Luke 19:42 - Bible Ni Thothup

⁴² ni be ga’ar, “Fa’an mang e aray rogon ma kamnang e daba’ e n’en ni ir e ra fek e gapas i yib ngom! Machane chiney e dabiyag ni ngam guy!

Luke 19:42 Referans Kwoze

Deuteronomy 32:29

De pat ngan’rad ko mang ni kar waergad, der nanged fan ko mangfan nike yodorom.

Hebrews 3:15

Ba’aray e tin ni be yog e babyor nib thothup ni be ga’ar: “Fa’anra mu rung’aged laman Got e daba’, ma dab mu gel niged lanin’med ni bod rogon pi chitamangimed ni kakrom ko fa ngiyal’nem nra togopluwgad ngak Got.”

Isaiah 48:18

“Fa’an mang e um motoyilgad ko tin kugog nigu reg e thinriy ni ngan rin’! Ma aram e ra map’ e fla’ab nga dakenmed ni bod ba lul’ ni der mlik. Ma aram bay u mu gelgad ko mael ni bod e n’ew ni be lobeb i yib nga dep’el’ay.

Acts 10:36

Gimed manang e thin ni pi’ nge yib ngak e girdi’ nu Israel, ni be weliy fare Thin Ni Bfel’ ni murung’agen e gapas nrayag ngodad u daken Jesus Kristus, ni ir e Somol rok urngin e girdi’.

Isaiah 55:6

Mu sulod ngak SOMOL ngu’um meybilgad ngak e chiney ni kab chugur ngomed.

Hebrews 3:13

Machane rogon ni ngam pired ndariy bigimed ni ngeb e denen i bannag nge gelan’ e thingari bigimed me ayuweg bigimed ni gubin e rran, ni n’umngin nap’an ni fare rran ni “Daba’ ” ni be yog e babyor nib thothup murung’agen e be yip’ fadad.

Luke 19:44

Ma bay ra kireb niged gur nge girdi’ ni bay u lan e yoror rom; ma dariy ta’reb e malang ni yad ra pag u tagil’, ni bochan e de pow rom e ngiyal’ ni yib Got riy ni nge thapegem ngak!”

Acts 13:46

Machane fin aram e welthin Paul nge Barnabas ndar rusgow ni be lungurow, “Ri dabisiy ni gimed e som’on ni ngan weliy e thin rok Got ngomed. Machane fa’anra kam n’iged, ma damur fineyed ni bay rogomed ni nge yag e yafos ndariy n’umngin nap’an ngomed, ma bay gu pagew gimed nggu warow ngak e pi’in gathi yad piyu Israel.

Ezekiel 33:11

Mog ngorad ni bod feni rriyul’ ni Gag SOMOL ni Gag fare Got ni be par nib fos, e aram feni rriyul’ ni dabug ni ngug guy reb e tadenen ni nge yim’. Ya gu ba’adag ni nggug guy nike cheal ke pi’ keru’ ko denen nge par nib fos. Israel, mu taleg e kireb ni ga be rin’. Mang ni ga ba’adag ni ngamum’?

Isaiah 44:18

Girdi’ ni aram rogon e rib gel e manan’ rorad ndar nanged e n’en ni yad be rin’. Ka ra unguyed owcherad ma ka ra gel niged lanin’rad ya richey ngar nanged e tin riyul’.

Hebrews 3:7

Ni bod rogon nike yog fare Kan Nthothup nike ga’ar: “Fa’anra mu rung’aged laman Got e daba’,

Psalms 81:13

Ri gu be athpeg ni gomang e yigi motoyil e girdi’ rog ngog; ri gu be finey ni gomang e yug ra folgad rog!

Psalms 32:6

Ere urngin e girdi’ rom nib yul’yul’ ngom e thi’ngar ra meybilgad ngom ko ngiyal’ ni kari t’uf e ayuw rorad; ra yib e gafgow ni bod e ran nga daken e binaw nib machreg, ma dabi taw ngorad.

Deuteronomy 5:29

Mang e yigi i par lanin’rad ni arrogon ni gubin ngiyal’! Mang e yigi par madgug u wun’rad ni gubin ngiyal’ miyad be fol u gubin e tin kugog ngorad ni ngar rin’ed, nge yag ni ur pired nge pi’in owcharad ni bfel’ rogorad ndariy n’umngin nap’an.

Jeremiah 13:17

Fa’anra dab mmotoyil gad, ma bay gu yor nib mith ni bochan fanmed tolngan’; bay gu yor u fithik’ e m’ingan’, nge map’ lu’ag ni bochan e girdi’ rok SOMOL ni ka ni fekrad nga bang ni kalbus.

Luke 19:41

Me chuchugur i yib ko fare binaw, ma fa’ani guy me yornag,

Luke 19:43

Ya bayi taw nga boch e rran me yib e to’ogor rom ngar cholngobiyed gur ko yoror ni but’ nge malang, mu ur bad i yib ngom u gubin yang.