Luke 12:19 - Bible Ni Thothup

¹⁹ Ma aram mu gog ngog u lanin’ug ni lungug, Bfel’ wa’atham! Ke yag ngom urngin e tin ni bfel’ ni bay fan ngom nra par ni bo’or e duw. Mpagan’um, ngu’um abich ma ga be garbod, ma ga be rin’ e tin ni gab adag!

Luke 12:19 Referans Kwoze

Proverbs 27:1

Dab mu uf ko tin ngam rin’ gabul, ya da mu nang e n’en ni bay yib u thilin e chiney nge gabul.

1 Korinth 15:32

Rogon e n’en ni kug rin’ e susun e kug chamgad e “gamanman ni malboch” u roy u Efesus, ni aram e girdi’ nu Efesus, machane mang e ren’en ni bfel’ nra yib riy ngog ni fa’anra dab ni faseg e yam’? Ni bod rogon fare bugithin ni yima yog nma lunguy, “Marod ngu’ud abichgad ma gadad be garbod, ya bayi gabul ma kadm’ad.”

Isaiah 5:11

Gafgow gimed! Gimed be od nri kakadbul ngam tabab niged e unum, me blayal’ mi gimed parnag e chignag nge n’uw e nep’.

Eklesiastes 11:9

Girdi’ nike taw nga yangren, mu felfelan’gad nga yangarmed. Mu felfelan’gad e chiney nike taw nga gelingmed. Mu rin’ed e n’en ni gimed ba’adag ni ngam rin’ed, mi gimed lek fiti lanin’med. Machane dabi m’ay u wun’med ni Got e ra pufthin nagmed ko tin gimed be rin’.

James 5:5

N’umngin i nap’an e yafos romed u roy u fayleng e gimed be n’ag e salpiy ko tin tolang puluwon ban’en nge fafel. Kam duruw’iyed gimed kam sugsuggad ni fan ko rofen ni ba’aram ni bay nli’med ngam m’ad.

Filippi 3:19

ni bay ranod ra musgad nga fithik’ e nifiy ni dabi math bi’id, ya n’en ni be ar’arnag dowdad e kemang got rorad, yad be uf ko tin ni ir e susun e ngar tamra’gad ngay, ma kemus ni tin nu roy u fayleng ban’en e ir e yad be leamnag.

Proverbs 18:11

Ma pi’in yo’or ban’en rorad e wun’rad e fel’ rogon rorad e ra yororiyrad ni bod ba yoror nib tolang ma ba gel u wuru’ bbinaw.

Psalms 62:10

Dabi pagan’med nga fanmed yargal; dabi l’agan’med ko n’en ni yibe iring; ma ku ra mun daken e fel’ rogon romed, ma dabi pagan’med ngay.

Revelation 18:7

Mu gafgow niged mi gimed kirebnag laniyan’ ni bod gelngin buguwan nge fel’ rogon nike pag rogon ni i tay. Ya yugu be ga’ar u laniyan’, ‘Kug par ni kug pilung!, ni gathi gag be’ nike yim’ figirngig, dariy e chirofen nra kireban’ug!’

1 Peter 4:3

Ya ke n’uw nap’an ni um pired ni gimed be rin’ e tin ni ba’adag e pi’in ndar nanged Got. Ya rogon pangimed ni immoy e um puwlaggad, ma um rin’ed e tin gimed be yim’ ni bochan nde mat’aw u wan’ Got, ma gimed be balyang ko rrum, ma gimed be un ko madnom ni yibe wagey riy, ma gimed be un ko mur ni yibe unum e rrum riy, ma gimed be tayfan ma gimed be meybil ko liyos nma meybil boch e girdi’ ngay, ni ban’en nrib kireb ni ngan rin’.

2 Timothy 3:4

ma dabiyag ni nge pagan’uy ngorad, ma dariyfan e girdi’ u wun’rad, ma yad ba uf; ma bayi t’uf e fafel rorad me tomur Got u wun’rad;

Hosea 12:8

Yad be ga’ar, ‘Kefel’ rogodad, bo’or bogi ban’en ni bfel’ nike yag ngodad. Ma dariy be’ nrayag ni nge yog ni kad fla’abgad u fithik’ e sasalap.’

Isaiah 22:13

Machane mu rin’ed nib thil, ya um garusgad ma gimed be madnom. Ma gimed be li’e saf nge garbaw ni ngan languy, ma yibe unum e wayin. Me lungmed, ‘Kabfel’ ni ngu’ud abichgad ma gadad be garbad! Ya bayi gabul ma kadm’ad.

Isaiah 5:8

Gafgow gimed! Gimed be chuwi’iy e naun nib yo’or nge yungi flang ni ngam puthuyed ko tin kabay romed. Dabki n’uw nap’an ma dakriy e gin nge par be’ ngay, nge par ni go’ gimed e ngam pired u lan fare nam.

Proverbs 23:5

Ya salpiy rom e rayag ni nge mul u pa’am u lan ba talab, ni gowa yib pon nge changeg nge yan ni bod ba arche’ ni manuw.

BABYOR NI JOB 14:1

Gadad gubin nni gergelegdad ni gadad ba me’waer ma dariy gelingdad. Yafos rodad e ba ngoch ma ba sug ko oloboch.

1 Timothy 6:17

Mog ngak e pi’in bo’or ban’en rorad ko biney e tamilang ndab ra ufanthin gad, ma dabi l’agan’rad ko pin’em nde muduwgil, ni aram e pin’en nma fel’ rogoy riy ko biney e tamilang, machane nge l’agan’rad ngak Got ni ir e ba gol ni be pi’ urngin ban’en ngodad ni be fel’ rogorad riy.

1 Timothy 5:6

Machane re pin nike yim’ e pumo’on rok ma ke pi’ ir ko tin ni be ar’arnag ke pag rogon e yugu aram rogon ni be par nib fos, machane ba yam’.

Luke 21:34

“Mu ayuwgad, ma dab mpaged gimed ngu’um pired ni ba ga’ ni mur nike pag rogon nge mu’un rrum e gimed be muruwliy, nge pin’en nma magafan’uy ngay ko biney e tamilang, ya richey mi gimed da’da’ ko re Rran nem nike taw ngomed.

Luke 16:19

“Immoy be’ nib mo’on ni pire’ ban’en rok nma yin’ e mad nib tolang puluwon ma tin ntolang puluwon ban’en e be kay ma be fanay ni gubin e rran.

Habakkuk 1:16

Yad ma meybil ko pi nug rorad ma yad ma pi’ e gamanman ni maligach ni fan ngay, ya nug rorad e be yagnag ngorad urngin e pin’en nib th’abi fel’.

Psalms 49:18

Mus ni fa’anra be par be’ nike nemowan’ ngak ko biney e tamilang, ma yibe pining e sorok ngak ni bochan e mon’og ni be tay,

1 Samuel 30:16

Me pow’iy David i yan ngorad. Fapi tacham e yug ra bagyad ma gin bay riy ko re gin’em, ni yad be abich, ma yibe unum, ma yibe madnom ni bochan urngin e tin kar koled u Filistia ngu Judah u fithik’ e mael.

Proverbs 10:2

Fla’ab nrayag ngom u fithik’ e sasaliyab e dabi fel’ rogom riy, machane yul’yul’ e ra ayweg e yafos rom.

Eklesiastes 2:24

Bin th’abi fel’ ngak be’ ni nge rin’ e nge abich me garbad me felfelan’ ko tin ke thognag. Ma ku gu nangfan e chiney, ni mus ko biney ni yib rok Got.

Isaiah 56:12

Pi girdi’ ney ni yad ba chingnag e yad be ga’ar, ‘Da feked boch e wayin ngad unumed gubin e tin rayag rodad! Gabul e ba gel e fel’ riy ko daba’.’”

Amos 6:13

Gimed ba uf ko fare binaw nu Lodebar ni kam koled. Be lungumed, “Gu koled yu Karnaim ya gamad ba gel.

Luke 12:18

Me ga’ar u wan’, Ba’aray e n’en ni ir e nggu rin’; nggu buthug e pi naun rog ni ba’aray ni tafen e ggan nggu toy boch ni ka ba ga’ ko tiney, ni ir e nggu cha’riy urngin e ggan rog ngay nge urngin e tin ni kabay e chugum rog.

Proverbs 14:24

Pi’in gonop e yira tow’ath nagrad ko fel’ rogon, ma pi’in balyang e yira nangrad nga farad balyang.