Luke 17:5 - Bible Ni Thothup

⁵ Me ga’ar fapi apostel ngak Somol, “Mu gelnag e michan’ romad ngak Got.”

Luke 17:5 Referans Kwoze

Mark 9:24

Ma ka chingiyal’ nem me non e chitamngin fare pagel ni ba ga’ gaman ni be ga’ar, “Bay e michan’ rog, machane de gaman, ere mu ayuwegneg nge gel e michan’ rog!”

Hebrews 12:2

Ma gad par ni kad l’eged owchedad ngak Jesus, yi ir e be toer e michan’ rodad ngak ko tabolngin nge yan i mada’ ko tungun. Ya de pag ir ni bochan fare kuruth! Machane bochan e felfelan’ ni be sonnag ma daki tafinaynag e tamra’ nra tay ko yam’ ni nge tay u daken e kuruth, me ere chiney e ke par nga but’ u ba’ ni mat’aw rok Got u tagil’ Got.

Filippi 4:13

Demturug e mit i n’en ni gu ra mada’nag ma bay gelngig nike pi’ Kristus nrayag ni gu par riy.

2 Thessalonika 1:3

Pi walagmad ni girdi’en Kristus, thingar ug pininged e magaer ngak Got ni gubin ngiyal’ ni bochmed! Rib mat’aw ni nggu rin’ed ni aray rogon, ya ba papey ni be ilal e michan’ romed ngak Kristus, ma rogon nib t’uf bigimed rok bigimed e be ga’ i yan.

Luke 7:13

Ma fa’ani guy Somol e re pin nem, me taganan’ ngak me ga’ar ngak fare pin, “Dakumur yor.”

Mark 6:30

Me sul fapi apostel ngak Jesus, miyad yog ngak e tin ni kar rin’ed nge tin ni kar machib niged ngak e girdi’.

Luke 7:19

me l’oegrow ngak Somol ni ngar fithew ni nge lungurow, “Gur fa’anem ni yog John ni bay yib fa kabay be’ ni ngu’ug son niged?”