Luke 15:22 - Bible Ni Thothup

²² Machane me kunuy e chitamngin e pi tapigpig rok nge ga’ar ngorad, ‘Mu gurgad ngam feked i yib e bin th’abi fel’ e mad nga mon’ed nga daken. Mi gimed tay reb e luwew nga bugul i pa’ mi gimed yin’ e sus nga ay.

Luke 15:22 Referans Kwoze

Revelation 6:11

Ra bagayad min pi’ reb e mad nib wechwech ngak; minog ngorad ni nga yigu ra son gad nge yan i mada’ urngirad ko re matha’eg ni kan finey, ni pi’in ni ka yad be pigpig ngak Got ni ku boch i walagrad ni bay fin nli’rad ngarm’ad ni bod yad e bay ra gamneged e re matha’eg nem.

Ester 8:2

Me luf fare pilung e luwaw rok ni bay e hang riy (nike fulweg rok Haman) nge pi’ ngak Mordekai. Me tay Ester Mordekai nge milfan tafen Haman ngak.

Genesis 41:42

Me luf Farao e luwew u bugul i pa’ ni bay e pow rok riy nge tay nga bugul i pa’ Josef; me yin’ e mad nib tolang puluwon nga daken Josef, me the’ ba kiy i chen ni gol nga belel’ugun Josef.

Isaiah 61:10

Jerusalem e be felfelan’ ni bochan e n’en ke rin SOMOL. Ir e bod be’ ni bpin nike chuw nga madan e m’agpa’. Rogon nike yib Got i ayuweg ke mat’awnag ngak e bod ba mad nike yin’ Got nga daken e re pin nem!

Ester 3:10

Me luf fare pilung e luwaw rok ni bay e pow rok riy, nge pi ngak Haman ni fare togopluw rok e pi Jew, ni aram fare mo’on ni fak Hammedatha, ni reb i owchen Agag.

Revelation 19:8

Ya ka ni pi’ mat’awun ni nge yin’ e mad nib be’ech ma ba wechwech ni be galgal ram’en.” (Mad nib wechwech e ireram e ngongol nib mat’aw ni i rin’ e pi’in ni girdi’en Got.)

Revelation 7:9

Ma fa’ani mu’ e biney mu gu sap, mu gguy e girdi’ nike mu’ulung ni pire’ ni pire’ — ndariy be’ nrayag ni nge theegrad! Nra bad u gubin e nam, nge ganong, nge gubin mit e girdi’, ngu gubin e thin, ni kar sak’iygad u p’eowchen tagil’ Got nge fare Fak e Saf, ni karon’ed e mad nib wechwech ni bay yuwan e fal’tir u pa’rad.

Roma 8:15

Ya fare Kan Nthothup nike pi’ Got ngomed e der ma taymed ni gimed e sib ko denen ngu’um pired ni gimed be rus; ya re Kan Nthothup nem e ma ngongliymed ngam manged pifak Got, ma gelngin e Kan Nthothup e gadad ma non riy ngak Got nma lungudad, “Chitamag! Chitamag!”

Revelation 2:17

“Fa’anra bay telim me ere mmotoyil ko n’en ni be yog fare Kan Nthothup ngak e pi galesiya! “Fare manna nib mith e bay gu pi’ boch ngak e pi’in yad ra gel ndar paged yad ko kireb; ma ku bayi bagayad mu gu pi’ bangi malang nib wech ngak, ni kan yoloy reb e ngachal nib be’ech nga daken, ndariy be’ ni manang e binem e ngachal ya kemus ni en ni kan pi’ ngak e manang.”

Galatia 3:27

Ya kan tawfe nagmed ko ta’ab girdi’ ni kam ted Kristus, ma aram fan nike yag ngomed fel’ngin Kristus.

Roma 13:14

Machane ngam feked talin e cham rok Somol Jesus Kristus, mi gimed tal ndab ku um rin’ed e tin nib kireb ni be ar’arnag e dowef romed.

Tang Ko Pitang 7:1

I gur re rugod ni dabiyag i yog fel’ngim! Rifrifen em e rib gamog u lan e sandal. Rogoni thir daken ayim e bod e maruwel rok be’ nib salap ko dumow m’uw.

Psalms 132:9

Manga yigi par e pi prist rom ni gubin ngiyal’ ni yad be rin’ e n’en ni bfel; manga yigi garusnag e tirom e girdi’ e felfelan’!

Psalms 45:13

Fare rugod ni fak e en pilung e bay u lan tafen e pilung — rib pidorang! Mad rok nib n’uw e ni ngongliy ko tret nib gol.

Psalms 18:33

I teg ni gu bod ba deer nib l’agl’ag rifrifen ay; me teg ndab gu thay u p’ebugul e burey.

Revelation 3:18

Gu be fonow nigem ni ngam chuw’iy rog e gol, ni gol ni de ma’athuk ban’en ngay, ni bochan e nge yag ni fel’ rogom. Ma ka ga chuw’iy e mad nib wechwech ngam chuw ngay ngam upunguyem ngay ni kam par u tamilang nib tamra’ u sum. Ma ka ga chuw’iy boch e flay ngam tay ngalan owchem nge yag ni mu guy ban’en.

Efesus 6:15

ma rogon ni kam fal’eged rogomed ni ngam weliyed fare Thin Ni Bfel’ ni murung’agen e gapas e nge mang sus romed.

Roma 3:22

Got e ma mat’awnag e girdi’ ngak u daken e michan’ rorad ngak Jesus Kristus. I Got e ma rin’ e ren’ey ngak urngin e girdi’ nike mich Kristus u wun’rad, ni ta’reb rogon piyu Israel nge pi’in gathi yad piyu Israel:

Psalms 132:16

Bay gu fal’eg wa’athan e pi prist riy ko urngin ban’en ni yad be rin’, ma tirok e girdi’ riy e bay u ra tanggad ma yad be tolul ko felfelan’!

Deuteronomy 33:25

Ma mab ko pi garog ko pi binaw rok e ngi i par ni wasey, mi i par ndabi buch ban’en rok.”

Luke 15:21

Me ga’ar fachi cha’, ‘Chitamag, kug ngongliy e kireb nib togopluw ngak Got ma ba togopluw ngom. Dab kug bung ni nganog ni fakam gag.’

Luke 15:23

Me ere mfeked i yib e bin th’abi fel’ e pifak e garbaw ngam li’ed, ngad madnomgad!