Levitikus 7:6 - Bible Ni Thothup

⁶ Re maligach ney ni nge fal’eg urngin ban’en nge manigil e rib tabgul. Kemus ni reb e prist e rayag ni kay boch, ni yira kay ko gin nib tabgul.

Levitikus 7:6 Referans Kwoze

Levitikus 6:29

Demturug be’ nib mo’on u lan fapi tabnaw ko prist ma rayag ni kay e re maligach ney; re maligach ney e rib tabgul.

Levitikus 2:3

Ma tin ke magey ko fapi grain e nge par rok fapi prist; pi ggan ney e rib tabgul ya kanfek ko fare ggan nni pi’ ngak SOMOL.

1 Korinth 9:13

Ri gimed manang ni pi’in yad ma maruwel u Tempel e yad ma fek garad u Tempel, ma pi’in yad ma pi e pi maligach u daken e altar e yad ma fek e birorad e f’oth ko fapi maligach.

1 Korinth 10:18

Mu tafinay niged piyu Israel: pi arorad nma longuy e gamanman nni pi’ ni maligach e yad be un ko pigpig ngak Got u altar.

Levitikus 7:5

Me urfiy e prist e pi mam ney ni gubin u daken fare altar ni ba ggan ni maligach ngak SOMOL. Ni aram e ba maligach nib mathang malfith.

Ezekiel 42:13

Me ga’ar fare mo’on ngog, “L’agruw e gal naun ney nib tabgul. Mu langgin e gal naun ney e fapi prist ni yad ma yib nga p’eowchen SOMOL e yad ra kay fapi maligach nib tabgul riy. Ni bochan e ba tabgul fapi senggil, fapi prist e yad ra tay e tin th’abi tabgul e maligach u rom: maligach ni grain, nge maligach ni fan ko denen nge maligach ni mathang malfith.

Haggai 2:12

Susun e fa’anra fek be’ bang e ufin nib tabgul u reb e maligach nike bachiy ngabang ko wuru’ e mad rok. Ma fa’anra math fare wuru’ e mad rok nga bayal’ e flowa, ara ggan ni kanlith, ara wayin, ara gapgep ni olive, ara yug reb e ggan, ma ku ra tabgul fare ggan?” Nap’an nni fith fare duwer, me fulweg fapi prist nra ga’argad, “Dangay.”

Levitikus 6:11

Ngemu’ me thilyeg e mad rok me fek fapi awat nga wuru’ e gin ma par yu Israel riy ko fa gin’en nib tabgul.

Levitikus 21:22

Be’ nib mo’on ni aray rogon e rayag ni kay fare ggan ni kan pi’ ngog, ni fa bin kan ognag nib thothup nge fa bin kan ognag nib th’abi thothup,