Levitikus 4:28 - Bible Ni Thothup

²⁸ ma yug nap’an e yira yog e kireb rok ngak, ma thangri fek i yib e maligach rok ni ba kaming ni bpin ndariy bochiyang u downgin nib kireb.

Levitikus 4:28 Referans Kwoze

Levitikus 4:23

ma yug nap’an ni yira yog fare denen rok ngak, ma thangri fek e maligach rok i yib ni reb e kaming ni pumo’on ndariy bochyang u downgin nib kireb.

Levitikus 4:32

Fa’anra fek be’ ba saf i yib nib maligach ni fan ko denen, ma ba saf ni bpin ndariy bochyang u downgin nib kireb.

Levitikus 4:3

Fa’anra fare Prist ni Th’abi Ga’ e ke denen ni aram e ke girengiy e kireb nga daken e girdi’, ma thangri fek i yib ba fak e garbaw nib pumo’on ni dariy bochyang u downgin nib kireb ngan pi’ ni maligach ngak SOMOL, ni fan ko denen rok.

Galatia 3:28

Ere ta’reb rogon piyu Israel nge pi’in gathi yad piyu Israel, ma ku errogon e pi’in yad e sib nge pi’in gathi yad e sib, ma ku errogon e pi’in pumo’on nge ppin, ni bochan e gimed gubin ma kam ta’ab girdi’gad Kristus.

Roma 8:3

I Got e ke rin’ e n’en nde yag ni nge rin’ e Motochiyel ni fan ngodad ni bochan e gadad bme’ewaer nrogon e girdi’. Ke l’oeg Fak ke yib ni bay downgin ni bod rogon e dowef rodad nrayag ni nge denen, mu fithik’ e re dowef nem ni pi’ ni maligach e gechignag Got e denen riy.

Jeremiah 31:22

Uw n’umngin nap’an ni ngam pired ni gimed be toruruw, gimed e pi girdi’ nir ndariy e michean’ romed? I Gag SOMOL e ku gu ngongliy ban’en nib be’ech mab thil nga daken e fayleng: bod feni thil be’ ni bpin ni be yoror rok be’ nib pumo’on ni nge dabi buch ban’en rok.”

Isaiah 7:14

I SOMOL e bayi pi’ ba pow ngomed. Be’ ni bpin ni ka ba rugod nike diyen. Bayi gargel ni bochi pagel ma bayi tunguy fithingan ni Immanuel.

Levitikus 5:6

ma puluwon e denen rok ni nge fek i yib ngak SOMOL e ba saf ni bpin ara ba kaming ni maligach. Ma fare prist e nge pi’ ni maligach ni fan ko denen rok facha’.

Levitikus 4:14

ma nap’an e yug yad ra nang ni kar denengad, ma yad gubin ni ngar feked i yib ba fak e garbaw ni pumo’on ni maligach ko denen. Thingar ra feked i yib ko fare Tent u p’eowchen SOMOL;

Genesis 3:15

I gur nge fare pin e bay mpirew ni gimew ba to’ogor; ma ku er rogon pifak nge pifakam ni bay ur pired ni yad ba to’ogor. Ma be’ nib mo’on ni fak fare pin e bayi bilbilig lolugem’ mi gur e bay mu k’ad wurilen ay.”

Psalms 90:8

Kam tay e denen romad nga p’eowchem, pi denen romad nib mith e ka mu tay ko gin ga ra guy riy.