Levitikus 27:30 - Bible Ni Thothup

³⁰ Ragag e pasent ko urngin e tin lemmun e but’, ni demturug ko grain ara wom’ngin e gek’iy, ma SOMOL e ba milfan ngak.

Levitikus 27:30 Referans Kwoze

Genesis 28:22

Re malang ney ni kug suwonnag ni nge par nib malang ko puguran e bayi mang naun rom ni ngu’un meybil ngom riy, mu gu pi’ ngom ragag e pasent ko pin’en ni ga be yagnag ngog.”

Matthew 23:23

“Kari mu gafgowgad e pi tamchib ko Motochiyel nge gimed e pi Farise! Ya gimed be dake moding niged gimed! Ra ban’en nragag guruy ma gimed be pi’ ta’ab guruy riy ngak Got ni mus ko pin’en nma fal’eg lamen e ggan ni aram e mint, nge dill, nge cummin, ma damur folgad ko tin rib ga’ fan ni be yog e Motochiyel, ni bod e mat’aw nge runguy nge yul’yul’. Bfel’ ni gimed ra pi’ ta’ab guruy u ragag guruy e tin ni bay romed, ma dab mpaged e tin nib mat’aw nge runguy nge yul’yul’.

Nehemiah 13:12

Ma aram e gubin e girdi’ nu Israel nra tababgad bayay i fek iyan ko fapi senggil u Tempel ni tafen e cha’ar ragag e pasent ko grain, wayin nge gapgep ni olive.

Luke 18:12

Gu ma pag e abich u l’agruw e rran u reb e wik, ma gu ma pi’ ngom 10 pasent u urngin e pin’en ni gu ma thognag.’

2 Kronicles 31:12

mi ni tay gubin e pi tow’ath nge pi ragag e pasent nga langgin ngan cha’riy ni dabi buch ban’en riy. Ma be’ ni Konaniah fithingan ni reb e Levite e ra ted ni nge mang ga’ riy me Shimei nib mo’on ni walagen e ta’ayuw rok.

Genesis 14:20

I Got ni Th’abi Tolang e nga ni pining e sorok ngak, ya ir e ke ayuwegnem kam gel ngak e pi to’ogor rom ko mael.” Me fek Abram ragag e pasent u urngin e tin ni fek u fithik’ e mael nge pi’ ngak Melkizedek.

Luke 11:42

“Kari mu gafgowgad e pi Farise! Ra ragag guruy e n’en nma fal’eg lamen e ggan ni bay romed ni aram e mint nge rue nge urngin e tin ni bay ban’en nma fal’eg lamen e ggan, ma ta’ab guruy riy e gimed be pi’ ngak Got, ma kam paged e tin nib mat’aw nge rogon ni nge t’uf Got nge girdi’ romed. Pin’ey e ngu’um rin’ed machane dab mpaged e gal ne’.

Nehemiah 13:5

Me pag Tobiah ni nge par nga reb e senggil nib ga’ ni aram e gin ni un chariy e maligach ni grain riy nge incense, nge talin e maruwel ni yima maruwel ngay u Tempel, nge maligach ni fan ko prist, nge ragag e pasent ko grain, wayin, nge gapgep ko olive ni kan pi’ ko Levite, nge girdi’en e musik u Tempel nge pi matnag.

Nehemiah 12:44

Ngiyal’ nem e nni tay boch e pumo’on ni nge milfan e pi senggil ni tafen e cha’ar ngorad ni aram e gin ni yima cha’riy e pi f’oth nu Tempel riy, nib mu’un e ragag e pasent ni yima pi’ nge tin ni nga’on e grain nge wom’ngin e gek’iy nike lol u reb duw. Pi pumo’on ney e maruwel rorad ni ngar kunuyed ko milay’ i yan nib chugur ko fapi binaw e pi f’oth ni fan ngak e prist nge pi Levite ni bod ni bay ko Motochiyel. Urngin e girdi’ nu Judah mab m’aguwan’rad e maruwel rok e prist nge Levite,

Levitikus 27:29

Mus ngak ba girdi’ ni kan mu’ i ognag ma dab kun chuw’iy ngan sulweg; thingar ni thang e pogofan rok.

Levitikus 27:31

Fa’anra ba’adag be’ ni ngki chuwiiy boch riy nge sul ngak, ma thangri pi’ puluwon nrogon ni kan mu’ i duwgiliy ma ku ra puthuy rliw’ e pasent ngay.

Deuteronomy 18:8

Ma nge yag e ggan ngak ni ta’reb urngin ko tin kan pi’ ngak fatinef e prist, ma rayag ni nge par rok e tin ke pi’ chon e tabnaw rok ke yib ngak.

Deuteronomy 26:12

“Gubin e yu dadalip e duw ma ga pi’ ragag e pasent ko ggan nike yib ko woldug rom ngak e pi Levi, nge pi milekag, nge pi bitir ni kanim’ rorad, nge ppin nike yim’ figirngirad, ya nge urngin e girdi’ miyad gaman ko ggan. Nap’an ni ga ra mu’ i rin’ e biney,

Genesis 47:24

Mra taw nga nap’an ni ngan t’ar wom’ngin e woldug, ma thingar mpi’ed ta’ab guruy u lal guruy riy ngak Farao. Ma tin nike magey riy e ngam yunged nga daken e yungi milay’ romed, mi gimed kay nge girdi’ nu tabinaw romed, nge pifakmed.”

Genesis 47:26

Ma aram me ngongliy Josef nib motochiyel ko nam nu Egypt ni woldug nike el e ngan t’ar mi ni guruynag ni lal guruy me par ni ba guruy riy e fen Farao. Ere re motochiyel ney e kabay gelngin e daba’. Kemus ni yungi binaw rok e pi prist e de tafnay Farao.