Luke 1:47 - Bible Ni Thothup

⁴⁷ ke felan’ug ni bochan Got ni Tabiyul rog.

Luke 1:47 Referans Kwoze

Psalms 35:9

Ma aram e bayi felan’ug ni bochan SOMOL; Bay gu felfelan’ ni bochan e ke aywegeg.

1 Timothy 2:3

Ren’ey e bfel’ ma ba felan’ Got ngay ni ir e ma thapegdad ngak,

Habakkuk 3:18

ma kug ra par ni gub felfelan’ ni bochan e SOMOL ni Got e ir e be ayuwegneg.

Titus 2:10

ara ra iringed ban’en rorad. Ya thingar ra daged ni gubin ngiyal’ ma yad bfel’ ma yad ba yul’yul’ u fithik’ urngin e tin yad be rin’, nge yag ni ngar girngiyed e fel’ ko machib ni murung’agen Got ni ir e ma thapegdad ngak.

Jude 1:25

ta’are Got ni ir e thapegdad ngak u daken Jesus Kristus ni ir e Somol rodad, e ir e ngu’un tay fan, me ir e ngan nang ni ir e ba th’abi tolang, me ir e gubin mrayag rok, me ir e be gagiyegnag urngin ban’en ko tabolngin nge chiney i yan ngam’on ndariy n’umngin nap’an. Amen.

Titus 2:13

ma gadad be sonnag fare Rran ni bfel’ ni ir e ke l’agan’dad ngay, ni aram e Rofen ni bay yib i m’ug e fla’ab rok e Got rodad riy ni ir e th’abi tolang ni er Jesus Kristus ni ir e ma thapegdad ngak Got.

1 Timothy 1:1

Re babyor ney e yib rok Paul ni ir reb e apostel rok Kristus Jesus. I Got ni ir e ma runguydad nge thapegdad ngak nge Kristus Jesus, ni ir e ke l’agan’dad ngak e ra turguyew ni nge mang reb e apostel —

Luke 2:11

Re rran n’ey u lan e binaw rok David e kan gargeleg e Tabyul romed — ni Kristus ni ir e Somol!

Zekariah 9:9

Gimed e girdi’ nu Zion, mfelfelan’gad, mfelfelan’gad! Gimed e girdi’ nu Jerusalem, mu garus niged e felfelan’! Mu sapgad, pilung romed e be yib ngomed! Be yib nib felfelan’ ya ma gel ko pi to’ogor rok, machane ba sobut’an’, ma ke yib nike af nga daken ba dongki, ke af nga daken ba fak e dongki.

Titus 1:3

ma fa’ani yan i taw nga nap’an, me dag nib tamilang ko thin rok ngodad, ni ireray e ren’en ni kan pag fan ngog, ma gu be wereg murung’agen ko girdi’, ni Got ni ir e ma thapegdad ngak e ke yog ngog ni nggu rin’.