Levitikus 5:1 - Bible Ni Thothup

¹ Fa’anra siyeg be’ ni nge yog ban’en u kort u murung’agen ban’en ni guy fa manang ni buch, ma ke denen ni yira gechignag riy.

Levitikus 5:1 Referans Kwoze

Levitikus 5:17

Fa’anra denen be’ nge th’ab reb fapi motochiyel rok SOMOL ni kal riy, ma aram e ke buch e rok ma thangri pi’ puluwon ni aram e gechig rok.

Proverbs 29:24

Cha’ ni un ngak be’ nib mororo’ ko mororo’ e ir e ra bannag ir. Yira gechignag ni fa’anra yog e tin rriyul’ u tafen e puf oloboch, mra dabi yog e tin riyul’ mra bucheg Got wa’athan.

Matthew 26:63

Machane me par Jesus nike th’ab gulungan. Miki non fare Prist ni Th’abi Ga’ ngak bayay ni ga’ar, “Chiney e nggog ngom u daken fithingan fare Got ni be par nib fos ni nggu tem nga p’eowchen ngamog e tin riyul’: mog ngomad ko gur fare Messiah ni Fak Got gur fa danga’.”

Levitikus 19:8

En nra kay e ke ngongliy e kireb ya ke darifannag e n’en ni ka ni pi’ ngog, ma dab kun tay fa’anem ni ir reb e girdi’ rog.

Levitikus 7:18

Fa’anra gaman e dalip fen ngay mu kun kay bang e ufin ko fare maligach, ma dabi fel’ u wan Got fare maligach rok facha’. Ma fare maligach e dab ni thang ko malfith rok, ya ba ta’ay, ma cha’ ni kay bang riy e ra gafgow u wenigan.

Ezekiel 18:4

Pogofan rok gubin e girdi’ e bay u pa’ag, ni gallibthir nge bitir. En nra denen e aram e cha’ nra yim’.

1 Kings 8:31

“Fa’anra nog nike rin’ be’ ban’en nib kireb ngak be’ min fek i yib nga altar rom u lan e re Tempel ney ni nge micheg u p’eowchem ni dariy e kireb nike rin’,

Numbers 9:13

Machane en nib be’ech nde ta’ay ma demoy u milekag mde un i madnomnag e Paluk’af, e yira n’ag ndabki mang girdi’eg, ni bochan e de pi’ fare maligach ngog ko ngiyal’ ni nge pi’ riy. Thangri gafgow u wenegan e denen rok.

Levitikus 20:17

Fa’anra le’engiy be’ nib mo’on be’ ni bpin nri walagen fa be’ ni bpin ni kemus ni chitamangirow fa chitinngirow e ba ta’reb, ma nganog row u mit e girdi’ ni gubin ni kar rin’ew ban’en nib kireb mi ni tuluf row ngar chuwgow u fithik’ piyu Israel. Ke par fare mo’on nge walagen ni bpin ere thingar ni gafgow nagrow ni wenegan e kireb rorow.

Levitikus 17:16

Machane fa’anra dabi rin’, ma ra gafgow u wanegan nra yib ngak.

1 Peter 2:24

Kristus e ir e girngiy urngin e denen rodad nga daken me fek nge yan nga daken e kuruth, ni fan e ngad m’ad rok e denen ni gadad be par rok ngad chuwgad rok ma gadad par ni gadad be rin’ e tin nib mat’aw. Maad’ad nike tay e ir e ke gol nagmed.

Ezekiel 18:20

Ya en ni be denen e ir e ra yim’. Be’ ni fak be’ e dabi gafgow ni bochan e denen rok e chitamngin, ara gafgow ba matam ni bochan e denen rok fak. Be’ ni bfel’ e ra yib puluwon ngak e tin ni bfel’ ni be rin’, ma be’ nib kireb e ra yib e gafgow ngak ni bochan e kireb ni be ngongliy.

Isaiah 53:11

U tomuren ba yafos ni gafgow ma bay ki felfelan’ bayay; bayi nang ni gafgow ni i tay e de yan i aw nib m’ay fan. I ir e tapigpig rog nib mat’aw; ni rigub felan’ ngak, gechig rok e girdi’ ni pire’ e bayi gafgow u tanggin, me ngongliyrad ngar manged girdi’eg ni yad ba mat’aw.

Proverbs 30:9

Ya fa’anra yug ra yo’or ngog, mrayag ni gog ni dariy angim ngog. Ma fa’anra gu ba gafgow, ma rayag ni gu moro’ro’ nggu m’aynag fan e Got rog.

Psalms 38:4

Gu be lumach u fithik’ pi denen rog nike sugbur; nib gilab ni kay gi tomal ni nggu chibiy.

2 Kronicles 18:15

Machane me fulweg Ahab ni ga’ar, “Fa’an mu non ngong u fithingan SOMOL, ma ga weliy e tin riyul’! Bu uw urngin yay ni ngog ngom?”

1 Kings 22:16

Me ga’ar Ahab ngak, “Nge uw urngin yay ni nggog ngom ni kemus ni tin riyul’ e ngam weliy ngog u fithingan SOMOL?”

Judges 17:2

Me ga’ar ngak e chitiningin, “Nap’an nni iring be’ fa ragag nge ta’reb yang i silber rom, mag yibley e buch wa’athan nga daken e re moro’ro’ nem. Gu rung’ag ni mu rin’. Amsap, ba’aray fapi salpiy rog. I gag e cha’ ni gu fek.” Me ga’ar e chitiningin, “Nge fal’eg SOMOL wa’atham, i gur fakag!”

Levitikus 5:15

Fa’anra denen be’ ni gathi leam rok nde yag nni pi’ puluwon e tin nib thothup ngak SOMOL, ma thangri fek ba maligach nib mathang malfith i yib ngak SOMOL ni aram e ba saf ni pumo’on ara ba kaming ni dariy bochyang u downgin nib kireb. Ni rogon puluwon ni kan turguy ni ngan pi’.

Levitikus 4:2

ni nge yog ko girdi’ nu Israel ni en nra denen nge th’ab reb fapi motochiyel rok SOMOL ni kal riy’, ma thangri rin’ e pi gam’ing ni ba’aray.

Exodus 22:11

ma fa cha’ e nge yan nga tagil’ e meybil nge micheg u fithingan Got ndawori iring e gamanman rok fa’anem. Ma fa’anra fare gamanman e dan iring ma cha’ ni fak e nge fel’ u wan’ e tin ke micheg facha’, ma cha’ ni i ayweg fare gamanman e dabi fulweg labgen;

Jeremiah 23:10

Re nam ney e ke sug ko girdi’ nde yul’yul’ ngak SOMOL; tin kireb e yad be rin’ ma mat’awrad ni bay e ka ra muruwliyed e tin nib kireb ngay. But’ ko nam e ke kireban’ ya ke bucheg SOMOL wa’athan, ma yungi n’en nma kay e gamanman e pan riy e ke yim’ e pan riy.