Luke 11:9 - Bible Ni Thothup

⁹ Ere be lungug ngomed: Mu ninged, me yag ngomed; mu gayed, mi gimed pir’eg; mu tugtuguyed e mab, min bing e mab ngomed.

Luke 11:9 Referans Kwoze

Mark 11:24

Aram fan ni gu be yog ngomed, ni ngiyal’ ni gimed ra meybil ni kam ninged ban’en ni ngan pi’ ngomed, me pagan’med ngay nike yag ngomed, ma aram e urngin fa pin’em ni yira pi’ ngomed.

Matthew 21:22

Fa’anra bmich Got u wun’med ma demturug e n’en ni gimed ra ning ngak ko meybil romed mrayag ngomed.”

John 15:16

Gathi gimed e mmel’eged gag; ya gag e kug mel’egmed kug turguymed ni ngam marod nge yib wom’engimed ni pire’ ni fa mit i wom’ngin nma par ni dabi kireb bi’id. Ma en ni Chitamangiy e demturug e n’en ni gimed ra ning ngak u fithingag mra pi’ ngomed.

John 15:7

Fa’anra mpired u fithik’ag, me par e thin rog u fithik’ i lanin’med, ma aram e gimed ra ning e tin ni gimed ba’adag, min pi’ ngomed.

John 14:13

Ma gu ra rin’ e pin’en ni gimed ra ning nga fithingag; ya ngan tayfan e en ni Chitamangiy u daken e en ni Fak.

1 John 3:22

Demturug e n’en ni gadad ra ning ngak mma pi’ ngodad, ni bochan e gadad be fol ko tin keyog ngodad ma gadad be rin’ e tin nib m’agan’ ngay.

James 1:5

Machane fa’anra dariy e gonop rok bigimed, ma nge wenignag ngak Got, ye ir e ra pi’ ngak; yi Got e ba gol ngak urngin e girdi’.

Psalms 118:5

U fithik’ e ngochngochan’ rog mu gu pining SOMOL, me fulweg lungug nge chuwegeg u fithik’.

Jeremiah 29:12

Ma aram e bay um pininged gag. Ma bay um bad ngu’um meybilgad ngog ma bay gu fulweg taban e meybil romed.

Hebrews 11:6

Dariy be’ nra fel’ u wan’ Got ni fa’anra de mich Got u wan’. Ya en nra yib ngak Got e thingari mich u wan’ ni bay Got mra tow’athnag e pi’in yad be gay Got.

James 5:15

Re meybil ney ni yira tay u fithik’ e michan’ ngak Got e ra golnag fare m’ar; i Somol e ra chuweg e m’ar rok, ma pi denen nike ngongliy e ra n’ag Got fan.

Jeremiah 33:3

“Mu piningeg mu gu fulweg lungum; gu ra yog ngom boch ban’en nib manigil ma bfel’ ni damnang murung’agen.

Psalms 34:10

Mus ngak e pi layon ni m’ay garad nge yib e bilig ngorad, ma pi’in yad be fol rok SOMOL e gubin ban’en ni bfel’ ma bay rorad.

Hebrews 4:16

Ere nge dab kud tamdaggad ngad bad nga tagil’ Got, ko gin ni bay e ayuw riy. Ya ireram e gin ni yira runguydad riy min ayuwegdad ko ngiyal’ ndabisiy ni ngar ni ayuwegdad.

Psalms 50:15

Mu piningedgag ko ngiyal’ nra yib e oloboch; mu gu lufmed riy, ma bay mu pininged e sorok ngog.”

Psalms 34:4

Gu meybil ngak SOMOL me fulweg taban e meybil rog; i chuweg urngin e marus rog.

John 4:10

Me fulweg Jesus ni ga’ar, “Fa’an mang e ga manang e n’en nma pi’ Got nge en ni be ning e ran ngom ni nge unum, ma kam wenig ngak ke pi’ e ran ngom nma pi’ e yafos.”

Psalms 27:8

Ke lungum, “Moy ngog.” Ere bay gub ngom, SOMOL;

Matthew 6:29

Machane nggog ngomed, ni mus ngak Solomon, ni aram feni yo’or ban’en rok, ma da immoy e mad rok ni bod feni fel’ ya’an reb e pi floras nem.

2 Korinth 6:2

Mu telmed ko n’en ni be yog Got: “Kug motoyil ngom ko fare awa nib m’agan’ug ngay, kug ayuwegnem ko fare rran ni ngam thap ngak Got.” Mmotoyil! Ireray e re awa ni nge ayuwegey Got, daba’ e ireray e re rran ni ngan thap ngak Got!

Mark 13:37

Ere fa pin’en ni kugog ngomed e kugog ngomed ni gimed gubin, ni aram e be lungug: Mu tedan’med ko matanag!”

Roma 2:7

Boch e girdi’ e kar pired ni yad be rin’ e tin ni bfel’ ni yad be nameg e fla’ab rok Got, nge tayfan ni bayi tay Got ngorad, nge reb e tamilang ndab ku nim’ riy: ireram e picha’ ni bayi pi’ Got e yafos ndariy n’umngin nap’an ngorad.

Psalms 27:4

Kug wenignag ta’a ban’en ngak SOMOL; ta’a ban’en e gu ba’adag, nggu par u lan e naun rok SOMOL u n’umngin nap’an e yafos rog, mu’ug ngat’ nga feni fel’ SOMOL, mu gog ngak ngi i pow’iyeg.

Daniel 9:3

Mu gu par ngu’ug meybil ngak SOMOL ni Got, ni gu be wenig ngak, ma ku gu pag e abich, ma ku gon’ e mad ni tutuw, ku gu wan gu par nga fithik’ e awat.

Matthew 21:31

Ere mini’ rok fa gal i nem e rin’ e tin ni ba’adag e chitamngin?” Miyad fulweg ngak ni lungurad, “Fa bin ba ilal.” Me ga’ar Jesus ngorad, “Ba’aray ban’en ni nggog ngomed ni nge lungug, pi’in ntamukun tax nge pi’in ni ppin ni yad ma chuway’ ngorad e yad be un ko gagiyeg rok Got ni kar m’onod romed.

Isaiah 45:19

Dagur mith’ag e thin rog, ara tin gu be rin’. Da gu leamnag ni nge gayeg yu Israel u bang nib wagagey urngin ban’en riy. I Gag e SOMOL, ma tin riyul’ e gu be yog; tin nib mat’aw e gu ma gagiyegnag ngan nang.”

Revelation 2:24

“Machane gimed e tin ni kigimed bay u Thyatira e dawor mfolgad ko tin nib kireb ni be fil Jezebel; dawori mit ngomed e n’en nike ga’ar boch e girdi’ e “tirok’ Satan ban’en nrib mith.” Nggog ngomed ni dab kug tay yugu ban’en nib tomal nga daken pomed.

Tang Ko Pitang 5:6

Gu bing e mab ngak gamareg, ma dakimo’ nike yan. Kargum’ ni bochan ni nggu rung’ag laman! U gu changarnag i yan mada gu pir’eg; U gu pining made fulweg lungug.

Luke 11:10

Ya gubin e girdi’ ni yad ra ning ban’en e ra yag ngorad, ma en nra gayiy ban’en e ra pir’eg, ma mab e yira bing ngak e en nra tugtuguy.