Levitikus 26:36 - Bible Ni Thothup

³⁶ “Bay gu ta’med e pi’in gimed ba kalbus u reb e nam ni gimed mmarus ni mada’ nga lingan bagaf i yuwan e gek’iy nike thoy e nifeng migmed mil. Bay mmilgad ni gowa yibe tulufmed u fithik’ e mael ngu’um awgad nga but’ ndariy ba to’ogor u charmed.

Levitikus 26:36 Referans Kwoze

Ezekiel 21:7

Nap’an ni yad ra fithem ko mangfan ni ga be gel’gel’, ma gog ngorad ni bochan e thin nib be’ech ni bayi taw. Nap’an nra taw, me suguy e marus lanin’rad, me ul pa’rad, ni mathliyab, me dada’ bugrad. Re ngiyal’ i n’em e ketaw ngay; ketaw ngaray e chiney.” I SOMOL ni Th’abi Tolang e be non.

Isaiah 30:17

Gimed ra guy ta’reb e to’ogor romed ma bbiyu’ i gimed e ra mil, ma ra yib lal e to’ogor ma ngam milgad ni gimed gubin. Dariy ta’reb e salthaw romed nra magey, ya kemus ni kolngin e flak e ra magey u daken e burey!

Levitikus 26:17

Bay gu pi’ keru’ug ngomed, ya ngam waergad, ma pi’in yad ba fananikaymed e bay ra gagiyeg niged gimed; bay um pired u fithik’ e marus ngu’um milgad ndariy be’ ni be tulufmed.

Ezekiel 21:15

Ma waliy e girdi’ rog nge mulan’rad miyad dol’. Bay gu k’aring e marus ko binaw rorad ko fare gi saydon ni be mat ra’en ni bod e uluch, nib fal’eg rogon ni nge cham.

Ezekiel 21:12

Fak e girdi’, mu go’go’ u fithik’ e gafgowan’; re gi saydon ney e ri fan ko girdi’ rog nge gubin e tayugang’ nu Israel. Bay ni unegrad ko girdi’ rog ngan li’rad. Mu pirdi’iyed pa’med nga daken ngarngorenmed u fithik’ e mathliyab!

Isaiah 7:4

Mog ngak nge par nike fal’eg rogon’, ma dabi wagagey laniyan’, ma dabi rus ara magafan’. Damumuw rok Rezin ni Pilung nge yu Syria ni girdi’ rok, nge damumuw rok Pekah ni Pilung e dabi rus ngay, ya dariy ban’en nra rin’, ya bod rogon e ath ni be yib u l’agruw ley i l’ud.

Isaiah 7:2

Me taw e thin ngak fare pilung nu Judah ni salthaw nu Syria e ka ra mufgad ngalan yu Israel, me yib e marus ngak nge gubin e girdi’ rok ngu’ur t’on gad ni bod e gek’iy ni mithmitheg e nifeng.

Proverbs 28:1

Pi’in kireb e yad ma mil ko ngiyal’ ndariy be’ ni be lol’oegrad, ma be’ nib mat’aw e bod feni m’uthan ba layon.

2 Kronicles 14:14

Ma aram me yag rorad ni ngar gathayed fapi binaw u lan fa gin nib liyeg yu Gerar, ni bochan e girdi’ nu rom e karrusgad ngak SOMOL. Fa raba’ i salthaw e ra kireb niged gubin fapi binaw miyad fek u fithik’ e yargal bokun ban’en.

1 Samuel 17:24

Fa’ani guy piyu Israel Goliath, miyad mil ni kar rusgad.

Joshua 5:1

Urngin e pilung rok e pi Amorite ni yad bay ko ngal ko lul’ ni Jordan nge urngin e pilung rok yu Kana’an ni yad bay u to’oben fa gi day ni Mediterranean fithingan e rrung’aged nike chuweg SOMOL e ran u lan e lul’ ni Jordan ko ngiyal’ ni ba’aram ni yib piyu Israel ra th’abed nga baraba’. Me yib e marus ngorad nge mulan’rad ni bochan piyu Israel.

Deuteronomy 1:44

Ma piyu Amor ni yad ma par u daken e fapi burey e rabad ngomed ni bod ba ran’ i ngul. Mar tulufed gimed ngam mada’gad nga Hormah mar gelgad ngomed u rom ko fare nam nu Edom.

Genesis 35:5

Ma nap’an ni deg Jakob nge pifak ni ngranod, me yib e marus nib gel ko girdi’ nma par ko yochi binaw nib chuchugur ngaram, mdeyag ni ngar tulfedrad.

Genesis 4:12

Fa’an ga ra muruwliy e but’ ngam yung e woldug ngay, ma dabi pi’ e but’ e ggan ngom, bay mu par ni dariy e naun rom ma ga be malethay u fayleng i yan.”

Joshua 7:5

Pumo’on nu Ai era tulfedrad u langan e garog ko fare binaw ngar mada’gad nga bangi ban’en ni kanog yu Shebarim ngay miyad li’ nge yim’ gonap’an e guyey nge nel’ i yad nnap’an e yad be log i yan nga but’ u daken e ted. Ma aram me mulan’ piyu Israel ma kar rusgad.

BABYOR NI JOB 13:25

Gimed be guy rogon ni ngam k’aringed e morus ngog? Ya gag e dariy rogog ngabang ya gu bod ba gaf i yuwan e gek’iy; gimed be cham nga bochiyang i chabung.

Psalms 53:5

Machane aram e bayib e marus ngorad nib gel, ndawor rrusgad bayay ni aram gelngin, ya bayi wereg Got yilen e pi to’ogor ko girdi’ rok. I Got e ke n’agrad, ma aram e yu Israel e ri bay ra gelgad ngorad.

Jeremiah 37:10

ni mus ni gimed ra li’ urngin e salthaw nu Babylon ni be cham ngomed e chiney nge yan i par ni kemus ni tin ke magey e girdi’ e ke maad’ad ni yad ba thig u lan e pi tent rorad, ma pi girdi’ nem e ku yad ra sak’iy ngarbad ra urfiyed e re binaw ney.”

Jeremiah 46:16

Pi salthaw romed e ke tun ayrad ka ra awgad nga but’; ra bagyad me be ga’ar ngak bagyad, ‘Mu gur nagem! Darod nga tabnaw ngak e girdi’ rodad ma gadad mil ko saydon ko pi to’ogor rodad!’

Lamentations 1:3

Girdi’ nu Judah e yad bogi sib ni dakriy gelingrad, kan chuwegrad u taferad. Yad be par u lan yug boch e nam, ni dariy bang riy ni yad ra yog ni taferad — Ke longbiyrad e pi to’ogor rorad, ni dariy kanawo’en miyad thay.

Lamentations 1:6

Fla’ab rok yu Jerusalem e ban’en nike thumur. Pi’in yad ma gafaliy e kar boded e gamanman ni deer nike m’ay gelngin ni bilig, Nike chugur ni nge m’ay gelngirad ni bod ni yad be mil ko pi tamkol gamanman ni be lol’oegrad.

Lamentations 4:19

Ra tulfed gamad nib pay ni bod e arche’ ni eagle nike ngalol u lang nga but’. U ra gayed gamad u fithik’ e yochi burey; mug gin gad ma kan kolmad u daken e ted.

Psalms 53:6

Ri gu be meybil ni nge yib e ayuw u Zion nga Israel. Rra felfelan’ e girdi’ nu Israel ko ngiyal’ nra fal’eg Got rograd bayay!

Psalms 89:43

Kam m’aynag fan talin e cham rok, kam pag ke waer ko mael.

Hosea 8:3

machane kar pi’ed keru’rad ko n’en nib manigil, bochan e ran’ey ma aram fan ni bayi tulufrad e pi to’ogor rorad.