Levitikus 27:32 - Bible Ni Thothup

³² Ta’reb ko yu ragag i gamanman ni fakay e bmilfan ngak SOMOL. Nap’an ni yira the’eg e gamanman, ma gubin e tin nra gaman e ragag ngay e bmilfan ngak SOMOL.

Levitikus 27:32 Referans Kwoze

Jeremiah 33:13

Lan e pi yochi binaw u fithik’ e burey, ngu enggin e burey, ngu lan yimuch u Judah, u lan tafen Benjamin, ngu lan e pi binaw nib liyeg yu Jerusalem, nge lan e yochi binaw u Judah, e bay ki the’eg e pi’in tagafaliy e gamanman e saf rorad riy bayay. I Gag SOMOL e kugog e pi thin ney.”

Ezekiel 20:37

“Bay gu gagiyeg nagmed mu gu teg ngomed ngam folgad ko fare m’ag rog.

Mikah 7:14

SOMOL, mu par ni ga bod ba tagafaliy e saf u puluwon e tirom e girdi’, ni fapi girdi’ ni gur e kam mel’egrad. Yug aram rogon ni yad be par u ted, ma bay e but’ nib yong’ol ni ba liyegrad. Mu pagrad ngranod ra abich gad nga Bashan nggu Gilead nib yong’ol, ni bod ni ur rin’ed kakrom.

Levitikus 27:31

Fa’anra ba’adag be’ ni ngki chuwiiy boch riy nge sul ngak, ma thangri pi’ puluwon nrogon ni kan mu’ i duwgiliy ma ku ra puthuy rliw’ e pasent ngay.

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”

Numbers 18:21

I ga’ar SOMOL, “Kug pi’ ngak e Levi urngin e ragag e pasent nike pi’ e girdi’ nu Israel ngog. Irara’ pulworad ko pigpig ni yad be ayweg fare Tent u p’eowcheg.