Levitikus 26:30 - Bible Ni Thothup

³⁰ Bay gu kirebnag e yungi tagil e meybil romed u daken e ted, mug buthug e pi altar ni gimed ma urfiy e pi incense riy, mu gun’ e dogur romed nib yam’ nga daken e pi liyos ni gimed ma meybil ngay ni ku yad ba yam’. Mu fithik’ e fananikay rog

Levitikus 26:30 Referans Kwoze

2 Kings 23:20

Ma urngin e prist ni yad ma pigpig ngak yugu boch e got ko pi altar nem e thang Josiah e pogofan rorad u daken e pi altar nem, me urfiy yilen e girdi’ u daken gubin e pi altar nem. Me sul nga Jerusalem.

Isaiah 27:9

Kemus ni ta’reb e kanawo’ nrayag ni ngan n’agfan e kireb nge denen rok yu Israel riy: Thingar ra buthuged e pi altar ni malang rok yug boch e kan ngar bilbilged nge yochyang ni bod e chalk, nge dabki par reb e altar ko incense ara reb e pow rok Asherah ni fare got ni bpin.

Ezekiel 6:13

Ma ldow e bayi wear u fithik’ fapi liyos nge to’oben e altar i yan, ngu daken nochi burey, nge daken urngin e burey nib ga’, ngu tanggin urngin kaen e gak’iy nge gek’iy ni oak, ngu lan urngin e yungi n’en ni yad ma orfeg e maligach rorad riy ni fan ko liyos. Ma aram e bayi nang urngin e girdi’ ni gubin ni Gag SOMOL.

Jeremiah 14:19

SOMOL, mog, kari mu n’ag e girdi’ nu Judah? Kam dabuy daken e girdi’ nu Zion? Mangfan ni ka mu maad’ad ngomad nib almarin ndabkiyag ni ggolgad? Gamad be gay e gapas, machane dariy ban’en ni bfel’ nike yib i m’ug; gu fineyed ni bay ggolgad, machane gafgow nib gel e marus riy e ke yib.

Psalms 89:38

Machane ka mu damumuw ngak fare pilung ni gur e mu mel’eg; ya kamn’ag ni kam pi’ keru’um ngak.

2 Kronicles 31:1

Nga tomuren nike m’ay fare madnom ma gubin e girdi’ nu Israel nranod ngalan gubin e pi binaw nu Judah ngar bilged e yu raba’ i malang, miyad th’ab nga but’ e pi pow rok Ashera ni fare got ni bpin, miyad gathay e pi altar nge yungin tagil’ e tayfan rok e pi’in ndar nanged Got. Ma ku aram e n’en ni rrin’ed u daken yu Judah ni ga’ngin, nge fa yuyangi nug rok Benjamin, Efraim, nge Manasseh; ma aram miyad sul ni yad gubin nga taferad.

2 Kronicles 23:17

Ma aram miyad yan ni yad gubin ko fare tempel rok Baal ngar buthuged nga but’. Miyad bilig fapi altar nge fapi liyos u rom miyad li’ Mattan ni prist rok Baal nge yim’ u mit fapi altar.

2 Kings 23:16

Me chachangar Josiah me guy boch e malangen e yam’ u rom u daken fare burey; me yog ni ngan yan ni fek e yil riy ngan urfiy u daken fare altar, ni aram e kem’ay fan e re altar nem, me yib i m’ug nib riyul’ e thin ni yog fare profet ni kakrom ko fa ngiyal’nem nib sak’iy Jeroboam ni Pilung u to’oben e re altar nem ko fare madnom ntay. Me chachangar Josiah ni Pilung me guy e malang rok fare profet ni ir e yi’iynag e re bugithin ney.

2 Kings 23:8

Me fek e pi prist ni yad bay u lan e pi binaw nu Judah nga Jerusalem, me kirebnag e pi altar ulan e nam ni ga’ngin ni yad ma pi’ e maligach riy. Miki buthug fapi altar ni fan ko fapi kaming ni kan, nib chugur ko fare garog ni Joshua ni Pilung ko binaw e yog ni ngan ngongliy, ra ni yan ngalan binaw ma bay fare garog rok Joshua ko ba’ ni gilay’ i langan e bin ni ga’ e garog.

1 Kings 13:2

Me non fare profet nib togopluw ko fare altar, ni nge fol ko tin keyog SOMOL ngak ni ga’ar “Altar, altar, ba’aray e n’en ni be yog SOMOL: Bay bbitir ni bay ni tunguy fithingan ni Josiah, ni bay ni gergeleg ngalan fare tabnaw rok David. Ir e bayi li’ nge yim’ u dakenam e pi prist ni yad be pigpig ko fapi altar rok e pi’in ndar nagned SOMOL ni yad ma pi’ e maligach u dakenam, ma bayi urfiy yilen e girdi’ u dakenam.”

Levitikus 26:15

Fa’anra mu siyeged ni dab mu folgad ko motochiyel rog nge tin kug ta’chiylen ngam th’abed fare m’ag ni kug ngongliy u thildad,

Levitikus 26:11

Bay gu par u fithik’med u lan e Tent rog nib thothup, ma dariy bingyal’ ni gu ra pi’ keru’ug ngomed.

Levitikus 20:23

Dab mu’uned nga yalen e girdi’ ni yad ma par u rom; bay gu tuluf e pi girdi’ nem ya nge yag ni mmarod ngalan fare nam. Ya kar k’aringed e sonogor ngog nga urngin e ngongol rorad nib kireb.

Genesis 19:13

ya nggu kireb nigew e re binaw ney. I SOMOL e ke rung’ag nrib kireb e tin be rin’ e girdi’ ko re binaw ney, me ere ke l’oegmow ni nggu kireb nigew yu Sodom.”

Deuteronomy 32:19

“Fa’ani guy SOMOL ni aram rogon, me damumuw, me n’ag pifak ni pumo’on nge ppin.

1 Kings 13:32

Fapi thin ni yog SOMOL ngak ni nge yog nib togopluw ko fare altar nu Bethel mab togopluw nga gubin yang ni yima meybil riy u lane yochi binaw nu Samaria e rra yib i m’ug nib riyul’.”

Psalms 106:40

Ma aram me damumuw SOMOL ngak e girdi’ rok; nge sonogor ngorad.

Ezekiel 43:7

“Fak e girdi’, irera’ tagl’ig. Bay gu par u roy u fithik’ e girdi’ nu Israel nggu gagiyeg nagrad ni manemus. Dakriy reb e girdi’ nu Israel fa reb e pilung rorad ni ku ra m’ay nag fan fithingag nib thothup ngi i tayfan yug boch e got ara malang ko yam’ rok fapi pilung rorad nike yim’.

Amos 6:8

I SOMOL ni Th’abi Tolang ma Gubin ma Rayag Rok e ke micheg e re thin ney nib ginaeng ni ga’ar: “Kug fanenikay e ufanthin ko girdi’ nu Israel; kug dabuy e pi naun rorad ni fafelel’ ma gagang. Bay gu pi’ fare binaw ni tochuch u taferad nge urngin ban’en ni ba’ riy nga pa’ e to’ogor rorad.”

Amos 7:9

Yungi n’en ni be meybil e pi’in ni owchen Isak riy e bay ni kirebnag. Ma yungi n’en nib thothup ni bay u Israel e bay ni kirebnag. Bay gu museg e tabnaw rok Jeroboam ni Pilung ko gagiyeg.”

Jeremiah 16:18

Bay gu ruw yay nag taban e denen rorad ni nge aw ngorad nge farad kireb, ni bochan e ka ra ta’ay niged e nam rog ko pi liyos ni dariy e yafos riy ni bod e yam’, ni ka ra sugyed ko pi got rorad ni go’ bogi ban’en.”

Ezekiel 16:39

Bay gu pi’em nga pa’rad, ma bay ra gathayed fa yungi tagil’ ni um pi’em riy ni chuway’ ma ga be tayfan e liyos riy. Bay ra feked e mad rom nge pi churwa’ nge nunuw u dowam min pagem u tamilang.

Hosea 10:2

Girdi’ nib sug lanin’rad ko sasalap e dabisiy ni ngar gafgowgad e chiney ni bochan e denen rorad. I SOMOL e bayi buthug nga but’ e pi altar rorad, me gathay fa yu raba’ i malang ni yad ma meybil ngay.