Levitikus 27:28 - Bible Ni Thothup

²⁸ Dariy be’ nra pi’ nchuway’ fa chuw’iy nge sul ngak e n’en ni ir e kemu’ i turguy ni nge pi’ ngak SOMOL, ndemturug ko ba girdi’, fa ba gamanman, fa bang i binaw. Ma ke par ni SOMOL e ke milfan ngak.

Levitikus 27:28 Referans Kwoze

Exodus 22:20

“Ma en nra pi’ e maligach ngak yugu reb e got ni gathi SOMOL e yira thang e fan rok.

Levitikus 27:21

Ma ra bin migid e Duwan e Felfelan’ ma fare gi flang e bayi par nike fanay SOMOL, ni aram e ke milfan ngak e pi prist.

Deuteronomy 25:19

Ere nap’an ni bayi pi’ SOMOL ni Got romed fare nam ngomed, me gagiyegnag ni dabki bucheg e pi to’ogor romed ban’en romed, ni yug aram rogon ni yad ma par ni yad ba liyegmed, nopa’med ni gimed ra thang e pogofan rok e pi Amalekite ni yad gubin, ya ngar mathgad u wan’ e girdi’. Dab mu paged talin!

1 Samuel 15:18

me pi’em ni ngam man mu thang owchen e pi Amalek ni bogi girdi’ ni kireb. I yog ngom ni ngam cham nge mada’ ko ngiyal’ ni kam thang owcherad ni yad gubin.

Joshua 7:1

Dan fol ko fare n’en ni tay SOMOL chiylen ngak yu Israel ndab ni fek ban’en u Jeriko nsusun e ngan kirebnag. Be’ nib mo’on ni Akan fithingan e de fol riy, ma aram mri damumuw SOMOL ngak piyu Israel’. (Akan e be’ nib mo’on ni fak Karmi ni be’ nib mo’on ni fak Zabdi, ni be’ ko fare ke girdi’ rok Zerah, ni bang ko fare ganong rok Judah.)

Joshua 6:26

Me ning Joshua chiylen ngak e girdi’ e ngiyal’nem ni ga’ar, “En nra guy rogon ni nge fulweg e re binaw nu Jeriko ney nga rogon e ra bucheg SOMOL wa’athan. En nra tabab i muruwliy e ra yim’ e bin th’abi ilal i fak ni pumo’on; ma en nra ubung e garog riy e ra yim’ e bin th’abi bitir i fak.”

Numbers 18:14

“Gubin ban’en u Israel ni kan pi’ ngog e go’ ra milfan ngom.

Galatia 3:13

Machane Kristus e ke chuwegdad ko buch wa’athan ni Motochiyel e ke fek i yib ngodad, ni bochan e kemang ir e ke buch wa’athan ni fan ngodad. Ni bod rogon nike yog e babyor nib thothup ni be ga’ar, “En ni kan tining nga ba ley i gek’iy e kan bucheg wa’athan.”

Galatia 3:10

Pi’in ke pagan’rad ko Motochiyel ni yad be fol riy e yad be par nib buch wa’athrad. Ya be yog e babyor nib thothup ni be ga’ar: “En ni gathi urngin ngiyal’ ma be fol u urngin ban’en ni kan yoloy u lan babyoren e Motochiyel e ke kireb wa’athan!”

1 Korinth 16:22

Cha’ nde t’uf Somol rok e nge buch wa’athan! Maranatha— Somol romad, moy!

Roma 9:3

Fa’an mang e ra gu pi’eg ngan gechig nigeg ma gamow dar Kristus ma aram miyad thap ngak Got ma kug rin’.

Matthew 25:41

“Ma bayi ga’ar ko pi’in yad bay u ba’ ni gilay’ rok: ‘Gimed e picha’ ni be’er nike kirebnag Got wa’athmed, mmarod ngam chuwgad rog! Mmarod ko fare nifiy ni dabi math bi’id ni kan ngongliy rogon kan tay ni fan ngak mo’onyan’ nge pi engel rok!

1 Samuel 15:3

Mman ngam og ngak e pi Amalek, ngam kirebnag urngin ban’en ni bay rorad. Dariy ta’ ban’en ni ngam pag; mu thang e pogofan rok urngin e pumo’on, nge ppin, nge bitir, nge bitir ni kab ran, nge garbaw, nge saf, nge kamel, nge dongki.”

Judges 21:18

machane dabiyag ni ngad pagedyad ngar le’engiyed e ppin ni pifakdad, ni bochan e kad bucheged wa’athan e en nra pag reb e Benjamin nge le’engiy reb i pifak ni bpin.”

Judges 21:11

Mu thanged e pogofan rok urngin e pumo’on, nge urngin e ppin ni karnanged e pumo’on.”

Judges 21:5

Miyad fith ni lungurad, “Gur, kabay reb e ulung u fithik’ gubin e pi ganong nu Israel nde un ko fare mu’ulung ntay nga Mizpah u p’eowchen SOMOL?” (Kar micheged u fithingan Got ni en nde yan nga Mizpah e yira thang e pogofan rok.)

Joshua 7:25

Me ga’ar Joshua, “Mangfan ni kam girengiy e tiney e wagagey nga dakendad? Aram e chiney e nge girengiy SOMOL e wagagey nga dakenam!” Ma urngin e girdi’ nra malang niged Akan nge yim’; mu ku ra malang niged miyad urfiy chon e tabnaw rok nge urngin e chugum rok.

Levitikus 27:27

machane bin nganni’ u fak ba gamanman nib alit e rayag ni ngan chuw’iy ni rogon puluwon ni kan turguy, ma ku yira puthuy rliw’ e pasent ngay. Fa’anra dan chuw’iy nge sul ngak e en ni fak, ma rayag ni ngan pi’ ngak yug be’ nchuway’ ni bod rogon puluwon ni kan duwgiliy.

Levitikus 27:29

Mus ngak ba girdi’ ni kan mu’ i ognag ma dab kun chuw’iy ngan sulweg; thingar ni thang e pogofan rok.

Deuteronomy 7:26

Ri dab mfeked reb e pi liyos nem nga naun romed; ya gimed ra rin’ ma buch wa’athan ni yib ngorad e ku ra yib ngomed. Thingar mu fanenikayed e pi liyos nem me par ni bogi ban’en ndariy fan u wun’med, ya ke bucheg SOMOL wa’athrad.

Ezekiel 44:29

Maligach ni grain, maligach ko denen, nge maligach ni mathang malfith e nge mang ggan ko prist, ma ku rayag ngorad gubin ban’en u lan yu Israel ni kan fal ngabang ni fanag.

Ezekiel 48:14

Re gi binaw nni ognag ngak SOMOL e aram e gin th’abi fel u fithik’ gubin yang, ni dariy bang riy ni yira pi’ ni chuway’, fa ni thilyeg ngabang ara ni pi’ ni nge tafnay be’. Ya ba thothup nib milfan ngak SOMOL.

Levitikus 21:22

Be’ nib mo’on ni aray rogon e rayag ni kay fare ggan ni kan pi’ ngog, ni fa bin kan ognag nib thothup nge fa bin kan ognag nib th’abi thothup,

2 Kronicles 31:14

Kore nib mo’on ni fak Imnah ni reb e girdi’ nib Levite ni ir e ba tolang ko pi tamatnag ko fare Garog ni Ngek ko fare Tempel, ma ku ir e ba milfan ngak e pi tow’ath ni yibe pi’ ngak SOMOL nge tin nge wereg ko pi prist nge pi Levite.