Luke 2:41 - Bible Ni Thothup

⁴¹ Gubin e duw ma i yan e gallibthir rok Jesus nga Jerusalem ni fan ko madnom ni Paluk’af.

Luke 2:41 Referans Kwoze

Deuteronomy 12:18

Gimed nge pifakmed nge pi tapigpig romed nge pi Levite ni yad be par u lan e yochi binaw romed e kemus nu p’eowchen SOMOL ni Got romed e ngam ked e pi maligach ney riy, u lan fa ta’gin’en ni tagil’ e liyor nike turguy SOMOL ni Got romed. Mu um felfelan’gad ni bochan urngin e pin’en ni kam mu’ niged.

John 2:13

Ngiyal’ nem e ke chugur ko madnom ni Paluk’af rok yu Israel, ma aram me yan Jesus nga Jerusalem.

1 Samuel 1:21

Ma yan Elkanah nge girdi’ nu tabinaw rok nga Shiloh ni ngar pi’ed e maligach ngak SOMOL ko yu duw, nge reb e maligach nike micheg ni nge pi’.

1 Samuel 1:3

Urngin e duw nma yan Elkanah u Ramah nga Shiloh ngi i meybil me pi’ e maligach rok ngak SOMOL ni Gubin ma Rayag Rok, ni aram e gin bay fa gal pumo’on ni fak Eli riy, ni aram Hofni nge Finehas, ni yow e prist rok SOMOL.

Deuteronomy 16:16

“Urngin e pumo’on u lan e nam romed ma ngarbad ko fa ta’gin’en ni tagil’ e liyor, ngar liyorgad ngak SOMOL ni dalip yay u reb e duw ko Madnom ni Paluk’af, Madnom ko T’ar Wom’ngin e Woldug, nge Madnom ko Nochi Naun. Ra reb e pumo’on ma nge fek ba tow’ath i yib

Deuteronomy 12:11

I SOMOL e bayi turguy bang ni aram e gin ni ngu’um liyorgad riy ngak, mu rom e ngam feked i yib ngak urngin ban’en ni kugog ngomed; pi maligach romed ni ngan urfiy nge yugu boch e maligach, nge ragag e pasent ko pin’en ke yag ngomed, nge pi tow’ath nib mal’eag ni kam micheged ngak SOMOL ni ngam pi’ed ngak.

Numbers 28:16

Fare Madnom ko Paluk’af ni liyor ngak SOMOL e ngan tay ko rofen ni ragag nge aningeg ko bin som’on e pul.

Levitikus 23:5

Paluk’af e ba madnom ni yibe tay fan SOMOL, yira tababnag ko gonowrug e rofen ni ragag nge aningeg ko bin som’on e pul.

Exodus 34:23

“Ra reb e duw ma dalip yay ni nge yib e pumo’on nu Israel nga p’eowcheg, i Gag SOMOL ni Got, ni fare Got rok piyu Israel.

Exodus 12:14

Re rran nem e nge par ni puguran ngomed; thingar um madnom niged ni gimed be tayfan SOMOL. Thingar mu madnom niged ni gubin e mfen ni nge par nib madnom ndab ni pag.”

John 13:1

Chirofen ney e eram e rofen ni bay ngam’on ko madnom ni Paluk’af. Ma manang Jesus nike taw nga nap’an ni nge chuw ko re fayleng ney nge yan ngak e en ni Chitamangiy. Gubin ngiyal’ ni yugu ma par nib t’uf rok e pi’in yad e tirok’ e girdi’ u fayleng, ma yigi i par ni yad ba t’uf rok nge yan i mada’ ko tomur.

John 11:55

Ma aram e ke chugur e madnom ni Paluk’af rok piyu Israel, me yan e girdi’ ni pire’ u arow i yan nga tolang nga Jerusalem, ni ngan ngongliy rogoy ngan be’ech ni ka yalen ni yima rin’ u m’on ko re madnom nem.

John 6:4

Ma aram e ke chugur nga yaran e madnom ni Paluk’af.

Exodus 12:11

Ba’aray rogon ni ngam longuyed: ngam longuyed ni kam m’aged e leed romed nga lukngumed, ma kam chuwgad nga sus romed, ma bay e sog romed u pa’med; thingar mu longuyed ni gimed ba gur. Ya mur ko madnom ni Paluk’af ni fan ngak SOMOL.

Luke 2:42

Ma nap’an nike gaman e ragag nge l’agruw e duw yangren Jesus, miyad yan ko re madnom nem ni bod urngin e duw.