Levitikus 4:6 - Bible Ni Thothup

⁶ Me lithag buguli pa’ nga fithik’ fapi racha’ nge atngiy nga m’on ko fare gi kateng nib thothup ni medlip yay.

Levitikus 4:6 Referans Kwoze

Joshua 6:8

Ma aram mi ni yan ni bay fa medlip i prist nga m’on ko fare Kahol ko M’ag rok SOMOL, ni yad be thoy fapi yabul ni gagey ko saf ni pumo’on, ni bod rogon nike yog Joshua ngorad ni ngar rin’ed.

Joshua 6:4

Ma medlip e prist, nra bagayad ma be fek reb e yabul ni gagey rok e saf ni pumo’on ngranod ni yad be m’on ma be lek fare Kahol ko M’ag rok SOMOL keru’rad. Ma chirofen ni nge gaman e medlip ngay e ngam marod e salthaw rom ngam liyeged e re binaw nem ni medlip yay, ni be thoy e pi prist e pi yabul nem ni gagey ko saf ni pumo’on.

Levitikus 26:28

ma aram e bay gu sap ngomed u fithik’ e damumuw rog, mu kug gelnag e gechig ngomed ni medlip yay nib gel boch ko kafram.

Levitikus 26:24

me Gag e gu ra cheal nggu togopluw ngomed ma gu ra gechig nagmed ni medlip yay nib gel ko kafram.

Levitikus 26:18

“Ma fa’anra nga tomuren nike buch e pin’ey ma ku damur folgad rog, ma bay gu yo’ornag e gechig romed ni medlip yay.

Levitikus 16:19

Ma bbuguli pa’ e nge atngiy boch fare racha’ ngay nga daken fare altar ni medlip yay, ara’ rogon ni nge machalbognag fare altar ni fan ko denen rok e girdi’ nu Israel, nge par nib thothup.

Levitikus 16:14

Me fek boch racha’en fare garbaw nge lthag bugul i pa’ nga fithik’ nge atngiy nga daken upungen fare Kahol ko M’ag, me atngiy boch riy nga m’on ko Kahol ko M’ag ni medlip yay.

Levitikus 14:18

Me thiy e tin kabay ko fapi gapgep ni bay u lan pa’ nga daken lolgen facha’. Irera’ rogon ni nge bangbengnag be’ ni nge be’ech.

Levitikus 14:27

me lithag bbugul u ba’ ni mat’aw i pa’ nga fithik’ nge atngiy ni medlip yay u rom u p’eowchen SOMOL.

Levitikus 14:16

me yip buguli pa’ ko ba’ ni mat’aw nga fithik’ me atngiy ni medlip yay u rom u p’eowchen SOMOL.

Levitikus 9:9

Me fek fapi pumo’on ni fak Aron e racha’ riy i yib ngak, me lithag buguli pa’ nga fithik’ nge thiy boch riy ko fapi gagey u tabthungen fare altar, me pu’og e tin ke aw riy nga enggin fare altar.

Levitikus 8:15

Me li’ Moses fare gamanman nge yim’ me fek boch i racha’en nga bugili pa’ nge thiy ko fapi gagey u tabthungen fare altar, ni aram e be ognag ngak SOMOL. Me pu’og e tin ke aw ko fapi racha’ nga enggin fare altar, aram rogon ni machalbognag me pi’ ngak SOMOL.

Levitikus 4:34

Me lithag fare prist buguli pa’ nga fithik’ e racha’ ko fare gamanman, nge tay nga daken fapi gagey u tabthungen fare altar, me pu’og e tin ke aw riy nga enggin fare altar.

Levitikus 4:30

Me lithag fare prist buguli pa’ nga fithik’ e racha’ ko fare gamanman, nge tay ko fapi gagey u tabthungen fare altar, me pu’og e tin ke aw nga enggin fare altar.

Levitikus 4:25

Me lithag fare prist buguli pa’ nga fithik’ e racha’ ko fare gamanman, nge tay nga daken fapi gagey ni bay u tabthungen fare altar, me pu’og e tin ke aw ko fapi racha’ nga enggin fare altar.

Levitikus 4:17

me lithag buguli pa’ nga fithik’ nge atngiy nga mit fare gi kateng ni medlip yay.

Numbers 19:4

Ma nge fek Eleazar boch e racha’ riy nga bugul i pa’ nge atngiy ni medlip yay ko gin nib sap mit fare Tent ngay.

Levitikus 25:8

Mu the’eged medlip yay e medlip e duw, ma urngin u gubin e aningeg i ragag nge mereb e duw.

Exodus 40:21

Ma aram me tay fare Kahol ngalan fare Tent me pag nga but’ fa gi kateng, ni nge rungrung ko fare Kahol ko M’ag. Nri bod rogon ni yog SOMOL ni ngan rin’.

Exodus 40:26

Me tay fare altar ni gol ngalan fare Tent nga m’on ko fa gi kateng,

Levitikus 8:11

Miki fek boch ko fare gapgep nge atngin ni medlip yay nga daken fare altar nge gubin tatalin nge nga daken fa raba’ i dabiy nge ay u but’, ya aram e be pi’ e pin’em ngak SOMOL.

Levitikus 14:7

Me atngiy e racha’ riy ni medlip yay nga daken facha’ ni ngan be’echnag ko m’ar ni dowef, ma aram e fare prist e nge yog nike be’ech facha’. Me pag fabinem e arche’ ni kabfos nge changeg nge yan ngalan e tafelfel’.