Levitikus 3:5 - Bible Ni Thothup

⁵ Ma boch fapi prist e ngar urfiyed urngin e pin’ey u daken fare altar nib mu’un ko fapi maligach ni mo’oruf. Ma bon e re maligach ni ggan ney e rib fel’ u wan’ SOMOL.

Levitikus 3:5 Referans Kwoze

Levitikus 6:12

Fare nifiy nu daken fare altar e thangri par ndabi math. Gubin e kadbul ni ngi i tay fare prist e l’ud ngay, me yarmiy e maligach ni mo’oruf u daken, me tay e mam ko fare maligach nma gapeseg thilin Got nge girdi’ nga daken.

1 Peter 2:5

Mired nrogon e malang nib fos ngam pi’ed gimed ngan fanaymed ko Tempel ni yibe toy ni Tempel ni bfel’ u wan’ Got, ni ir e bay mu pigpiggad riy ni bod rogon e pi prist ni yad ba thothup, ni ngam pi’ed ngak Got lanin’med ni be gagiyegnag fare Kan Nthothup nge pi maligach nib m’agan’ Got ngay u daken Jesus Kristus.

Exodus 29:13

Me migid mag fek gubin yang e mam nib ing gil’iggan fare gamanman, nge gin th’abi fel’ ko ad riy, nge fagal bu’oy nib mu’un e mam riy ngay, mag urfiy e pin’ey u daken e altar nib maligach ngog.

Ezekiel 44:15

I SOMOL ni Th’abi Tolang e ga’ar, “Fapi prist ko ganong rok Levi ni yad owchen Zadok, e ur pared ni yad ba yul’yul’ ko pigpig ngog u lan e Tempel ko ngiyal’ ni ba’aram ni tin kabay e girdi’ nu Israel e kar pi’ed keru’rad ngog. Ere chiney e yad e picha’ ni ngu’ur pigpiggad ngog miyad be yib nga p’eowcheg ngu’ur pi’ed e mam nge racha’ ko fapi maligach ngog.

Ezekiel 44:7

Kar dariyfan niged e Tempel rog ko girdi’ nu bang ni dawor ni maad’ad nagrad ni bod nike yog e motochiyel rok Moses ni bogi girdi’ ni darir folgad rog, ni karbad ngalan fare Tempel ko ngiyal’ ni yibe pi’ ngog e mam nge racha’. Girdi’ rog e kar th’abed e m’ag romad ko urungin e pin’en nib sunsonogor ni kar rin’ed.

2 Kronicles 35:14

Nap’an nra mu’gad me f’oth e pi Levite e yungi ufin ney rorad nge fapi prist ni pi’in owchen Aron, nge ngak e prist ni ur marwelgad nge nep’ ni ur urfiyed e gamanman nik reb nge yungi mam ko fapi gamanman ni maligach.

1 Kings 8:64

Ku rofen nem e ognag fare pilung lukngun lan e yoror ni bay u m’on ko Tempel, ni aram e gin ni pi’ e maligach ni gamanman riy ni kan urfiy nreb, nge maligach ni grain, nge mam ko gamanman ni maligach ni nge gapaseg thilin Got nge girdi’. Fare altar ni bronze u lan e yoror ko tempel e kayigi achig ndabiyag ni ngan pi’ urngin e pi maligach nem u daken.

Levitikus 4:35

Ma aram me chuweg urngin e mam riy, nri bod rogon ni yima chuweg e mam ko fare saf ni maligach nma gapaseg thilin Got nge girdi’. Me urfiy fare prist fapi mam u daken e altar nib mu’un ko pi ggan ni maligach ni kan ognag ngak SOMOL. Aray rogon ni ngi i pi’ fare prist e bayul ni fan ko denen rok be’ min n’ag fan rok.

Levitikus 4:31

Me chuweg urngin e mam riy, nri bod nni chuweg e mam ko fapi gamanman nli’ ni fen e maligach nma gapaseg thilin Got nge girdi’, ma nge urfiy u daken e altar ni bon e rib fel’ u wan’ SOMOL. Ara’ rogon konowa’en nma pi’ fare prist e bayul ni fan ko denen rok be’ ma yira n’ag fan rok.

Levitikus 1:9

Ma gil’iggan nge ay fare gamanman nl’agruw raba’ e ra luknag facha’, ma re prist ni ir e be pigpig e ngiyal’nem e nge urfiy fare maligach nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 3:4

nge fa gal bu’oy nge mam riy, nge gin th’abi manigil ko ad riy.

Levitikus 3:11

Ma fare prist ni be pigpig e ngiyal’nem e nge urfiy e yungi n’ey ni gubin u daken fare altar ni ba ggan ni maligach ngak SOMOL.

Levitikus 7:28

Miki pi’ SOMOL e pi gafal ni ba’aray ngak Moses

Levitikus 9:17

Miki pi’ e maligach ni grain me fek bogogow e flour nge urfiy u daken fare altar. (Biney e bang ko fare maligach ni mo’oruf ni yima pi’ ni gubin fen.)

Numbers 15:8

Ma nap’an nra pi’ ba garbaw ni pumo’on ngak SOMOL ni maligach ni mo’oruf fa ba maligach nib mathang malfith u ban’en ni ognag ni nge pi’ fa ba maligach nma gapaseg thilin Got nge girdi’,

Numbers 28:3

Irera’ e pi maligach ni ggan ni ngan pi’ ngak SOMOL: maligach ni mo’oruf ni gubin e rran, e l’agruw e saf ni pumo’on ni ta’reb e duw rorow ni dariy bang u dowrow nib kireb.

Numbers 28:12

Maligach ni grain, e tin th’abi fel e flour ni kan athkuy e gapgep ni olive ngay: yigagen reb e garbaw ni pumo’on e nel’ e pawn e flour; yigagen reb e saf ni pumo’on e aningeg e pawn;

Levitikus 1:13

Ma gil’iggan nge ay fare gamanman nl’agruw raba’ e thangri luknag fare mo’on, ma fare prist e nge pi’ fare maligach ngak SOMOL ni nge urfiy ni gubin yang u daken fare altar. Ma bon e re maligach ni ggan ney e rib fel’ u wan’ SOMOL.

Levitikus 1:17

Me kol pon u barba’ ngu barba’ nge pof nge machwo’ u ngorngoren, ma dabi chow’ay nge mul pon fare arche’ u kenggin, ma aram me urfiy nib polo’ u daken fare altar. Ma bon e re maligach ni ggan ney e rib fel’ u wan’ SOMOL.

Numbers 18:17

Ma tin nganni’ u fak e garbaw, nge saf, nge kaming e dab kun chuw’iyrad ngan fulwegrad; ke milfarad ngog ni yad gubin ngan maligach ngorad. Ngam atngiyed racha’en fapi gamanman ko altar mi ni orfeg e mam riy nib maligach ni ggan, rib fel’ u wun’ug galo’chngin.