Luke 10:4 - Bible Ni Thothup

⁴ Dab mu feked tafen e salpiy, ara tutuw nma fek e pi’in nma man ban’en, ara sus; ma dab mu talgad ni ngam fingichiyed be’ u daken e kanawo’.

Luke 10:4 Referans Kwoze

Luke 22:35

Me ga’ar Jesus ngorad, “Fare ngiyal’ i n’en ni gu l’oegmed ngu’um marod i yan nda mfeked tafen e salpiy, nge tutuw, ara sus, e bay ban’en ni m’ay romed fa?” Miyad fulweg ngak ni lungurad, “Dariy ban’en ni m’ay romed.”

2 Kings 4:29

Me ga’ar Elisa ngak Gehazi, “Mfek e sog rog ngam gur nigem ngam man. Dab mu tal rok be’ ni gimew ra mada’, ma dab mu fulweg lungun e en nra non ngom. Mman ndab mu tal ngam taw ko naun ma ga fal e sog rog nga daken fare tir.”

Proverbs 4:25

Mu duwgiliy e changar rom u puluwom nga m’on nib pagan’um ngom; mu pug owchem ngalang ni dab mu tamra’.

2 Kings 4:24

Me yog ni ngan fal’eg rogon ba dongki nge af nga daken, me ga’ar ngak fare tapigpig, “Mmannag e dongki nrogon nrayag ni nge yan nib pey, ma dab mu sowathnag nge mada’ ko ngiyal’ ni bay fini gog ngom.”

1 Samuel 21:8

Me ga’ar David ngak Ahimelek, “Bay ba sarey rom fa bang i saydon ni ga ra pi’ ngog? Thin rok pilung e ke gur nageg kug chuw ni de yag ni nggu fek e saydon rog fa ba talin e cham.”

Genesis 24:56

Machane me ga’ar, “Dab mu telew gag. SOMOL e ke ayuwegneg ko milekag rog ke yan i aw nga rogon; ere mpagew gag nggu sul ko masta rog.”

Genesis 24:33

Fa’an nni fek e ggan i yib ngorad, me ga’ar fare mo’on, “Ra gu weliy e tin kugub ni nggu weliy nge mu’ ma aram e fin gu ra abich.” Me ga’ar Laban, “Mu welthin.”

Mark 6:7

Ma aram me ulunguy Jesus fa ragag nge l’agruw i gachalpen me l’oegrad ngranod ni yad lal’agruw. Me pi’ mat’awrad nrayag ni ngar tulufed e mo’onyan’,