni mu’ulung Jesus nge pi gachalpen ngay.