Luke 15:17 - Bible Ni Thothup

¹⁷ Ma aram e fini sulan’ ngak me ga’ar u wan’, Urngin e girdi’ ni be pi’ e chitamag puluwrad yad be maruwel rok e pire’ garad nder m’ay i kay rorad, mi gag e ray ni nggum’ ni bochan e bilig!

Luke 15:17 Referans Kwoze

Ezekiel 18:28

Ya kenang ni tin be rin’ e ba kireb me tal ndaki denen, ere mmudugil ndabi yim’, ya ra par nib fos.

Efesus 5:14

ya ren’en ni ka nib ndag ngalan e tamilang e ra mang tamilang. Aram fan ni kanog ni kan ga’ar, “Mu od, i gur e en ni ga be mol, mu fos u fithik’ e yam’! Me gal ram’en Kristus nga dakenam.”

Jeremiah 31:19

Gu pi’ed keru’mad ngom, machane de n’uw nap’an me pigan’mad ni nggu sulod ngom. U tomuren ni ka mu gechig nagmad, e gup’ed owchemad nga but’ u fithik’ e kireban’. Ya ku gu tamra’gad, nike m’ay famad, ya gu denengad ko ngiyal’ ni gamad bbitir.’

Acts 2:37

Fa’ani rung’ag fapi girdi’ e re bugithin ney, me ri yib e marus ngorad, me lungurad ngak Peter nge fa tinem e apostel, “Pi walagmad, mang e nggu rin’ed?”

Luke 16:23

Me yan i par nga Hades nga fithik’ e amith ni ba ga’; me changar ngalang me guy Abraham nib mal’af, ni bay Lazarus u baraba’ i to’oben.

Luke 8:35

Me yan e girdi’ ngranod ra guyed e n’en nike buch. Ma fa’an rabad ngak Jesus miyad pir’eg fare mo’on ni fa’ani chuw fapi mo’onyan’ rok nike par nga but’ u to’oben i ay Jesus, nike yin’ e mad, ma ke sul laniyan’ ngak, ma aram me yib e tamdag ngorad ni yad gubin.

Lamentations 1:7

Ke par ni go’ ir nike mogothgoth e chiney, yu Jerusalem e be sul ngi i leamnag e fla’ab rok kakrom; Nap’an ni aw nga pa’ e pi to’ogor rok, ma dariy be’ ni ayweg. Pi’in kar gelgad ngak e yad be minmin ngak ko waer nike tay.

Eklesiastes 9:3

Ta’ab wenegan e ra yib ngak urngin e girdi’, ran’ey e ba kireb ni bod gubin ban’en ni be buch u lan e re fayleng ney. N’umngin nap’an ni be par e girdi’ ni kabfos, ma laniyan’rad e ba sug ko kireb nge balyang, ma ba tomgin miyad yim’.

Psalms 73:20

A Somol, yad bod ba lik’ay ni kadbul ma dariy; yira od ma ka ni pag talin.

Psalms 119:59

Kug leamnag rogon pangig, ma ku gu micheg ni nggu falwok ko pi fanow rom.

Hosea 2:7

Bayi yan ni be lol’oeg fa pi’in ilingen, machane dab rayag gad rok. Bayi gawegrad, ma dabi piri’egrad. Ma aram e bayi ga’ar u wan’, “Nggu sul ngak fa bin m’on i figirngig, ya ngiyal’ ni ug moy rok e kabfel’ rogog ko chiney.”

Luke 15:16

Mi i finey ni manga yigi kay boch e pi mame ni ba’aram ni be kay e babiy, machane dariy be’ ni pi’ boch ngak.

Acts 12:11

Ma aram mfini nang Peter e n’en nike rin’, me ga’ar, “Chiney e ka fini gu nang nriyul’! I Somol e ke l’oeg e engel rok, ke yib i ayuwegneg rok gelngin Herod ngu urngin e tin ke leamnag piyu Israel ni ngar rin’ed ngog.”